K-ETA、Q-CODE代辦服務

Hello，大家好，我哋係由韓國人每日提供最新韓國旅行資訊嘅Creatrip。

成日聽好多人講飛韓國要申請K-ETA同Q-CODE，真係聽到都覺得頭痕... 到底呢兩樣嘢係咩？要點申請？小編會喺下面同大家再解釋！

最後更新：2024.01.01

根據韓國政府最新消息，由2023.04.01開始，所有入境韓國嘅港澳人士都唔再需要整K-ETA。
另外由2024.01.01開始，喺香港入境韓國人士需要整Q-CODE或填寫健康狀況申報表（黃色紙仔）。

到底K-ETA同Q-CODE係咩？

1. K-ETA

簡單啲嚟講，「K-ETA」係一張入境許可證，佢嘅對象係原本享有「免簽證」入境韓國嘅外國人，有效期間係兩年，只要獲得一次許可，未來兩年都唔使另外再申請，而持有長期簽證人士唔需要申請K-ETA。

不過根據韓國政府最新消息，由2023.04.01至2024.12.31，所有入境韓國嘅港澳人士暫時都唔再需要強制整K-ETA！但唔整就要填一張入境申請表 （同以前入境韓國時一樣）。

如果本身整咗K-ETA就唔使寫，喺機上/到埗後唔使再曬時間去寫。

點樣申請K-ETA？

• 簽發所需時間：通常係申請後約3日（取決於入境處申請數量）
• 價錢：￦10,300（申請費￦10,000 + 3%手續費）
• 有效期間：2年（如果護照有效期比2年短，會提早完）
• 語言：英文/韓文/日文/泰文
• 注意事項：申請後唔可以取消或退款

要先去K-ETA官網，或者喺App Store/Google Play Store download完K-ETA app再申請。全個流程總共有7個步驟，亦都有相當多資料要入，特別係upload護照相又多限制，韓國地址本身就睇唔明，仲要搵郵政編碼，其實都真係幾麻煩吓。

2. Q-CODE

「Q-CODE」係一個俾所有入境人士（韓國人、旅客、持有長期簽證人士等）喺登機前事先填寫個人資料同輸入健康狀態嘅系統，整完之後，一到埗去到Q-CODE專用櫃檯出示QR Code就可以輕鬆過關！

由香港入境韓國時填Q-code位置（攝於2023.03.18）

如果唔提前整Q-code就要寫健康申請表，表格係一張黃色紙，裡面全部韓文真係好難明，加上到時人多冇位填，大家要逼住寫就更麻煩。

點樣申請Q-CODE？

• 簽發所需時間：即時
• 價錢：免費
• 有效期間：單次（每次入境都需要重新申請）
• 語言：韓文/英文/中文/越南文

入到Q-CODE官網，撳「Input/輸入」，就會出現上面呢個畫面。大家要按指示完成總共7個步驟，分別有填寫個人資料、最近到訪國家、健康狀態等等，填完check清楚冇錯漏就可以撳提交，之後就會即刻彈一個載有你個人資料嘅QR Code出嚟！相關機構亦都會send一封有同一個QR Code嘅Email俾你，到時候過關出示俾工作人員睇就得啦！

大家睇完係唔係都覺得好複雜呢？而家透過我哋代辦申請K-ETA同Q-CODE，只需要提供幾樣資料就可以方便快捷申請，大家唔需要再望住啲Steps咁頭痕啦！

Creatrip K-ETA代辦服務5大好處！

1. 唔需要擔心語言問題

2. 一頁過，輸入10樣資料就可以

3. 點解可以咁快？因為我哋會幫你輸入哂所有資料！

4. 比其他代辦服務更加平，仲可以連埋Q-CODE一齊申請！

※ 同其他代辦相比

5. 我哋會再幫你Double Check！

6. 已經有超過3,000位顧客用過我哋嘅K-ETA代辦服務，安全有保障！

Creatrip K-ETA 代辦服務申請流程

如果個人頁面出現「預約完成」，即係代表Creatrip已經開始幫你申請（並唔代表已經成功申請）。

我哋幫你申請完之後，韓國出入境辦事處會send一個申請號碼去你email（通常2日就會知道結果），如果冇收到email，但又想知道申請結果，可以喺官網輸入護照號碼同出生年月日查詢。

提提大家：透過我哋申請Q-Code後，QR Code會由政府直接Send email去你當初填嘅Email度，如果到時冇收到QR Code，你可以喺入境前1-2日喺Creatrip網站/App內「我的頁面」查詢。

查詢申請結果頁面

許可證明

申請成功樣本

Creatrip K-ETA 代辦服務價錢

根據而家韓國政府政策，K-ETA同Q-CODE都已經唔係必須要整，不過如果想過關更簡單快捷，小編個人都幾建議大家嚟之前申請定！申請過程有需要幫手嘅話，可以考慮用我哋提供嘅代辦服務！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購