Hello，大家好，我哋係由韓國人每日提供最新韓國旅行資訊嘅Creatrip。 

講到韓牛產地可能最多人知係江原道橫城，不過全羅道長水韓牛一樣都好出名，因為飼養喺營養豐富嘅草原、天然純淨水源，肉質鮮嫩、脂肪量低而且油脂分佈均勻，喺韓國一樣好受歡迎，如果大家之後都想試，小編會想同大家推薦仁寺洞嘅「長水天空韓牛」，價錢唔貴而且CP值就超高！

仁寺洞美食「長水天空韓牛」資訊

• 地址：서울 종로구 인사동길 34-1
• 營業時間：11:30 - 21:30（Break Time 15:00 - 17:00）、週末11:30 - 21:00

仁寺洞美食「長水天空韓牛」推薦理由

• 可以用市面上最抵價錢食到被稱為韓牛界Hermes嘅1++ No.9韓牛！
• 所有菜式都係用由長水直送到首爾嘅韓牛，等大家喺首爾都可以食到新鮮牛肉！
• 喺海拔500米以上高冷山區養殖而成嘅長水韓牛超出名，肉質好之餘夠juicy！
• 引進最先進設備，而且座位夠寬敞，更加有埋獨立房，等客人可以喺舒適環境食飯，就算一個人去都可以食得好開心！

仁寺洞美食「長水天空韓牛」Menu

仁寺洞美食「長水天空韓牛」優惠及注意事項

• 請最少喺2日前完成預約。
• 烤肉類（西冷/雪花肋眼/菲力）叫2份以上時，即送以下餐點（三揀一）[蘿蔔泡菜炒飯（₩5,000）、冷麵（₩6,000）或拌麵（₩6,000）]
• 一人最低消費為一份餐點。
• 除咗預約餐點之外，可以去到現場再另外加錢叫。
• 午餐菜單係15:00之前；17:00之後就係晚餐菜單。
• 只接受體驗3日前更改/取消預約，如有需要請send email到help@creatrip.com。

仁寺洞美食「長水天空韓牛」預約流程

• 撳我預約。
• 輸入相關資料及支付費用。
• 我哋會喺1個工作天內確認你嘅訂單。
• 要更改或取消預約，請喺三日前send email到help@creatrip.com。
• 去到現場出示預約紀錄俾工作人員睇就可以。

仁寺洞美食「長水天空韓牛」 介紹

橫城韓牛大家可能都會聽過，但全羅道長水嘅韓牛一樣都好出名，不過大家而家唔使去到咁遠，喺仁寺洞鬧區嘅「長水天空韓牛」都可以食到。

長水韓牛按照嚴格飼養管理制度，加上喺杉林環繞、溪谷流經大自然環境下成長，肉質相當鮮嫩，係韓國非常出名韓牛產地之一。

大家見到牆上有咁多藝人簽名，就知道一定唔會令大家失望！

長水天空韓牛同一般燒肉店唔同，一入去就會經過特別裝飾嘅長水名產販售區，打上明亮燈光同擺上五顏六色蔬果，令人感覺好似去咗一個小型名產展示會咁。

冰箱內溫度同肉類保存都好講究，目的就係為咗等客人可以享用最新鮮肉質。

店內仲有農村風Cafe可以享用長水特有傳統茶、新鮮果汁，不過而家因為疫情關係冇提供，而呢個場地亦開放俾超過十人以上團體客人，有自己獨享空間，唔怕會俾人打擾到。

呢度嘅座位好闊落，而且夠乾淨同光，唔似一般燒肉店有多油煙味。

右邊仲有九間包廂座位，由四人至八人包廂都有，適合家庭聚會或想搵個安靜地方食飯嘅客人。

最令小編意外嘅係鋪頭設備好先進，會有自動送餐機。

呢度小菜都整得特別用心，有醃製番茄、辣椒、生菜同紅蘿蔔蘋果粥等。

原本擔心紅蘿蔔蘋果粥會有啲奇怪，點知食落甜甜地，好似南瓜粥咁，健康又營養。

就連煎餅都好酥脆，令人忍唔住食完一啖又一啖。

海帶湯係用大骨熬製，好濃郁，而且仲食到一塊塊軟嫩牛肉，好食到老闆仲講笑話，好多人都以為呢度係出名食海帶湯添！

小編叫咗西冷、菲力，老闆仲特別送咗上蓋肉牛排，等小編比較唔同部位肉質。

每一塊肉嘅油脂分布得好均勻，望落好新鮮。

西冷牛排嘅油脂分佈較多且均勻，每一啖都食到牛肉香氣，加上老闆熟練技法，只要等表面燒一燒就食得。

直接食會感受到牛肉鮮甜，或者點芥末、海鹽或喜馬拉雅鹽一齊食，口感又會唔同啲同更有層次。

菲力油脂相對較少、口感偏紮實、有彈性，燒到約五至七分熟就可以食。

大家又有冇睇到流口水呢？

 上蓋肉牛排 （새우살）

上蓋肉牛排係牛隻肩背下面、肋眼上又被細切分出一條，因為數量少、而且好夠嫩，可以話係牛肉中嘅精華。

牛排無論係配上香蔥或蔬菜一齊食都好清爽，如果想單純享受牛肉香味，簡單點調味料食就得。而家只要透過我哋預約兩份燒肉以上，就會送價值₩5,000嘅蘿蔔泡菜炒飯、₩6,000冷麵或拌麵。

如果只係食肉都覺得仲未好夠，可以試佢哋嘅韓式醃製烤肉，裡面有冬粉、金針菇、蘿蔔、蔥、相當有營養，而且一人份量都超多！

就連韓式醃製烤肉都採用優質牛肉煎煮，口感嫩滑，加多碗白飯一齊食超有飽肚感。

仁寺洞美食「長水天空韓牛」前往方法

安國站6號出口出嚟之後直行。

經過遊客中心左邊行。

經過GS25隔離大路一直直行。

直行大約400米就會見到長水天空韓牛招牌。

左邊就係長水天空韓牛入口。

長水天空韓牛｜撳我預約

 網上付款Q&A

以上係仁寺洞美食「長水天空韓牛」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購

Mail：help@creatrip.com