益善洞美食｜首爾88啤酒
想一次過食到4款口味Pizza，同飲手製啤酒？咁你就要去益善洞嘅「首爾88啤酒」啦！
Hello，大家好，我哋係由韓國每日提供最新韓國旅行資訊嘅Creatrip。
喺仁寺洞、宗廟同昌德宮附近行完一日，會唔會想飲返杯啤酒爽吓呢？位於益善洞附近嘅首爾88啤酒就幫到你啦！而且仲有4種口味Pizza，只要出示我哋優惠券仲可以有8折優惠添！
益善洞美食「首爾88啤酒」資訊
- 地址：서울 종로구 돈화문로 46
- 營業時間：11:00 - 04:00（Last Order 03:50、Break Time 15:00 - 16:00）
益善洞美食「首爾88啤酒」推薦理由
- 首爾88啤酒係一間出名飲小麥啤酒同食4種口味Pizza。
- 首爾88啤酒近仁寺洞、昌德宮同宗廟，去完觀光之後嚟呢度好方便。
- 一次過可以食到4種口味嘅Pizza，非常之特別。
- Menu有韓文、英文、日文同中文，而且職員都識講呢4種語言。
益善洞美食「首爾88啤酒」優惠
- 埋單嘅時候向職員出示優惠券，即可享8折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
- 19歲以上先可以叫酒飲。
益善洞美食「首爾88啤酒」菜單
| 菜單 | 價格 |
| 食物 | |
特製的四分之一Pizza 스페셜 쿼터 피자 | ￦27,000 |
| 炸蝦球&炸蝦 새우볼&새우튀김 | ￦18,000 |
韓牛生牛肉 ( 150g） 한우육회 (150g) | ￦35,000 |
蕃薯芝士炸豬排 고구마 치즈 돈까스 | ￦11,000 |
火雞炸醬拉麵炒年糕 불닭 짜장 라볶이 | ￦12,000 |
啤酒 | |
熊牌小麥啤酒 곰표 밀맥주 | ￦8,000 |
九尾狐百珍啤酒 구미호바이젠 | ￦7,000 |
麥格波特黑啤酒 맥파이포터 | ￦8,000 |
朴娜勑Highball 박나래 하이볼 | ￦8,000 |
西柚Highball 자몽 하이볼 | ￦8,000 |
益善洞美食「首爾88啤酒」介紹
首爾88啤酒位於1、3、5號線鐘路3街7號出口正前方，要去嘅話超方便，由宗廟步行過去大約7分鐘，人人廣場行過去大約12分鐘，昌德宮行過去大約10分鐘，只睇外觀仲以為係一間Cafe。
不過入到去黃色燈光下，氣氛相當好，雖然唔係好闊落，但都俾人一種好乾淨嘅感覺。
因為係手製啤酒專門店關係，一入到去已經會見到有唔少啤酒機。
呢度仲有準備好中文、英文同日文嘅Menu，相當貼心。
因為呢度好多都好出名，所以小編都忍唔住叫咗好多。
叫完嘢食之後，基本會送蝦片同花生，而家就等小編逐一為大家介紹啲酒有咩特別啦！
熊牌小麥啤酒（곰표 밀맥주）￦8,000
3款酒入面，小編個人最鍾意呢一款，佢好易入口，而且仲有桃同熱帶水果香，好好飲！
九尾狐啤酒（구미호바이젠）￦7,000
九尾狐啤酒一樣都係好易入口，飲嘅時候會有少少香蕉味，如果佢配埋炸物一齊食，會更加好味！
麥格波特黑啤酒（맥파이포터）￦8,000
呢款酒味偏苦，而且仲有啲咖啡味，如果係啤酒愛好者，一定要試吓！
炸蝦球 & 炸蝦（새우볼&새우튀김）￦18,000
炸蝦球由薯餅、蝦同捲野菜組成，上面仲有辣椒同沙律等醬汁。
蝦球細細粒，一口食哂就啱啦！外脆內軟，甜甜地又辣辣地幾好味！
特製的四分之一Pizza（스페셜 쿼터 피자）￦27,000
Special Quarter Pizza係呢度嘅招牌菜，4款唔同口味Pizza，包括有夏威夷、義式臘腸、烤肉同炸薯條。
大家見唔見到啲芝士呢？而家就等小編逐一介紹啦！
義式臘腸料多，不過有啲咸，好彩裡面洋蔥好脆，中和返個味道。
本身夏威夷Pizza嘅菠蘿都會燒過，但呢度冇，小編個人好鍾意，煙肉嘅鹹味同新鮮甜脆菠蘿口感超完美！
食兩塊Pizza其實都已經好飽，呢個時候當然要飲杯酒提吓神啦！
韓國人最鍾意嘅烤肉Pizza！ 甜甜地又鹹鹹地，大人細路都會鍾意！
最後就係薯仔Pizza，超多薯仔、芝士同辣椒，個人都好鍾意！如果食唔哂大家仲可以打包拎走添！
如果多人去仲係覺得唔夠飽，都可以再追加其他。
唔知大家有冇睇韓綜《我獨自生活》呢？之前朴娜勑喺節目做咗一款獨家Highball，播出後大受歡迎，好多人都跟住做，而家喺首爾88啤酒都有得飲啦！
朴娜勑Highball（박나래 하이볼）￦8,000
呢款酒係用咗紅茶、威士忌、湯力水去調，飲落完住唔似酒，甜甜地好好飲！
西柚Highball（자몽 하이볼）￦8,000
另外西柚Highball一樣都係冇咩酒味，只係多咗西柚嘅苦澀同清爽味，都易入口，應該好多人都會鍾意飲！
韓牛生牛肉150g（한우육회(150g)） ￦35,000
飲酒最好就係配生牛肉，雖然價錢比其他下酒菜貴，但係食過一次嘅人都會想再試！
將蛋黃同生牛肉撈勻，之後再同梨一齊食，嗰種鮮甜嘅口感，真係一試難忘！
蕃薯芝士炸豬排（고구마 치즈 돈까스）￦11,000
份量雖然唔算多，不過佢一碟入面仲有幾款小菜，睇落相當豐富。
用刀切開就會見到芝士同蕃薯融合埋一齊，同醬汁一齊食，真係可以食多幾碗飯。
火雞炸醬拉麵炒年糕（불닭 짜장 라볶이）￦12,000
平時火雞麵同辣炒年糕可能都係分開食，不過大家有冇諗過將佢哋mix&match試吓呢？
平時只食火雞麵可能會覺得好辣，但只要加咗年糕，即刻會變得係辣得嚟又有啲甜，創新食法變得更加好味！
嚟韓國想飲返杯同食吓地道美食，之後不如就嚟首爾88啦！
只要一到夜晚9點，仲可以喺出面食，完全係另一個氣氛！
益善洞美食「首爾88啤酒」前往方法
鐘路3街站7嘅出口出嚟就會即刻見到首爾88啤酒啦！
點先可以享有益善洞「首爾88啤酒」 8折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係益善洞「首爾88啤酒」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com