益善洞美食｜益善洞牧場
益善洞牧場用嘅肉超高質！韓牛、高級豬肉呢度都有得食！
Hello，大家好，我哋係由韓國每日提供最新韓國旅行資訊嘅Creatrip。
嚟韓國又點可以唔食燒肉？今日想同大家介紹位於益善洞嘅「益善洞牧場」，呢度有豬同牛肉食，想一次過食到兩款肉就要嚟呢度啦！
益善洞美食「益善洞牧場」資訊
- 地址：서울 종로구 돈화문로 53
- 營業時間：11:30 - 22:00（Break Time 15:00 - 16:00、Last Order 21:30）
益善洞美食「益善洞牧場」推薦理由
- 益善洞牧場係一間出名嘅燒肉店，而且就喺鐘路燒肉街附近，要去超方便。
- 呢度用咗韓牛同西班牙頂級豬，保證大家食完一定會滿足。
- 以昌德宮丹青藝術設計外觀，令人印象深刻，餐廳內部好乾淨，有好多位。
- 有茄子、紫蘇葉、薯仔等小菜，配肉一齊食超有口感。
- 職員會幫大家燒肉，唔需要怕燒燶，只要等食就可以。
- 職員識講韓文同日文。
益善洞美食「益善洞牧場」優惠
- 燒肉至少要叫2份起（可以每樣一份咁叫）。
- 埋單嘅時候向職員出示優惠券，即可享9折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
益善洞美食「益善洞牧場」菜單
菜單 | 價格 |
YBD五花肉（150g） YBD 삼겹살 | ￦15,000 |
豬頸肉（150g） 항정살 | ￦18,000 |
橫隔膜肉（150g） 생갈매기살 | ￦15,000 |
伊比利亞豬肉（150g） 이베리코 갈비살 | ￦15,000 |
韓牛里脊肉1+（120g） 한우 채끝살 1+ | ￦28,000 |
冷麵 냉면 | ￦7,500 |
蒸雞蛋 계란찜 | ￦3,500 |
*無論係水冷麵定係拌麵，餐廳都會提供湯同小菜。
益善洞美食「益善洞牧場」介紹
呢間燒肉店一直都好出名，小編今次終於去到啦！餐廳距離鐘路3街站只係幾分鐘，加上外觀有超大彩色招牌，聽講靈感係嚟自昌德宮丹青裝飾藝術，要搵嘅話一啲都唔難。
餐廳外面仲有一個小花牆俾大家打卡。
雖然入到去唔會覺得好大，但都好乾淨，同時仲有好多位。
靠近玻璃門嘅座位最受歡迎，因為可以邊食邊望住出面街景。
入口位會有一個放滿肉嘅雪櫃同開放式廚房，大家可以睇到職員點準備肉，食嘅時候會更放心。
呢度最特別係有一個望落好似魚缸嘅水櫃嚟保存肉類，聽講會咁做係因為益善洞牧場想令肉保持最佳狀態，呢點相當貼心！
揀好檯之後就可以揀食咩，呢度嘅Menu多樣化，牛肉同豬肉都有，加上有埋圖，韓文、英文同日文介紹。
每張檯上都有一個鐘，只要撳佢職員就會嚟幫手。
因為每款都想試吓，最後小編叫咗韓牛1+牛里脊肉、YBD五花肉、豬頸肉同伊比利亞豬肉，提提大家呢度嘅肉至少要叫2份，但大家可以每款都叫1人份。
落完單之後，職員就會送上小菜，呢度嘅小菜超多，有大醬湯、泡菜、醃蘿蔔、醃洋蔥、大蔥、茖蔥、辣椒、菇同薯仔絲等。好多人一開始會以為薯仔絲係洋蔥，但當佢同肉一齊食，爽脆口感真係令人一試難忘！
喺燒肉之前職員會先用溫度計去Check爐嘅溫度，確保燒嘅時候係最好味。
韓牛里脊肉1+（한우 채끝살 1+）₩28,000
由肉嘅顏色已經可以feel到肉嘅嫩度，油脂比例好平均，佢係韓國1＋級韓牛，雖然係貴啲，但食完絕對會覺得係物有所值！
因為係牛肉，所以好快就食得，如果想再熟啲可以用職員講。
益善洞牧場對配料都好有講究，燒肉醫係自己整，同埋用英格蘭擁有120年傳統嘅馬爾頓鹽，只要點少少就已經好好味，有種入口即溶嘅感覺。
食完牛肉之後就到豬肉，佢味會按照排骨、五花肉、豬豬肉順序去燒。
橫隔膜肉（생갈매기살）₩15,000
呢度嘅肉好新鮮，差唔多熟嘅時候，職員會剪開一嚿嚿。
為咗再熟啲，職員仲會用火槍去燒。
呢度嘅肉燒到啱啱好，一啲都唔乾，好有肉汁，同其他小菜一齊包嚟食，更加有飽肚感。
YBD五花肉（YBD 삼겹살）₩15,000
YBD係優質豬肉，佢只佔韓國豬肉總產量0.3%，可以喺呢度食到真係好難得！
油脂好平均，而家諗返起，真係令人流哂口水。
用生菜、芝麻葉、洋蔥、泡菜將肉包起嚟，真係好味到難易形容。
豬頸肉（항정살）₩18,000
呢度嘅豬願肉一啲都唔膩，燒到金黃色脆卜卜食最好味！
最後每條豬頸肉會剪成一半，方便大家食。
可以同醃製過嘅茖蔥一齊食，酸酸甜甜好好味。
伊比利亞豬肉係最獨特嘅部分，佢味道好濃郁，好多人都鍾意食，佢超多肉汁，保證大家一試愛上！
整體嚟講，益善洞牧場嘅肉全部都好高質，職員亦都好Nice，只要下載我哋提供嘅優惠券，仲可以有9折優惠添！
另外餐廳仲有舉辦緊活動，只要喺post相上Instagram Hashtag #익선동목장 #종로맛집 #익선동삼겹살，向職員出示就可以免費獲得1罐飲品，另外餐廳每個月都會喺 Instagram抽獎，贏嘅人仲會獲得價值 ₩50,000餐券（1人）， 以上優惠再加埋我哋提供嘅9折優惠，真係超抵啊！
益善洞美食「益善洞牧場」前往方法
鐘路3街站6號出口出嚟之後，跟住箭嘴方向行。
喺十字路口轉左。
直行大約2分鐘。
之後就會見到益善洞牧場喺左邊。
點先可以享有益善洞「益善洞牧場」 9折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係益善洞「益善洞牧場 」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com