明洞美食｜黃金牧場
明洞CP值超高燒肉店！「黃金牧場本店」燒韓牛、五花肉呢度全部有！
Hello，大家好，我哋係由韓國每日提供最新韓國旅行資訊嘅Creatrip。
去韓國又點可以唔食燒肉呢？不過好多餐廳都只係得豬肉，或者係淨牛肉，想一次過食到嘅兩樣話，小編會推薦大家去明洞「黃金牧場本店」，因為呢度CP值超高！
明洞美食「黃金牧場本店」資訊
- 地址：서울시 중구 명동8나길 6 3F
- 營業時間：11:00 - 04:00
- 可預約時間：11:00 - 01:00
- 電話：02-753-3536
- 小Tips：由明洞站6號出口行大約2分鐘
明洞美食「黃金牧場 明洞聖堂店」資訊
- 地址: 서울시 중구 명동10길 23 2F
- 營業時間：11:00 - 04:00
- 可預約時間：11:00 - 01:00
- 電話：02-318-2426
- 小Tips：明洞站8號出口行大約200m
明洞美食「黃金牧場」推薦理由
- 之前韓綜《歡迎，首次來韓國？》第二季瑞士篇都有去過取景，人氣相當高！
- 呢度可以一次過食到燒黃金五花肉同韓牛，所有肉都係最高級同熟成過！燒肉由頭到尾都係由職員幫手燒，大家唔需要怕燒燶，只要等食就可以。
- 呢度嘅座位相當之闊落，而且仲有8間客房俾大家預約，好有自己個人空間。
- 職員識講中文、英文、韓文、日文同越南文，唔需要擔心溝通有問題。
明洞美食「黃金牧場」價錢
| A SET（2人） YBD五花肉150g、伊比利亞黑毛肉150g 石鍋拌飯、海鮮蔥餅 | |
B SET（3~4人） 肥牛/牛肉拼盤500g、五花肉150g 石鍋拌飯、海鮮蔥餅、海鮮大醬鍋 | |
| C SET 五花肉150g、伊比利亞黑毛豬150g 名品豬頸肉150g、生拌章魚牛肉 海鮮大醬鍋 | |
| YBD五花肉（150g） YBD 통삼겹 | ₩17,000 |
| 伊比利亞黑毛豬（150g） 이베리코목살 | ₩19,000 |
| 牛前腰脊肉（150g） 채끝살 | ₩43,000 |
| 海鮮蔥餅 해물파전 | ₩21,000 |
| 嫩豆腐湯 순두부찌개 | ₩8,000 |
| 石鍋拌飯 돌솥비빔밥 | ₩12,000 |
*想更改預約或取消請喺去之前4日完成。
明洞美食「黃金牧場」注意事項
- 至少要提前3日預約。
- 為咗可以確保有位，請預約時揀清楚日期同時間。
- 想更改預約或取消請喺去之前4日完成。
- 同一個時間最多只可以接受8人預約。
- 如果有menu想追加，請喺現場支付。
- 如果想更改預約，或有任何疑問，請send email到help@creatrip.com。
明洞美食「黃金牧場」預約流程
| STEP 1. | |
| STEP 2. | 請詳細輸入所有相關資訊。 |
| STEP 3. |
|
| STEP 4. | 請準時到現場，去指定分店出示預約紀錄就可以。 |
| STEP 5. | 用餐。 |
明洞美食「黃金牧場本店」介紹
黃金牧場本店離明洞站6號出口好近，行過去大約只係2分鐘，不過因為喺3樓，去嘅時候可能要細心留意吓，上到去一出Lift就會見到黃金牧場入口，因為本身呢度好有人氣，當日小編專登避開人多時候，大約係16:30去到。
呢度好闊落，而且有好多位，如果係團體去到，仲可以提前打電話預約去訂房，有一間最多可以坐20人。
呢度嘅肉會先拎去熟成，經過熟成嘅豬肉分解豬肉嘅肌纖維，同時肉質會變得更嫩，有入口即溶嘅感覺。
雖然呢度係燒肉店，但完全唔會俾人覺得好油膩嘅感覺，每一張枱都清潔得好乾淨，坐低之後職員就會送上各種小菜。
明洞美食「黃金牧場 聖堂店」
除咗本店之外，而家明洞聖堂店都同我哋合作啦！鋪頭入面都夠闊落。
呢度係開放式廚房，大家可以睇到一切，食落會令人更加安心。
呢度同本店一樣都有將啲肉先拎去熟成，大家食到嘅肉質保證係最嫩。
呢度嘅肉類同埋小菜有好多，有圖、有韓文、中文、英文同日文介紹，所以唔使擔心睇唔明。
呢度每一款都好吸引，職員見小編咁苦惱，就推薦小編食B SET，佢話係最多人叫嘅一個套餐。B SET包括有：肥牛,牛肉拼盆、YBD五花肉、海鮮蔥餅、海鮮大醬湯同石鍋拌飯，份量相當多，雖然係3人Set，但如果女仔4個去，都好夠食！
除咗牛肉之外，每一款都需要去煎或者煮，所以全部都會分開上，而家就等小編逐一為大家介紹啦！
最近唔少燒肉店喺燒肉之前都會先幫個爐量熱度，當check到係240度嘅時候燒係最好味。
第一個會燒嘅係肥牛,牛肉拼盆有肥牛、牛肩肉、牛腩肉、隔膜肉、牛胸腹肉同一嚿雞脾菇。
呢度每款肉，職員會都會分開燒，而且每燒完一次都會清好個爐，大家絕對唔會食到燶嘅肉。
每一嚿肉咬落去超有肉汁，好嫩，入口即溶嘅感覺真係超好味！大家可以只係點鹽，或者用生菜包肉、Wasabi同蔥一齊食！
呢度嘅五花肉會先煎到70%熟，再拎出嚟再幫大家燒，職員話會咁做嘅原因，平時就咁喺大家面前燒嘅話可能會好大油煙，但燒完再拎出嚟嘅話大家身體唔會有咁大味，呢一點做得相當之貼心！
五花肉燒到成金黃色，外脆內軟，相信冇人會唔鍾意！
小編鍾意先點佢哋嘅蝦醬，再用紫蘇葉包嚟食，加埋大蒜同蔥，呢一個組合絕對冇得輸！
B SET連埋3個主菜，第一個想同大家介紹嘅係海鮮蔥餅。
蔥餅有好多魷魚同大蝦，用料新鮮，外皮煎到好脆，再點埋佢哋秘製嘅辣醬汁（小編個人覺得唔辣），超完美！
呢到嘅石鍋拌飯亦都好出色！將辣椒醬同埋所有菜、煎蛋一齊撈埋食，大人細路都鍾意！
海鮮大醬湯唔單止夠濃郁，而且用料多，令人忍唔住想飲返幾碗！
只要出示我哋優惠券就可以有9折優惠！同時本身店鋪有搞活動，只要喺SNS（IG、Naver、Facebook、Google、Tripadvisor、小紅書）其中一個媒體介紹，同加指定hashtag就可以免費獲得一罐飲品，或者黃金牧場特製心型燒酒杯。
咁好嘅雙重優惠，大家就唔好錯過啦！
明洞美食「黃金牧場本店」前往方法
明洞站6號出口出嚟。
出到嚟轉左直行。
見到Nature Republic之後轉左。
直行之後會見到右邊黃色牌寫住「황금목장（黃金牧場）」。
喺ZIOZIA左邊有幢大廈，之後行入去。
入到去可以揀行樓梯或者搭Lift上3樓，一出去就會係黃金牧場啦！
明洞美食「黃金牧場聖堂店」前往方法
明洞站8號出口出嚟。
出到嚟之後見到Olive young之後轉左。
直行過2個街口。
黃金牧場聖堂店就係喺ALL MASK STORY隔離。
以上係明洞美食「黃金牧場本店」 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
