明洞美食｜以南場
首爾傳統雪濃湯到底係咩味？之後去明洞「以南場」話唔定會搵到答案！
Hello，大家好，我哋係由韓國每日提供最新韓國旅行資訊嘅Creatrip。
韓國咁多款湯類食物有冇邊一款一定要試？相估唔少人嚟到韓國都會想試雪濃湯，今日小編就想同大家介紹位於明洞嘅「以南場」，唔單止韓國人鍾意去，唔少外國人都會去食添！之後去食，出示我哋提供嘅優惠券仲可以有9折優惠添！
明洞美食「以南場」資訊
- 地址：서울 중구 명동9길 39 1,2F
- 營業時間：平日08:30 - 22:00（Last Order 21:30）、週末 08:30 - 21:00（Last Order 20:30）
明洞美食「以南場」推薦理由
- 以南場用咗首爾雪濃湯元祖風格去煮。
- 加咗牛骨、牛胸腱肉、牛舌等肉類，保證大家一定會食得飽。
- 熬煮48小時，無任何添加物，可以感受湯嘅濃郁清香。
- 除咗雪濃湯之外，仲可以食到用牛骨同肉整成嘅湯底冷面、白切肉。
明洞美食「以南場」優惠
- 埋單嘅時候向職員出示優惠券，即可享9折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
- 有識英文、中文、日文同越南文嘅職員。
明洞美食「以南場」菜單
| 菜單 | 價格 |
雪濃湯 설렁탕 | ￦12,000 |
特雪濃湯 특설렁탕 | ￦20,000 |
水冷麵 물냉면 | ￦12,000 |
拌冷麵 비빔냉면 | ￦12,000 |
| 白切肉（小） 수육 (小) | ￦48,000 |
明洞美食「以南場」介紹
以南場係喺乙支路入口站5號出口附近，同明洞相當近。
內部相當闊落，同時牆上掛咗唔少韓國傳統繪畫。
呢度個人或者團體嚟都冇問題，大家嚟到都可以舒舒服服咁食飯。
小編當日大約係晏晝3點左右去到，不過當時都有唔少人，可見都幾有人氣。
如果上到2樓，會見到完全唔同風格，有種散發住20世紀初期京城式茶館氣息。
同時仲有一啲以前先會見到嘅道具，相當有懷舊感同可愛。
檯上有鹽、蔥同胡椒，叫完雪濃湯如果覺得唔夠味，都可以自己再加啲調味。
小編當日就叫咗特雪濃湯、雪濃湯，基本小菜會有泡菜、蘿蔔泡菜同鹽。
特雪濃湯（￦20,000）
特雪濃湯入面係有牛胸腱肉、牛舌同牛腩，因為小編鍾意食蔥，所以加咗好多 呢個湯最大賣點係佢好清，裡面仲有飯同素麵。
牛舌超大片。
上面呢嚿牛胸腱肉超嫩，油脂分佈得好平均，入口即溶。
如果大家覺得太大，仲可以用鉸剪剪成一片片，同湯一齊撈勻嚟食，牛舌雖然比起其他部位嫩，但可能小編第一次食，會覺得口感有啲怪
牛腩一睇就知佢好嫩，如果點醬一齊食會更加好味。
剪唒所有肉之後，會發現呢度俾嘅量超多，超香超好味。
雪濃湯（￦12,000）
雪濃湯係只有牛腩肉，雖然係限定，不過肉嘅份量都俾好多。
食之前可以落一細羹鹽。
同樣地都係將肉、飯同素麵一齊食，味道好夠味，唔會太鹹，食完即刻個人好暖，就算係夏天嚟食，鋪頭會開哂冷氣，食嘅時候唔會覺得好熱。
食雪濃湯絕對唔可以少咗泡菜同蘿蔔泡菜。
將小菜剪開哂，同雪濃湯一齊食，呢個組合真係超夾。
如果食嘅時候覺得太淡，可以加啲辣椒酱。
份量相當多，絕對會食得飽！
不過如果食嘅時候都係覺得唔飽，可以去自助吧到拎飯、素麵同小菜。
除咗堂食之外，如果係外賣拎走，只要出示優惠券一樣可以有9折優惠。
明洞美食「以南場」前往方法
由乙支路入口站5號出口出嚟。
一出到嚟見到右邊有馬路先過，然後一直直行。
見到Coco藥店之後轉右。
行前少少就會見到以南場啦！
點先可以享有明洞「以南場」 9折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係明洞美食「以南場」 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
