仁川香水工房｜Aroma Forest
想整返一支獨一無二嘅香水？之後嚟仁川「Aroma Forest」可以幫到你！
Hello，大家好，我哋係由韓國人每日提供最新韓國旅行資訊嘅Creatrip。
唔知大家鍾唔鍾意噴香水嘅呢？市面上雖然有好多款，不過講到最特別當然就係自己整返支啦！今日小編想同大家介紹一間位於仁川嘅香水工房「Aroma Forest」，小編去完整完都好滿意，想同大家介紹整個過程！
仁川香水工房「Aroma Forest」資訊
- 地址：인천시 남동구 예술로 198 4F
- 營業時間：12:00 - 21:00
仁川香水工房「Aroma Forest」推薦理由
- 呢度有66種名牌同小眾香水，大家可以用1-3種香料去整屬於自己嘅香水。
- 香料係經過歐洲出口認證，香味保證客人會滿意。
- 就算平時唔太用香水嘅朋友，喺呢度可能都會搵到屬於自己嘅味道！
- 只要係我哋會員預約DIY我的香水 50ml， 就會送車輛用香薰。
仁川香水工房「Aroma Forest」價格
| 項目 | 價格 |
| 我的香水DIY 30ml | ₩30,000 |
| 我的香水DIY 50ml | ₩40,000 |
車輛用香薰 | ₩3,500 |
仁川香水工房「Aroma Forest」注意事項
- 只要係透過我哋預約「DIY我的香水 50ml」， 就會送車輛用香薰。
- 每人都要整一支。
- 最少要喺2日前預約。
- 如果要更改或取消，請喺體驗日3日前完成。
- 如果要更改預約內容，請send email到help@creatrip.com 。
- 可以用簡單英文溝通，職員會親切教大家點整。
仁川香水工房「Aroma Forest」預約流程
- 撳我預約。
- 輸入預約相關資料、詳細資訊。
- 請支付所有費用。
- 我哋會喺2個工作天內確認訂單。
- 如果要更改或取消，請喺體驗日3日前完成。
仁川香水工房「Aroma Forest」介紹
Aroma Forest仁川九月分店係同CGV喺同一層，一出Lift沿住通道行就會見到，同朋友去睇戲前/後有時間都可以去體驗一吓！
呢度有66種高價品牌香水，只要經過都可以拎樣整嚟聞吓，唔少人聞完都會直接入手，價錢一啲都唔貴。
平時去百貨公司同埋香水可能都要行幾間，但呢度一個地方就集齊咁多種香水，就算唔嚟體驗，只係買香水都好值得！
店入口仲有賣天然香薰、紡織香水、車輪用香薰、室內噴霧等各種香料，而家只要透過我嘅預約，仲可以有可愛造型車輛用香薰。
呢度可以揀整30/50ML香水，因為一開始小編冇乜信心，只係揀咗整30ML，但整完之後即刻後悔咗...早知整多啲。
揀完要整幾多ML之後就可以整香水啦。
如果本身大家都對名牌香水熟悉，可以直接同職員講，但如果好似小編一樣唔太知嘅話，可以同職員講你鍾意點嘅香味，例如花香，或者甜香等。
呢度有Lanvin、 DIPTYQUE等各式名牌的香水，所以喺未調香之前，小編已經好滿意。
最後小編揀咗四款，但如果只要揀一款真係有啲難。
因為一直聞可能會同其他味道撈亂，呢個時候調香師會俾大家聞咖啡豆，超神奇聞完之後個鼻好似即刻通返咁！
最後小編揀咗帶有花香味嘅Chanel Chances Eau Tendre同帶有水果香味嘅Hermes Un Jardin Surnile，超期待兩款加埋之後會係點。
揀完香水之後，就可以按比例調香，Aroma Forest生產純度20%以上香水（分成香精、香水、淡香水類型）。所以只係噴少少都會好濃味（唔想太濃可以再落少啲），而且香味可以keep超過12小時。
如果只係整一款味大約過程只係需要5分鐘內。
整嘅過程大家都要好小心，首先全部先落1g，之後再慢慢調。
當調好哂比例，淨底嘅就係落酒精。
之後就可以揀香水嘅顏色，小編本身係揀橙黃色，點知整完出嚟係黃色。
小編另一位同事揀嘅綠色都幾唔錯！
整完之後仲可以點可愛貼紙MERCI！整個製作過程大約係1小時。
可能因為係自己一手一腳整，所以更加特別同有意思，如果你一直都搵唔啱屬於自己嘅香水，嚟呢度整返支就冇錯啦！
仁川香水工房「Aroma Forest」前往方法
喺仁川1號線藝術中心站1號出口出嚟之後一直直行，行大約5分鐘路就會見到CGV大樓。
上完樓梯之後轉右入去。
見到Lift撳4樓上去。
沿住走廊一直直行。
之後就會見到Aroma Forest㗎啦！
以上係仁川香水「Aroma Forest」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com