Hello，大家好，我哋係由韓國每日提供最新韓國旅行資訊嘅Creatrip。
Good ol' days位於釜山站同南浦洞附近，佢係一間天台Cafe，喺度可以買到150張捕捉釜山美景嘅旅遊明信片，而且3樓同5樓仲係酒店。
南浦洞咖啡廳「Good ol' days」資訊
- 地址：부산 중구 중앙대로41번길 5
- 營業時間： 11:00 - 22:00（Last Order 21:30）
南浦洞咖啡廳「Good ol' days」推薦理由
- Good ol' days前身係Check in Busan，好多韓國人去釜山都一定會去，而家重新開張。
- 位置係喺釜山站同南浦洞附近，要去嘅話相當方便。
- 呢度可以買到由釜山當地攝影師影出超過 150張嘅釜山明信片，甚至可以將佢寄到未來。
- 每個月仲有當地藝術家小型攝影展同小型文具快閃店，睇嘅嘢相當多。
- 喺五樓頂樓，仲可以望到釜山塔同釜山大橋景色。
南浦洞咖啡廳「Good ol' days」優惠
- 買5張明信片，就可以得免費獲得1張。
- 唔需要預約。
- 如果用coupon嘅時候，有任何疑問都可以send email到help@creatrip.com。
南浦洞咖啡廳「Good ol' days」菜單
| 菜單 | 價格 |
| 文具類 | |
| 明信片1張 | ₩1,000 |
| 郵票1張 | ₩500 |
| 飲品 | |
| 美式咖啡 | ₩4,300 |
Nut Einspänne 굿슈페너 | ₩5,000 |
| 麵包 | |
| 蛋撻 에그타르트 | ₩3,500 |
檸檬瑪德蓮 레몬마들렌 | ₩3,200 |
南浦洞咖啡廳「Good ol' days」介紹
釜山Good ol' days距離中央站1號出口1分鐘，距離南浦站7號出口3分鐘！呢度最特別係屋頂可以休息同時可以欣賞美景，甚理可以買到釜山旅遊明信片。
Good ol' days一至二樓係Cafe，三至五樓係酒店，可能因為咁由入口已經睇落好似去咗歐洲酒店咁，裝修好特別同有質感。
Good ol’ days係「過去美好時光」嘅意思，老闆希望每個人嚟到都可以有一個難忘回憶。
呢度好闊落，有超大個窗戶，俾人一種好溫暖同涼爽嘅感覺。
每個角落都有唔少小物，入口處仲展示Good ol’ days創立故事，同時仲有同釜山香水工作室合作製作嘅獨有標誌性擴香器。沉穩清爽木質香，好似去到一片竹林咁。
牆上仲有介紹「釜山三大中國餐廳」、「55年傳統印章工匠」、「40年豬肉湯飯」等餐廳，雖然係寫韓文，但如果睇得明嘅朋友可以參考一吓。
要去Good ol’ days嘅原因之一係明信片，全部都係由當地攝影師拍攝釜山美景，大約有150幾張，而且老闆本身都係攝影師，佢會以藝術家身份參加，可見佢對攝影有幾認真！
近睇啲相仲可以睇到相入面嘅介紹。
明信片有好多景點，當中包括廣安里、海雲台、甘川文化村、西面等，每一張都影得好靚，好有Feel。
唔知大家去旅行都鍾意買咩紀念品呢？ 小編個人好鍾意收集明信片同磁石！只要係我哋會員去到，買5張明信片，老闆就會送1張。
小編去嘅時候都有唔少韓國人喺度揀緊，而當中佢咁受歡迎仲有一個賣點係因為有Postcards to the Future服務。
呢度嘅Postcards to the Future係由買當日起至3年內可以揀指定日子收，通常都會揀喺一年後， 大家可以喺度買明信片同郵票後，填好再俾職員佢哋幫手寄，唔單止可以寄韓國，仲可以寄海外。
Cafe中間有準備筆、擦子膠同郵票等大家去DIY明信片寄俾將來嘅自己。
呢度有好多自己整嘅釜山精品同地圖，大家可以買嚟收藏。
牆上仲有唔少本地作家嘅攝影作品，每個月都會變。
去Cafe當然唔可以少咗杯咖啡，呢度最出名係Nut Einspänne、Good Vienna等特色飲品，其他美式咖啡、鮮奶咖啡、無咖啡因飲品等通通都有。
美式咖啡（아메리카노）₩4,300
小編叫咗一杯美式咖啡，呢度用嘅豆超香同好濃，飲完即刻成個人都精神哂！
呢度所有甜品都係由烘焙團隊每日由凌晨開始精心去整，價錢大約係₩3,000至₩4,000之間，為咗keep住高質素，只會每日生產同賣。
之後就去天台，大家可以揀行樓梯或搭Lift，不過為咗安全起見，呢度係唔俾小朋友上去，如果想搵個靜啲空間休息，呢度都係一個唔錯嘅選擇。
可能因為小編當日12點左右去到，人唔係好多，加上天氣好，望住藍天白雲心情都特別好。
呢度比想像中大，有2人/4人檯。
呢度可以望到釜山塔同釜山大橋，除咗冬天，其他三個季節都可以喺度吹住風休息，真係相當寫意。
如果之後想買明信片，同時搵到地方healing吓，不如就嚟Good ol' days啦！
南浦洞咖啡廳「Good ol' days」前往方法
釜山中央站（중앙역）1號出口出嚟。
出到嚟之後轉右。
一直直行。
見到有5層建築，呢度就係Good ol' days啦！
點先可以享有南浦洞「Good ol' days」買5送1優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係南浦洞咖啡廳「Good ol' days」 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
