Hello，大家好，我哋係由韓國人每日提供最新韓國旅行資訊嘅Creatrip。
今日想同大家介紹仁川紮染體驗，呢到用嘅顏色全部都係天然原料，親子一齊去做相當有趣，之後計劃去仁川嘅朋友，會唔會睇完都想加埋落行程到呢？
仁川扎染體驗「自然與創造力」資訊
- 地址：인천 연수구 컨벤시아대로 60 207호
- 營業時間：平日 9:00 - 18:00（Break Time 12:20 - 13:20）
仁川扎染體驗「自然與創造力」推薦理由
- 呢間「自然與創造力」係由韓國排行第17名嘅天然染布專家Esther Lee經營。
- 利用韓國傳統醫學中原料同藥草製成染料，令所有人都可以享受天然又健康體驗。
- 老師可以用英文或者韓文溝通。
- 可以自由喺衣料上做出想要嘅圖案，相當有特色。
仁川扎染體驗「自然與創造力」價格
選項 | 價格 |
天然染料圍巾（絲綢） | ￦37,000 |
天然染料圍巾（羊毛） | ￦45,000 |
天然染色圍巾（羊毛及絲綢混布） | ￦50,000 |
天然染料T-Shirt | ￦40,000 |
天然染料褲 | ￦70,000 |
天然染色連身裙 | ￦110,000 |
仁川扎染體驗「自然與創造力」注意事項
- 只要透過我哋預約就可以有8折優惠。
- 請至少喺3日前預約。
- 如果想更改或取消預約，請喺體驗日3日前完成。
- 如果想更改或取消預約， 請send email到help@creatrip.com。
- 體驗時間大約係1小時（10分鐘講解，50分鐘活動）。
- 參加者冇年齡限制。
可以用簡單英文溝通。
仁川扎染體驗「自然與創造力」預約流程
- 撳我預約。
- 輸入預約相關資料、詳細資訊。
- 請支付所有費用。
- 我哋會喺2個工作天內確認訂單，如果想更改或取消，請喺體驗日3日前完成。
- 之後就可以體驗。
仁川扎染體驗「自然與創造力」介紹
仁川扎染體驗係一個難得嘅體驗，大家可以自己整一個獨一無二嘅紀念品。
Esther Lee老師除咗係一位天然染色專家，同時喺製作韓服方面都一樣出色，店入面會見到有唔少韓服掛咗喺到。
小編今次去整天然染料圍巾（絲綢），雖然解釋製作過程係用韓文，但老師都可以用英文溝通，大家唔需要擔心有溝通上嘅問題。
呢度仲會提供圍裙同膠手套，唔怕整污糟自己身體。
每做一步老師都會喺隔離教大家，第一樣做係先喺緞面絲綢上灑水，然後將佢哋捲成一嚿嚿。
捲好之後就放入個盒入面，之後準備上色。
呢度用嘅染料係用天然染料同溫水混合而成，基底色係用咗胭脂蟲精細研磨而成嘅粉色染料。
調好基礎顏色之後，老師就會進行一個酸鹼度測試，睇吓係唔係中性。
跟住老師將基底色加到另一個玻璃杯去整另一種顏色，過程相當神奇。
老師將天然粉末倒入杯中後攪勻，顏色就開始有啲變化。
粉末會令顏色變深、幾乎係黑色程度，呢類粉末會改變顏色本身酸鹼值。
另一種令顏色變深嘅方法係混合，將鐵粉同胭脂蟲粉一齊撈勻之後，顏色就會變深。
當準備好哂所有顏色之後就可以染圍巾，方法好簡單，只要將個羹拎適當顏料倒喺想整嘅地方，要落幾多再要咩色都係自己控制。
之後就係等圍巾吸色。
等嘅時候老師仲有教小編點整T-Shirt，第一步係要將T-Shirt擺喺托盤上面，之後按照想要嘅造型去擺，小編就喺中間捲咗個圈。
之後就要將T-Shirt拎去露台，之後就會見到有染色工具。
小編打算做藍色，不過因為係天然顏色，一開始睇落會有啲似綠色。
將顏色倒落件衫到，當染料暴露喺空氣中後會產生氧化，呢個時候就會變成藍色。
同時老師解釋講到，如果想令顏色望落更分散， 可以用噴霧去上色。
或者大家亦可以將件衫放入染色工具入面，都會有另一種風格。
呢個就係小編整完之後嘅效果啦，個人相當滿意。
之後拎去俾太陽哂一陣，呢個時候小編去睇吓之前整圍巾整好未！
顏色比預期鮮艷，將圍巾同T-Shirt放喺陽光底下，30分鐘之後就可以用清水洗染色。
用水洗嘅時候，可以洗甩所有未吸收到嘅顏料，老師仲建議用清水洗可以加少少番梘增加香味，不過因為係天然顏料，所以可能比普通化學顏料容易甩色。
洗完之後，老師會吹乾同熨好等你帶返屋企。
不過好可惜小編當日冇太多時間，另外嘅T-Shirt小編要再帶返屋去吹乾。
呢度仲好貼心提供有關要點清洗嘅韓、英文說明，跟住步驟去做超輕鬆。
最後仲會幫大家用盒同紙袋袋好，超貼心
仁川扎染體驗「自然與創造力」前往方法
搭1號線去到大學城站4號出口出嚟。
出到嚟之後直行轉右。
之後轉左過馬路。
過完第一個馬路之後再轉右過第二個。
一直直行。
喺「Sungji Apartment（성지아파트）」站搭6-1號或循環41號巴士，喺「Prugio Worldmark Apartment（푸르지오월드마크）」站落車，車程大約7分鐘。
到咗「Prugio Worldmark Apartment（푸르지오월드마크）」之後，喺Ministop左邊小巷行入去。
直走見到上圖中嘅樓梯，行上去2樓。
上到去之後轉右。
之後就會見到自然與創造力工坊。
以上係仁川扎染體驗「自然與創造力」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
