仁川松島美食|十二籃
仁川松島「十二籃」醬油蟹獲獎無數,仲要被政府認證,信心絕對得到保證!
Hello,大家好,我哋係由韓國人每日提供最新韓國旅行資訊嘅Creatrip。
嚟韓國必食清單入面,一定唔會少咗醬油蟹,所以今日小編想同大家介紹一間位於仁川松島嘅十二籃,呢度唔單止獲獎無數,仲要被政府認證,信心絕對得到保證!
仁川松島美食「十二籃」資訊
- 地址:인천 연수구 신송로125번길 7 2F
- 營業時間:星期一至六 11:00 - 21:30(Break Time 16:00 - 17:00、Last Order 20:30)、逢星期日休息。
仁川松島美食「十二籃」推薦理由
- 「十二籃松島店」係一間獲獎無數嘅醬油蟹餐廳,同時亦被政府認證,衛生方面大家完全唔需要擔心!
- 政府清潔度認證金星級(良好)。
- 餐廳Menu有英文、中文同日文,而且仲有貼埋相,相當貼心。
- 可以用韓文、英文、中文或日文溝通。
- 呢度嘅清麴醬湯濃郁,係佢哋嘅招牌。
- 之前韓綜《無限挑戰》都有嚟拍攝,唔少名人都嚟過呢度。
仁川松島美食「十二籃」 優惠
- 埋單嘅時候向職員出示優惠券,即可享95折優惠。
- 唔需要預約。
- 只有喺現場食先有優惠,外賣冇。
- 如果用coupon嘅時候,有任何疑問都可以send email到help@creatrip.com。
- 如果係叫2人以上即可獲得大醬湯同清麴醬湯 ,但如果係1人份只可以有大醬湯。
仁川松島美食「十二籃」 菜單
菜單 | 價格 |
醬油花蟹 간장꽃게장 | ₩37,000 ₩70,000(2人) ₩100,000(3人) ₩130,000(4人) |
調味醬油蟹 양념게장 | ₩32,000 ₩60,000(2人) |
土俗清麴醬湯 토속청국장 | ₩9,000 |
清麴醬王牛肉餅 생청국장 왕떡갈비 | ₩13,000 |
鯖魚定食 고등어정식 | ₩15,000(1人) ₩ 30,000(2人) |
土俗清麴醬湯 토속 된장찌개 | ₩9,000 |
煎餃子 군만두 | ₩5,000(5件) ₩7,000(8件) |
仁川松島美食「十二籃」介紹
十二籃係一間獲獎無數嘅醬油蟹餐廳,同時亦被政府認證,衛生方面大家完全唔需要擔心!加上佢就係喺主街道2樓,好易就會見到。
一入去已經聞到好濃清麴醬嘅味道,令人好期待!除咗有一般坐位區之外,亦有傳統坐式座位同包廂可以揀。
牆上會見到有唔少藝人簽名,就連《無限挑戰》成員都有嚟過,被劉大神認證過嘅餐廳,係唔係更值得去試吓呢?
醬油花蟹 ₩70,000
醬油花蟹2人份係包括醬油花蟹同大醬湯同清麴醬湯,如果只係叫1人份,就只係得大醬湯,加上有咁多小菜相當豐富!
醬油花蟹
大醬湯
清麴醬湯
清麴醬係比大醬湯更濃味,一開始大家聞到未必會太接受到,但只要食過一次,話唔定大家都會愛上!
講到最特別係佢哋嘅飯係連鍋一齊上,老闆會親切咁同大家講要點食係最好味。
首先要將啲白飯拎出嚟放喺個大碗到,之後落啲蟹膏、紫菜同麻油,最後再加多兩匙羹醬蟹汁,之後將佢哋撈埋一齊食。
做法係唔係好簡單呢!整完之後真係超香!準備好之後就可以開始食醬油蟹。
呢度嘅醬油係由30多種天然成分同藥材純釀造,鹹甜醬汁食落好清爽,搭上鮮嫩蟹肉更加係冇得彈!
清麴醬王牛肉餅 ₩13,000
雖然清麴醬味道聞落好重,一開始仲會擔心會唔會太鹹,點知食落又OK!
呢度牛肉餅有一個特別食法係肉、清麴醬、紫蘇葉、配上小菜包嚟食,包好一啖食超幸福!
煎餃子 ₩5,000
另外小編再叫多咗個餃子,入面超多汁,相信大家都會鍾意。
一開始大家拎白飯千祈唔好拎哂,要留返啲去整飯焦湯飯啊!
仁川松島美食「十二籃」前往方法
喺大學城站落車,之後喺4號出口出嚟。
出到嚟之後直行轉右。
見到斑馬線時轉左直行。
過完第一個馬路之後再去過第二個馬路。
之後一直直行。
之後喺성지아파트巴士站搭8、6-1、58、98 或순환41、순환43巴士, 喺송도.아이원1단지落車。
落車之後過馬路往T World電話鋪方向行。
見到Paris Baguette一直直行。
見到CU,就會見到十二籃喺2樓。
喺CU隔離就會見到商場入口。
入到去會見到商店地址標誌,201-1호就係十二籃。
出到嚟見面向標誌往右行。
之後就會見到十二籃啦!
點先可以享有仁川松島美食「十二籃」95折優惠?
現場消費Click下面網址下載Creatrip專屬優惠券,出示畀店員睇即可享有獨家優惠。
以上係仁川松島美食「十二籃」 嘅介紹,有任何問題請先詳讀呢篇文章。
如果睇完之後有任何疑問,或者我哋語言、標示唔清嘅話,麻煩請send email告知,以方便我哋改進。
如果有更多想知嘅內容,都可以隨時dm話俾我哋知:)
Instagram:creatrip.hk
Mail:help@creatrip.com