仁川美食|三代仁川醬蟹
仁川「三代仁川醬蟹」一個人去都食得!配埋12種美味小菜、CP值高,絕對可以食得飽!
Hello,大家好,我哋係由韓國人每日提供最新韓國旅行資訊嘅Creatrip。
講到韓國特色美食,大家第一時間會諗到咩呢?炸雞?五花肉?除咗呢啲之外,醬油蟹係唔少人嚟到必食美食之一,今日小編想同大家介紹獲獎無數嘅「三代仁川醬蟹」,佢哋利用獨特醬料醃製新鮮螃蟹、再配上12種美味小菜,令客人一試難忘!
仁川「三代仁川醬蟹」資訊
- 地址:인천광역시 동구 금곡로81번길 22
- 營業時間:11:30 - 20:30(Break Time 15:00 - 16:00、Last Order 20:00)、逢星期日休息
仁川「三代仁川醬蟹」推薦理由
- 「三代仁川醬蟹」曾獲得中小企業部主辦嘅百年店家認證,喺2021年獲得韓國工藝設計文化振興院優秀文化韓食類別中,頒發K-RIBBON標誌,證明得到唔少評委肯定。
- 每套定食都附有12種特色小菜,等每個客人都可以用超平價錢食到美味佳餚。
- 可以用韓文、英文溝通,落單唔再有難度!
仁川「三代仁川醬蟹」優惠
- 唔需要預約,只需要下載優惠券,即可享95折優惠。
- 只限堂食先可以用優惠券,外賣唔用得。
- 如果用coupon嘅時候,有任何疑問都可以send email到help@creatrip.com。
仁川「三代仁川醬蟹」菜單
醬蟹定食(1人) 간장게장정식 | ₩25,000 |
調味辣醬醬蟹定食(1人) 양념게장정식 | ₩25,000 |
仁川「三代仁川醬蟹」介紹
今日小編要同大家介紹嘅呢間三代仁川醬蟹,採用延坪島花蟹,加上鋪頭傳承60年嘅獨家醬料製法,絕對係值得大家嚟試!
三代仁川醬蟹喺一條安靜嘅小巷入面,喺啲舊屋隔離,大大個螃蟹招牌相當吸引人注目。
唔好以為呢度60年應該會好舊,反而俾人一種好乾淨嘅感覺,牆上掛住老闆同奶奶嘅合照,象徵著繼承一代傳統技法;櫃檯下面show咗唔少獎牌,證實料理受到專業認可。
唔少電視台美食節目都嚟過採訪添!
「三代仁川醬蟹」只係得醬蟹定食同調味辣醬醬蟹定食,加上有埋圖,就算唔識韓文都可以輕鬆落單。
如果係叫外賣會多啲揀,除咗醬蟹同調味辣醬醬蟹之外,仲有純蟹肉同醬油蝦等,呢度仲有提供送到屋企服務,大家可以去官網揀。
呢度以長時間釀造醬油醃製蟹醬去除腥味,而且因爲係低鹽蟹醬,客人可以食得好健康,每一個套餐都會附上12種小菜,有各式泡菜、煎餅、魚、大醬湯等,相當豐富。
醬蟹定食(간장게장정식)₩25,000
呢度嘅招牌菜係「醬蟹定食」,相當新鮮,每一啖都可以食到蟹膏,醬油口味偏甜,同一般醬油唔同,所以唔少人食完醬蟹之後,都會將剩底嘅醬油直接撈飯食。
調味辣醬醬蟹定食(양념게장정식)₩25,000
調味醬蟹雖然望落去紅卜卜,應該會好辣,但其實口味偏甜辣,如果怕螃蟹腥味嘅朋友,小編建議大家可以食辣味醬蟹,蟹肉相當肥美鮮甜。
飯後仲會附上飯焦湯幫助大家消化,相當貼心!
如果之後去開仁川,不如就試吓去「三代仁川醬蟹」食醬酒蟹啦!
仁川「三代仁川醬蟹」前往方法
桃源站2號出口出嚟之後轉右。
之後見到人行道一路直行。
見到「韓國放送歌手聯合會 仁川支社(한국방송가수연합회 인천지부)」時過馬路,跟食箭嘴直行後轉左。
之後會見到兩條小巷,行左邊繼續直行。
之後就會見到「三代仁川醬蟹」」喺右手邊。
點先可以享有仁川「三代仁川醬蟹」95折優惠?
現場消費Click下面網址下載Creatrip專屬優惠券,出示畀店員睇即可享有獨家優惠。
以上係仁川美食「三代仁川醬蟹」 嘅介紹,有任何問題請先詳讀呢篇文章。
如果睇完之後有任何疑問,或者我哋語言、標示唔清嘅話,麻煩請send email告知,以方便我哋改進。
如果有更多想知嘅內容,都可以隨時dm話俾我哋知:)
Instagram:creatrip.hk
Mail:help@creatrip.com