仁川美食｜黃金醬蟹
仁川必食「黃金醬蟹」！CP值高，每隻蟹都超肥美，當地人超推！
Hello，大家好，我哋係由韓國人每日提供最新韓國旅行資訊嘅Creatrip。
唔知大家嚟韓國鍾唔鍾意去食醬油蟹呢？今次小編想同大家介紹一間位於仁川，深受韓國人歡迎嘅「黃金醬蟹」俾大家，佢哋用咗延坪島最高級雌花蟹，食落鮮甜、完無冇腥味，有興趣嘅朋友要先save底啦！
仁川美食「黃金醬蟹」資訊
- 地址：인천 미추홀구 석바위로 49
- 營業時間：11:30 - 20:30（Last Order 19:30）、星期一休息
仁川美食「黃金醬蟹」推薦理由
- 黃金醬蟹喺仁川經營咗10年以上，係當地相當出名餐廳，用韓國延坪島捕獲嘅雌花蟹，堅持唔鹹唔腥好滋味，令人一試難忘。
- 呢度提供多種小菜，搭配新鮮醬油蟹，飽肚感十足，可以同朋友/屋企人叫幾個套餐開心share。
- 喺韓國住緊嘅朋友，亦可以透過網上訂黃金醬蟹快遞，新鮮直送，味道絕對唔會令你失望。
仁川美食「黃金醬蟹」優惠
- 唔需要預約，只需要下載優惠券，每張檯即送一罐飲品。
- 只限堂食先可以用優惠券，外賣唔用得。
- 如果用coupon嘅時候，有任何疑問都可以send email到help@creatrip.com。
仁川美食「黃金醬蟹」菜單
| 綜合定食（1人份） 雌花醬蟹+醬蝦+醃鮑魚 | ₩33,000 |
| 醬蟹定食（1人份） 雌花醬蟹+醬蝦 | ₩25,000 |
| 醬蝦定食（1人份） 간장새우장 정식 | ₩15,000 |
| 醬蝦醃鮑定食（1人份） 간장새우장+전복장 정식 | ₩20,000 |
| 追加醬油螃蟹（1隻） 간장게장 추가 (마리당) | ₩20,000 |
| 追加辣味醬蟹 양념게장 추가 | ₩5,000 |
| 追加醬蝦（6隻） 새우장 (6마리) | ₩12,000 |
| 追加醃鮑魚（2隻） 전복장 (2마리) | ₩12,000 |
仁川美食「黃金醬蟹」介紹
位於仁川嘅黃金醬蟹之所以會咁出名，係因為佢哋用料高級，小菜亦都相當豐富，就連平時唔太食醬油蟹嘅小編，都俾呢間鋪頭吸引。
呢度唔算好大，不過就好乾淨，似係平時韓劇成日睇到出現嘅餐廳。
呢度嘅螃蟹同鮑魚都係韓國產，特別係佢哋嘅雌花蟹係喺仁川延坪島捕獲，相當新鮮。
除咗堂食之外，呢度可以叫外賣，如果住喺韓國嘅朋友，想試吓都可以喺網上預訂（撳我），用低溫快遞收貨。
最重要嘅係，目前黃金醬蟹239個評價入面，全部都係5星滿分，睇到咁係唔係都想試吓呢？
黃金醬蟹曾經喺仁川美食經營大會上仲入選美食代表！
小編叫咗1人份綜合定食、1人份醬蟹定食，另外加多咗個辣味醬蟹，擺滿一檯，超級壯觀。
綜合定食係₩33,000，裡面有醃鮑魚、醬蝦、醬蟹，而醬蟹定食係₩25,000，裡面冇醃鮑魚，但份量同樣豐富，明明係兩個人嘅份量，企感覺要3、4個人先食得完。
套餐會送海帶湯，鹹度適中，相當開胃。
呢度嘅小菜超多，由醃牛肉、炒魚糕、泡菜、海帶、炒茄子、橡子涼粉等。
眾所期待嘅延坪島雌花蟹，份量相當飽滿，令人睇見都流哂口水。
大家可以先戴店入面嘅手套，將螃蟹分兩邊就可以見到超多蟹膏， 食嘅方式好簡單，除咗就咁食之外，小編更加推薦擠少少肉同蟹膏，配白飯一齊食，呢個組合完全係冇得輸！
綜合定食裡面提供嘅醃鮑魚，係最高級莞島山鮑魚，尺寸比想像中大，只係用咗熱水稍微碌吓，就直接用醬料醃，鮑魚好新鮮，口感彈牙！
同醬蟹比醃鮑魚鹹咗少少，配飯食啱啱好，或者大家可以上吓辣椒醬一齊食沖淡鹹味，不過辣度對韓國人嚟講都偏辣，大家試嘅時候都要小心啲。
醬蝦係小編心頭好，亦係呢度招牌菜之一，甜甜地一啲都唔腥！
最後小編再加多咗個₩5,000辣味醬蟹，份量比想像中多，CP值高，花蟹超多肉，適當嘅辣味配海鮮甜味，簡直係夢幻組合。
之後去仁川，大家會唔會都想試吓連當地人都愛嘅黃金醬蟹呢？
仁川美食「黃金醬蟹」前往方法
市民公園站1號出口出嚟之後向左往後行。
過馬路之後轉右。
一路直行。
見到GS25之後轉左直行。
之後就會見到黃金醬蟹㗎啦！
點先可以享有仁川「黃金醬蟹」滿額贈禮？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係仁川美食「黃金醬蟹」 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
