Hello，大家好，我哋係由韓國人每日提供最新韓國旅行資訊嘅Creatrip。
相信大家有留意韓國潮流或髮型，都知道佢哋換得快，今日小編想同大家介紹一間好出名嘅髮型屋「AM:TON」，佢喺弘大附近已經有3間分店，如果之後大家嚟韓國想剪返個韓妹/韓仔睇，不妨參考呢間啦！
撳我睇價錢&預約詳情👇🏻
[스팟] AM:TON（合井店）
等陣❗
你入手咗Creatrip優惠券禮品包未呢？
買一套就可以喺全個網站用🎉
你而家準備要預約嘅體驗都有9折優惠！
合井「AM:TON」資訊
- 地址：서울 마포구 독막로9길 38 2F
- 營業時間：星期三至日 11:00 - 22:00
合井「AM:TON」介紹
AM:TON喺首爾就已經有三間分店，小編今日介紹嘅係合井分店，呢度嘅髮型師好了解全球同韓國髮型時尚趨勢，相信大家嚟到都可以好放心交個頭佢俾哋。
呢度有個架展示咗L'Oréal同Kérastase產品，除咗呢度會用之外，有興趣嘅朋友都可以直接喺度買。
準備好之後，工作人員會幫大家安排一個Locker，大家只要將個人物品放哂入去，鎖好keep住條鎖匙就可以。
跟住工作人員拎一張諮詢表出嚟，當中會問到「之前有冇染過髮、漂髮、最後一次染/電髮係幾時、頭皮敏感性等問題。」等髮型師更加了解大家髮質狀況。
傾好之後就會安排座位，呢度夠闊落，俾人好舒服嘅感覺。
小編髮型師係Jiann，喺Instagram有超過5,000個followers，佢好細心咁同小編講解整個過程同步驟，令人好放心。
洗頭嘅時候，Jiann會解釋將會用到產品同好處，因為之前小編有染同漂過，所以佢幫小編用咗Kerastase Bain Therapiste去修復。
洗完頭之後，Jiann用咗Kerastase精華增強劑同濃縮液幫小編護髮，呢款產品有36種唔同組合，之所以揀呢個，正因佢可以補足頭髮營養缺失！
Jiann同佢助手們喺過程中手法相當仔細，佢哋確保每一條頭髮都要好好滋潤，最後一步係護髮保濕同滋養，呢款髮膜好適合頭髮偶乾燥同髮質脆弱嘅人。
敷完髮膜，為咗可以確保頭髮足夠濕潤，髮型師會用蒸氣機等頭髮吸收養分，過程大約要等25分鐘。
等嘅同時工作人員會提供一杯飲品，咖啡、茶、果汁都有，小編最後揀咗冰美式咖啡。
等髮膜全部吸收哂之後，Jiann幫小編洗頭邊按摩，好舒壓！
吹完頭髮之後可以明顯到頭髮變得柔軟、有光澤，Jiann仲幫小編搽Kerastase髮尾油，等頭髮更加滋潤。
最後Jiann仲教小編喺日常中點樣保持頭髮健康，貼心服務同專業技術，令小編好滿意。
準備走嘅時候，AM:TON工作人員俾咗一個袋小編，之後如果想剪頭髮，可以將啲頭髮keep落個袋，捐俾一啲韓國因為特殊疾病或需要頭髮嘅人。
同時仲有一啲貼紙、筆記簿同明信片小禮物，呢啲明信片全部都係佢哋實際去影，透過小禮物拉近同客人距離，令人感到相當溫暖。
合井「AM:TON」前往方法
合井站3號出口出嚟之後直行。
見到BWM之後轉右一路直行。
見到Gentle Monster轉左。
轉左之後再轉右。
去到呢個位再轉右。
AM:TON就喺左手邊，隔離樓梯上2樓就係。
撳我預約👇🏻
[스팟] AM:TON（合井店）
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
