明洞聖堂總整理
明洞除咗N首爾塔多人去之外，明洞聖堂都係必去景點之一！呢度到底有咩咁吸引呢？
Hello，大家好，我哋係由韓國人每日提供最新韓國旅行資訊嘅Creatrip。
講到明洞，大家可能都會諗到要去Shopping、換錢、食好西等，講到景點除咗會去N首爾塔之外，好多人都仲會去明洞聖堂，到底點解呢？今日就等小編帶大家睇吓呢度有咩特別啦！
「明洞聖堂」介紹
- 地址：서울특별시 중구 명동길 74
- 營業時間：大聖堂平日11:00 - 16:00、星期日13:00 - 15:00、地下聖地每日10:00 - 19:00、逢星期日9:00舉行英語彌撒，直接入場就可以；受疫情影響時間可能會有變動，請參考官網公告
- 費用：免費
- 注意事項：教堂內禁止飲食、攝影
明洞聖堂除咗係天主教首爾總教區主教座之外，同時亦係韓國天主教會誕生地，地下一樓係1898廣場，一樓係明洞聖堂主聖堂，不過兩個地方冇連接，大家要搭Lift先去到。
明洞聖堂高45米，1898年完工，係韓國第一座歌德尖頂式建築，外牆用鮮明橙紅色砌成，就算遠望都會見到。
因為疫情影響，教堂開放時間一直都有變動，再加上每日彌撒都唔一樣，所以並唔係每個時段都開放俾遊客參觀。
明洞聖堂官網
內部以灰白石磚砌成，有種古典美得嚟又有莊嚴，建築上方呈拱形，彩色玻璃窗上描繪聖經人物同場景，令人喺禱告同時都可以重溫聖經故事。
明洞聖堂官網
明洞聖堂除咗會有彌撒之外，仲可以舉辦婚喪禮，眼利嘅朋友，應該就有發現之前在韓劇《三十九》都有嚟過取景。
為咗保持對宗教尊敬同神聖，內部係禁止拍攝，地下仲有一個小聖堂可以入去，呢度安放殉教5位聖人同4位殉教者嘅遺骸。
遺體安放嘅房入口用玻璃建造，可以對9人進行參拜，入到去一樣需要保持肅靜。
教堂後面有一個小花園同聖母瑪莉亞雕像，雕像前面放咗好多信徒貢獻嘅花束，每個嚟到呢度嘅信眾都相當虔誠。
面對明洞聖堂左邊係牧師宿舍，前面仲有金大建紀念雕像，佢係第一位韓國出生嘅天主教神父，同時係韓國第一位殉道神父。
面對教堂右邊係賣天主教、明洞聖堂相關產品嘅鋪頭。
就算唔係天主教教徒，嚟呢度行聽吓音樂，心靈好似得到一種安慰咁。
네카이브
明洞聖堂每日都開放免費入場，逢星期日都有英語彌撒，平安夜時會舉辦活動，吸引大批教徒嚟參加；另外好似歷年來嘅玫瑰花燈節，都係好多觀光客必去景點之一。
明洞聖堂雖然喺坡上，但行過去唔會好難，下次大家食完飯，想搵個地方消化吓，可以嚟呢度行吓。
1898廣場
- 地址：서울 중구 명동길 74 B1
1898廣場位於明洞聖堂地下一樓，呢度係一個複合式空間，裡面有花店、餐廳、Cafe等。
呢度不定期仲會有展覽，小編之前去咁啱就係展出「獻米獻金」文化，透過呢種方式拉近人同宗教嘅距離。
廣場內仲有電子捐款機，用卡就可以捐獻、向教堂表示心意，相當方便。
同時仲有好多小店有賣同天主教、明洞聖堂有關嘅小物，設計相當可愛。
由文具、香氛、髮飾等應有盡有，慢慢行可能仲會發現意外寶物。
另一邊有好多Cafe同餐廳，小編平日晏晝去發現都幾多人，喺明洞行到攰，想搵個地方嘆杯咖啡，呢度都係一個唔錯嘅選擇。
盡頭有兩、三個展覽，呢度會定期更新，小編去嘅時候咁啱係提倡「烏克蘭和平祈願」展覽。
先前N首爾塔、DDP東大門設計廣場同三光島都有響應「烏克蘭和平」應援活動，夜晚換上藍黃顏色。
如果想先確認展覽展期嘅話，可以喺出發之前先上官網睇吓。
明洞聖堂&1898廣場美食/咖啡廳
1. Le Pain麵包 明洞聖堂店（르빵 명동성당점）
- 地址：서울 중구 명동길 74 B103호
- 營業時間：09:00 - 20:50
Le Pain
Le Pain麵包店每日晏晝2點會出爐新鮮麵包，當中「栗子麵包（ 밤식빵）₩13,000」係最出名，只要差唔多到麵包出爐時間，門口就會大排長龍，一人限買兩個，如果太遲去就會賣哂㗎啦！
2. 74 Bistro（세븐티포 비스트로）
- 地址：서울 중구 명동길 74
- 營業時間：平日 11:00 - 22:00（Break Time 15:00 - 17:00）、週末11:00 - 20:00
1898廣場出面一樓有一間好可愛但唔太顯眼嘅西餐店。
店入面有意粉、Pizza、燉飯等義式餐點之外，仲有蛋糕、甜品、咖啡、梳打等。
7eventy4our_official
如果天氣好嘅話，大家仲可以坐室外，曬吓太陽同時望吓明洞街景。
3. Cafe Coin 2號店
- 地址：서울 중구 명동9길 29
- 營業時間：10:30 - 22:30
行到攰、食完飯又點可以唔食甜品呢？「Cafe Coin」喺明洞一帶已經有一段時間，復古擺設同木質色調室內佈置，令人好似入咗時光隧道，返留去以前年代咁。呢度有賣各種甜品同飲品，只要用我哋提供嘅優惠券，仲可以有9折優惠添！
- Cafe Coin（1號店）：除咗2號店，明洞仲有1號店，由專業手沖咖啡到窩夫、刨冰、自製蛋糕等，大家一定會食得滿足。
- Luft Coffee：甜品可愛，而且價錢平，只係睇外觀已經令人覺得好療癒。
- You Are Here：用法國朱古力同忌廉，唔單止好味，份量亦都好足夠。
- Beans Bins：窩夫相當出名，幾乎冇人唔唔識！唔少遊客嚟到都必去！
明洞美食推薦
BBQ 明洞Star分店
嚟韓國又點可以唔食炸雞呢？BBQ係大型連鎖品牌，所以大家唔使擔心會中伏，出示我哋提供嘅優惠券仲可以有一份芝士波，係唔係諗落都正呢？
如果唔想食炸雞，小編仲幫大家整理好明洞附近幾間餐廳，可以參考一吓。
- 百濟蔘雞湯：百濟蔘雞湯1971年開張至今，有近50年歷史，係明洞具有指標性蔘雞湯餐廳。
- 火爐：年糕鍋裡面有超多食材，例如：拉麵、冬粉、年糕、鵪鶉蛋、紫菜捲、煎餃等。
- THE SIC-DDANG：價錢唔貴就可以食到新鮮龍蝦同香辣小章魚，係少數幾間被當地人推薦嘅餐廳，CP值高。
- 半天妖烤魚：店入面所有魚都係越南湄公河新鮮送嚟，配上獨特醬汁，令人一試愛上！
- 鼎泰豐：喺韓國都可以食到正宗台灣味？咁就一定要去鼎泰豐啦！
明洞體驗活動
護膚/雷射/除毛「麗芬聚」
- 地址：서울 중구 명동8가길 11 6F
- 營業時間：平日10:30 - 21:00、星期六10:30 - 19:00（Lunch Time 13:00 - 14:00）、星期日休息
- 電話：02-752-8887
唔少人嚟韓國都想變靚，但又怕唔知點溝通好？唔使怕！大家可以去明洞麗芬聚，呢度有識講中文、日文同英文嘅職員，大家可以放心喺度接受微整形手術、皮膚護理、雷射同脫毛等，幾乎唔需要恢復時間，相當方便。
明洞一帶仲有好幾款熱門活動，大家可以參考一吓，透過我哋預約可以有優惠㗎！
- 明洞Blue Arirang：有提供臉部同全身按摩服務，器材同室內空間相當乾淨。
- 麗延長 明洞：提供瘦臉針、消除雙下巴等皮膚管理服務，多國語言可以溝通！
- 戒指大學 明洞：經專業老師教導吓，製作出專屬自己嘅戒指。
- JUNO HAIR｜明洞1號：設計師會幫大家設計出符合客人形象嘅造型，價錢公價，唔會因為係遊客就收多。
- JUNO HAIR｜明洞2號：JUNO HAIR同Creatrip獨家合作，除咗剪髮之外，預約可享9折優惠。
- JUNO HAIR｜明洞4號：韓國最出名髮型屋，可以用簡單英文溝通。
- EDEN MEERKAT FRIENDS（明洞店）：係難得一見嘅狐獴Cafe，喺度可以同好多稀奇、可愛動物近距離接觸。
明洞購物
NEW ERA
- 地址：서울 중구 명동8나길 19
- 營業時間：12:00 - 21:00
去明洞唔買返夠本都唔捨得走！明洞NEW ERA有賣帽、衫、鞋等，其中最大特色就係有客製化服務，可以加自己鍾意嘅圖案或文字，做出獨一無二嘅帽，下載優惠券仲可以有8折優惠！
附近仲有30年老字號「嘉娜眼鏡行」，有500多副眼鏡，價錢唔貴。
點樣去「明洞聖堂」？
乙支路3街站12號出口出嚟之後直行。
過第一個馬路後轉左。
直行後到第一個街口轉右。
轉右行100米左右，就會見到明洞聖堂喺左手邊。
唔知今次小編整理好完明洞聖堂同1898廣場嘅介紹，有冇幫到大家呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk