仁川機場T1總整理

Hello，大家好，我哋係由韓國人每日提供最新韓國旅行資訊嘅Creatrip。

飛韓國通常都係喺仁川機場落機，不過當中仲有分T1同T2， 為咗方便大家之後嚟旅行唔會慌失失，今次小編會先同大家介紹T1，之後話唔定會幫到大家㗎！

仁川機場T1總整理

T1樓層介紹

• 地址：인천 중구 공항로 271
• 營業時間：24小時、營運時間請諮詢各航空公司

仁川機場T1 3樓出境大樓

仁川機場T1 1樓入境大樓

仁川機場T1分咗4層，B1係地鐵、停車場、美食廣場等；1F係入境大樓；2F係航空公司辦公室；3樓係出境大樓；4F係美食廣場，主要航空公司都係喺呢度起飛。

航空公司位置及報到

主要往返港韓航班有：韓亞航空（OZ）、國泰航空（CX）、濟州航空（7C）、真航空（LJ）、首爾航空（RS）、德威航空（TW）等都係喺T1辦理登機手續。

3樓出境大樓有A至N號報到櫃檯，大家可以根據航空公司代碼搵返相應櫃檯辦理登機手續。

基本上每一個航空公司前面都會有自助報到機，而喺3樓出境大廳F櫃檯就有一整排，唔限航空公司用嘅自助報到機。

交通

• 機場鐵道（AREX）：B1搭

由首爾去仁川機場最快方法就係「機場鐵道AREX」（B1搭車），機場鐵道大致分為兩種，一種係站站停普通列車（坐13個站），另一種係直達列車（只停T1、T2）。

搭車前就有無人售票機，機器支援中文、英文、日文同韓文，不過現場買係冇優惠，建議大家可以先透過我哋網站預約。

代訂仁川機場快線AREX直通車票

平日由T1去首爾首班車係05:25、尾班車係23:57；往T2出發係05:35、尾班車係00:40，尖峰時段至少有五班車以上，如果想確認班次時間嘅話，建議出發前參考機場鐵路網站。

• 機場高速巴士

T1 1樓裡面4、9號出口隔離，或出面4至6、7至8、11至13號出口都有車票販售處，可以去首爾、仁川或者其他地區。

京畿方向可以喺7A至10B月台搭、首爾方向喺3B至6B同11A至12B月台搭、仁川方向可以喺2A至2B、13A至B月台搭。

販售車票無人機器支援中文、韓文、英文同日文，但只可以用信用卡俾錢。

往首爾
6009 (往良材、江南、新沙方向)		票價：₩17,000
		首班車：T1出發07:05 T2出發06:45
		尾班車：T1出發20:50 T2出發20:30
6705 （往蠶室樂天世界酒店）		票價：₩18,000
		首班車：T1出發09:10 T2出發08:50
		尾班車：T1出發19:00 T2出發18:40
6002 （往清涼里）		票價：₩16,000
		首班車：T1出發07:00 T2出發06:40
		尾班車：T1出發19:35 T2出發19:15
6003 （往首爾大學）		票價：₩10,000
		首班車：T1出發07:05 T2出發06:45
		尾班車：T1出發18:40 T2出發18:20

去首爾方向嘅巴士其實都有好多，但目前因為疫情影響，幾乎都唔開，建議大家關於機場高速巴士同夜間巴士部分，可以參考官網資訊會比較準。

仁川機場巴士總整理
仁川機場夜間交通

• 的士

1樓入境大樓5C、6C、6D月台可以搭一般的士，如果擔心唔知點溝通，可以去4C月台搭國際的士。

喺的士上車位同工作人員講想去嘅目的地，之後佢哋就會幫大家安排車，如果大家擔心會太貴或唔安全，都可以參考我哋提供嘅接送服務！

機場至市區接送
首爾（酒店）往機場豪華包車接送
機場往首爾（酒店）豪華包車接送

• 客運大樓免費接駁車

T1往T2接駁車時間表，3F 8號出口搭

3樓出境大廳8號出口有去T2循環巴士。

磁浮鐵道

• 位置：T1交通中心2樓
• 營業時間：07:30 - 09:00 每15分鐘一班、18:00 - 19:00 每15分鐘一班
• 費用：免費

等飛機時間唔知做咩好？不如就搭免費磁浮列車暢遊仁川啦！只要12分鐘就可以去到泥灘、西海岸龍游站。

原本每個小時00、15、30、45分出發，再由龍遊站每小時01、16、31、46分出。

仁川機場附近景點推介

4. 銀行

不過機場匯率唔太好，建議大家喺機場只係換交通嘅費用，之後先再去市區換會比較好。

2022韓國換錢總整理

5. 退稅

管制區內外都有退稅地方，萬一過海關前唔記得退稅，入到去裡面退都冇問題！

6. 租SIM卡同Wi-Fi蛋

小編自己用過好幾間Wi-Fi蛋，特別幫大家揀出最平嘅一間，一日1GB至3GB高速上網，就算用哂仲可以有400kbps網速，絕對夠用，或者想買sim卡嘅朋友，Wifi Dosirak提供SKT高速上網5日sim卡，只係需要₩23,000！

韓國預訂WIFI/SIM卡預訂

WIFI DOSIRAK電話卡/SIM卡

韓國SIM卡比較

7. 其他服務

• 服務台

• 位置：3樓C、K櫃檯各有一個
• 營業時間：05:30 - 22:00

• 位置：1樓C入境大廳
• 營業時間：00:00 - 24:00

1樓同3樓都有旅客服務台，有任何問題都可以去呢度，職員會幫大家解決。

• Airstar

喺機場大家可能會遇到「Airstar機械人」，佢識中、英、日、韓四種語言，有需要嘅朋友，都可以問佢㗎！

• 快遞及包裝

韓進快遞

• 位置：3樓B、N櫃檯後面
• 營業時間：07:00 - 22:00

郵局

• 位置：二樓中央
• 營業時間：09:00 - 18:00

去到機場想要暫時寄放行李去附近行吓？可以嚟到韓進快遞放，4小時以內，唔限大細均一價₩4,000/件。

不過如果怕麻煩，可以體驗TRIPEASY託運行李，喺機場或酒店先交底，就可以輕輕鬆鬆行啦！只要係我哋會員，仲可以有幾乎6折優惠，相當抵！

TRIPEASY行李託運服務

• 醫院

仁荷醫院

• 位置：B1東邊
• 營業時間：08:30 - 20:00（Break Time 12:00 - 13:00、17:30 - 18:00）

機場裡有附設醫院，韓國人或外國人都可以去接受治療，上機前如果唔舒服，千祈唔好忍。

• 藥局

Optima Plaza

• 位置：三樓H櫃檯附近
• 營業時間：06:00 - 21:00

W-Store Star

• 位置：三樓G櫃檯附近
• 營業時間：05:30 - 21:30

Medipharm

• 位置：地下一樓東邊
• 營業時間：09:00 - 19:00

登機前如果發現邊度唔舒服，可以去藥局買定藥，以便不時之需。

• 育嬰室

• 位置：3樓D、K櫃檯、1樓B、E入境大樓
• 營業時間：00:00 - 24:00

• 保險

三星火災保險

• 位置：3樓J、K
• 營業時間：07:30 - 19:30

有需要買海外旅遊保險、海外留學保險嘅朋友可以參考吓。

• 機場酒店

閣樓休（膠囊酒店）

• 位置：T1 交通中心1F中央
• 營業時間：00:00 - 24:00

去AREX或磁浮鐵道路上會經過「閣樓休」膠囊酒店，適合想要轉機、或者想短暫休息嘅朋友。

閣樓休詳細介紹

• 淋浴室

SHOWER

• 位置：T1 4樓中央、免稅區域25、29號登機口
• 營業時間：24小時（受疫情影響，目前暫停服務）
• 費用：一般旅客₩3,000；轉機旅客免費

• 休息區同叉電區

1樓入境大樓同3樓出境大樓有好多位，可以喺度叉電、休息同pack行李。

• 機場休息室

喺高級舒適環境，用高速穩定Wi-Fi、食零食同飲嘢、唔使擔心會漏任何重要資訊。

機場休息室綜合使用券

• SPA

SPA ON AIR

• 位置：B1東邊
• 營業時間：24小時（受疫情影響，目前暫停服務）

B1 SPA ON AIR，除咗可以體驗韓國汗蒸幕之外，仲有提供修理皮鞋、手袋服務，如果等起飛等太耐，不妨嚟呢度休息一吓。

• 洗衣店

Clean Up Air

• 位置：B1西邊
• 營業時間：08:00 - 19:00、星期六08:00 - 17:00、星期日休息

Clean Up Air有提供快速洗衫服務，不過需要一段時間。

• 文件列印及證件相

3樓F櫃檯後面可以影證件相，或者有需要都可以喺度影印（只限韓國人或有外國登錄證嘅外國人）。

• 其他服務 6-14：列印PCR陰性證明確認書列印

列印PCR陰性證明確認書一樣都你喺3樓F櫃檯後面，喺疫情期間，陰性證明確認書就同護照一樣咁重要，冇咗都去唔到其他國家...

• 遺失物

失物招領中心

• 位置：B1西邊
• 營業時間：07:00 - 22:00

如果喺機場唔見咗嘢，可以去B1失物招領中心問吓職員，話唔定有機會搵得返！

8. 餐廳

CJ FOODWORLD

• 位置：B1 中央
• 營業時間：11:00 - 22:00

SKY31 FOOD AVENUE

• 位置：1F中央
• 營業時間：09:00 - 20:00

4樓美食區設有韓式、日式、中式餐廳，喺度食飯仲可以望到機場成個景。

螺肉辣炒豬肉定食（우렁제육쌈정식）₩12,900

辣炒豬肉可能見得多，但呢度會加埋螺肉，食落唔會太辣，而且好有飽肚感。

燉雞定食（찜닭정식）₩12,900

好多時想食燉雞都要至少叫兩人份以上，但呢度有定食，而且份量仲要幾多，唯一唔同係味道偏鹹同甜？

笑門

• 位置：4F美食區西邊
• 營業時間：08:00 - 21:00

9. 咖啡廳

TWOSOME PLACE

• 地址：西邊
• 營業時間：06:30 - 20:00

Starbucks

• 位置：中央
• 營業時間：06:30 - 21:00

3樓有PASCUCCI、4樓有angel-in-us等Cafe可以買杯咖啡飲同休息吓。

10. 購物

Olive Young

• 位置：B1西邊
• 營業時間：10:00 - 20:00

京仁文庫

• 位置：1樓西邊7號出口
• 營業時間：07:30 - 19:30

• 位置：3樓中央
• 營業時間：07:00 - 21:00

3樓京仁文庫前面有一部影印機，如果有文件唔見都可以喺度印，好方便。

11. 休閒娛樂

• 文化空間

4樓美食區前面有一個文化展區，入面擺咗一啲韓國傳統文物，食飽飯可以嚟呢度行吓，順便了解一下韓國文化。

• 展望台

餐廳反方向有一個細細地嘅展望台，喺度可以望住飛機起降。

12. 旅遊行程

入境大樓中央41至44櫃檯有提供各種旅行行程、諮詢，有需要嘅朋友可以去參考吓。

MEDICAL KOREA醫療旅遊服務中心

• 位置：1F 7號出口附近
• 時間：09:00至21:00

大家應該都知道韓國醫美技術發達！1樓有特別推出醫療旅遊，有需要嘅朋友可以去參考吓！

13. 國內線轉機

入境大樓A出口附近可以搭國內線去大邱、釜山等地，但因為疫情關係，目前係關閉。

仁川機場T1廈免稅區

1. 購物

想走之前可以最後衝刺，當然要行免稅店啦！呢度有新世界同現代百貨免稅店，價錢會比平時買開嘅更平㗎！

新世界免税店

• 地點：3F 8、11、25、27、115、117號至119號登機口附近
• 營業時間：06:30 - 21:30

現代百貨免稅店

• 地點：3F 28號登機口
• 營業時間：06:30 - 21:30

2. 免稅

免稅店領取處

• 地點：4F 11、46號登機口
• 營業時間：24小時

唔少人趕時間嘅話，都會考慮先喺網上買完再去現場拎，而機場免稅店係24小時營業，所以搭凌晨機去都冇問題。

3. 餐廳

免稅區3樓同4樓都有美食區、餐廳，不過營業時間每間都唔一樣，建議大家可以參考官網。

4. 租借BB車

• 地點：3F 8、12、29號登機口附近

機場有免費租BB車服務，而且還車嘅時候只需要打電話同佢哋講地點，佢哋就會嚟拎。

為咗慶祝觀光再次開放，小編幫大家爭取到到「韓際新世界免稅店」優惠！，唔單止可以無條件升級至銀卡等級，滿額仲可以享有免費韓服體驗、N首爾塔觀景台入場券或Starbucks優惠，想知詳情就撳我啦！

5. 登機接駁列車

• 地點：3F 27、28登機口之間

如果航班登機口係101號至132號，咁就需要搭接駁列車去啦。

常見Q&A

Q. 航班起飛前幾耐要到機場？

各航空公司辦理登機手續櫃台營運時間都唔同，建議起飛前2個半至3小時到機場辦理登機手續。

Q. 呢啲嘢可唔可以帶上機？

水、飲料、辛奇（泡菜）、醬類（大醬、辣椒醬）、化妝品類（爽膚水、乳液、面霜）、牙膏等液體，每個容器限100毫升以下，總共1升內，詳情請務必參考機場規定。

Q. 唔見咗行李點算好？

T1 1樓中央設有兩部行李遺失機器，如果喺機場唔見嘢，可以去B1西邊失物招領中心諮詢。

仁川機場相關優惠

• 2022韓際新世界免稅店優惠｜明洞/釜山/仁川機場：優惠唔單止可以無條件升級至銀卡等級，滿額可享免費韓服體驗、N首爾塔觀景台入場券或Starbucks優惠。
• 機場→首爾 12人座豪華包車：可以裝BB、有TV、Wi-Fi等便利設施，價錢好合理！
• 首爾→機場 12人座豪華包車：對團體遊客嚟講最方便，最多可以坐13人Solati私人車！
• 仁川機場/金浦機場的士接送：由韓國官方認證，每位司機都好親切、車內乾淨，唔會超速。
• TRIPEASY行李託運：唔想拎住行李走圍走，不如就用TRIPEASY，可以將行李安全送到酒店同機場。
• 韓國預訂WIFI/SIM卡服務：Wi-Fi蛋一日1GB至3GB高速上網，就算用哂流量都可以用400kbps上網，速度一啲都唔慢。
• WIFI DOSIRAK SIM卡：用韓國Top3通信公司，LG U+同KT都係LTE（4G）高速網路，品質有保障！
• 機場休息室綜合使用券：喺高級舒適環境，用高速穩定Wi-Fi、食零食同飲嘢、唔使擔心會漏任何重要資訊。

以上係關於「仁川機場T1」嘅所有相關資訊，希望可以幫到大家，如果有任何疑問，歡迎大家留言話俾我哋知，我哋會盡力一一解答！

另外小編仲有整理埋仁川機場T2、金浦機場嘅介紹，有興趣嘅朋友去睇吓。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購