仁川麵包店｜李家姊妹米甜品
米製甜品除咗夠健康之外，仲要超好味！「李家姊妹米甜品」由蛋糕到麵包、鬆餅通通都有！
Hello，大家好，我哋係由韓國人每日提供最新韓國旅行資訊嘅Creatrip。
而家韓國越嚟越流行用「米」做甜品，今次小編喺仁川挖掘咗一間有超多麵包、蛋糕等甜品素食麵包店，想食甜食嘅同時又兼顧健康嘅話，之後去開仁川，千祈唔好錯過呢度啊！
仁川「李家姊妹米甜品」資訊
- 地址：인천 미추홀구 경원대로640번길 29
- 營業時間：11:00 - 19:30、星期日、一休息
仁川「李家姊妹米甜品」推薦理由
- 「李家姊妹米點心」係一間以米為原料製成嘅健康麵包店，無論係素食主義者或非素食主義者，嚟到呢度都會得到好味甜品。
- 除咗麵包之外，呢度仲提供各款餅乾、蛋糕、堅果類甜品，老闆不定時仲會推出新產品，每一次去到都會有新鮮感同多嘢揀。
仁川「李家姊妹米甜品」優惠
- 唔需要預約，下載優惠券，消費滿₩10,000即贈價值一嚿瑪德蓮（原價₩1,700）。
- 如果瑪德蓮賣哂，會改送一嚿原味法式蛋糕（原價₩2,000）。
- 如果用coupon嘅時候，有任何疑問都可以send email到help@creatrip.com。
仁川「李家姊妹米甜品」注意事項
- 鋪頭冇得堂食，只係一般麵包店。
仁川「李家姊妹米甜品」菜單
素食艾草米鬆餅 비건 쑥 쌀스콘 | ₩3,200 |
素食方塊米麵包 비건 큐브 쌀식빵 | ₩5,300 |
米製蜂蜜蛋糕 쌀 카스테라 | ₩4,300 |
鹽麵包 소금빵 | ₩2,400 |
仁川「李家姊妹米甜品」介紹
以「米」為特色嘅「李家姊妹米甜品」，可以話係麻雀雖小，五臟俱全嘅麵包鋪！由蛋糕、曲奇、多士、蛋撻、鬆餅等，大家諗到嘅甜品，呢度都可以搵到！
用米做嘅甜品除咗口感會再鬆軟之外，仲會好有飽肚感，延緩血糖上升速度，相當健康。
每一張標籤上都有寫清楚用咗咩成份，好似紅字寫住「비건（素食）」、或寫住땅콩（花生）、우유（牛奶）、쌀（米）等成分，畢竟對於素食者嚟講，食物成分標示真係好重要！
素食方塊米麵包（비건 큐브 쌀식빵）₩5,300
呢款素食方塊米麵包係推薦商品，買佢會送士多啤梨醬同沙津醬，大家可以點住嚟食，麵包好新鮮，而且好鬆軟，加上用咗米製品去做，熱量相對麵粉較低，食完超有飽肚感！
鹽麵包（소금빵）₩2,400
另外呢款鹽麵包一樣只有人氣，好多時一出唔使幾耐就賣哂，因為撒咗鹽喺包上面，鹹鹹甜咁好好味。
素食艾草米鬆餅（비건 쑥 쌀스콘）₩3,200
小編第一次食到艾草鬆餅，同一般鬆餅相比，內餡好軟熟，每咬一啖都會有超濃艾草香，好特別。
米製蜂蜜蛋糕（쌀 카스테라）₩4,300
可能因為米製關係，呢款蛋糕同一般蛋糕相比再扎實少少，每一啖都有淡淡蜂蜜香，食落都唔會太甜。
喺講求健康飲食社會底下，之後有計劃去仁川嘅話，一定要去「李家姊妹米甜品」買返幾款試吓啦！
仁川「李家姊妹米甜品」前往方法
- 小Tips：仁川地鐵1號線「仁川轉運站（인천터미널）」6號出口出嚟之後，大約行15分鐘。
仁川巴士客運站6號出嚟，穿過公園後之後轉左。
沿著公園隔離嘅行人道直行。
過完馬路之後向左直行。
跟住上圖沿住紅磚牆一直行。
沿住欄杆轉右後行大約200米。
李家姊妹米甜品就喺左手邊。
點先可以享有仁川「李家姊妹米甜品」滿額贈禮？
現場消費時，點擊按鈕或畫面下方「領取優惠」，以領取Creatrip專屬優惠券，並出示給店員，享有獨家優惠。
以上係仁川麵包店「李家姊妹米甜品」嘅介紹，有任何問題請先詳閱呢篇文章。
如果睇完之後有任何問題，或者我哋語意、表示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
