Hello，大家好，我哋係由韓國人每日提供最新韓國旅行資訊嘅Creatrip。
唔知大家最鍾意嘅卡通人物係邊個呢？如果講到香港最有回憶嘅日本動漫，可能都會諗到《哆啦A夢》、《櫻桃小丸子》、《名偵探柯南》、《數碼爆龍》等，但喺韓國《蠟筆小新》可以話係一個傳奇，因為直到而家電視成日都會見到佢重播，到底點解佢有咩魅力？就等我哋一齊睇吓啦！
韓國超迷《蠟筆小新》？
1999年韓國第一次播出
《蠟筆小新》首次喺韓國播出，需要提到SBS同Tooniverse。1999年《蠟筆小新》喺韓國SBS播出之後，老一輩都有負面同消極態度，認為《蠟筆小新》內容唔適合教小朋友，因為當中太多性描述、行為有啲過度等，所以喺韓國大約有65至70%集數都係剪過先播。
之後SBS將轉播權讓俾Touniverse，2013年起《蠟筆小新》轉換為高畫質播出，情節上添加韓國流行元素：例如《愛的迫降》喺日本超高人氣，有一集係小愛去緊補習社，迫降喺小新懷抱，都引起韓日網友熱議。加上《蠟筆小新》喺韓國播出，會全面以韓文配音，迎合韓國人口味，加入當代流行，可以引發小朋友同觀眾共鳴。
就好似喺第3季21集入面，小新對懷孕嘅美冴，用胎教方式演唱周炫美嘅《下雨的永東橋》；第5季第1集小新仲扮演飲醉丈夫，演唱趙容弼嘅《回來吧，在釜山港》，就連Kpop歌：Apink《Mr.chu》、EXID《Up & Down》、TWICE《Cheer Up》等等都有跟上。
《蠟筆小新》喺韓國會爆紅嘅原因
《蠟筆小新》播出嘅動畫同原著好唔同，風格完全唔一樣，所以喺開播初期，好多內容都會俾人鬧，當時雖然有好多負面評價，但因為當中啲黑色幽默，認定「唔係俾小朋友睇，而係俾大人睇。」成為韓國大人心中國民動畫，更加係日本歷史最悠久動畫之一。
서울경제
主角小新發人深省嘅個性，以及神來一筆成人笑話吸引唔少觀眾，唔單止小朋友覺得有趣，就連大人都覺得好好笑，而且小新嚟自普通家庭，父親廣志仲有32年房貸要還，美冴喺生活上斤斤計較、但成日想貪小便宜性格而鬧出笑話，甚至其他每一位角色形象都相當鮮明，體現社會真實面貌，令韓國觀眾感同身受。
電影《蠟筆小新：暴風大人帝國反擊戰》
小新喺節目中設定為一位五歲嘅小朋友，但佢嘅口才相當了得，成日都會有啲名台詞，就好似電影版嘅《蠟筆小新：暴風大人帝國反擊戰》，佢講咗一句：「我嘅生命從來都唔係微不足道，我想令你知道家庭嘅幸福係幾咁大。」
電影《蠟筆小新：小白的屁屁炸彈》
另外一部電影《蠟筆小新：小白的屁屁炸彈》中提到「唔按照計畫進行嘅先係人生！（계획대로 안되는 게 인생이다！）」等名台詞，都令到人有所共鳴。
《蠟筆小新》引起熱潮
1. Sonsoo麥樂雞
2011年Our Home旗下食品品牌，就針對小朋友零食市場推出「《蠟筆小新》麥樂雞」同「《蠟筆小新》水牛芝士吉拿棒」，負責人喺產品推出時表示：「將會透過小新友好、可愛形象，增添食物風味，希望小朋友可以食得開心。」。
2. A'pieu
A'pieu
2015年 A'pieu推出9款同《蠟筆小新》聯名嘅化妝品，特別加入身著夏威夷服裝、跳草裙舞、扮演天鵝湖芭蕾舞演員，以及體操選手俏皮形象，打造出「老少兼宜」產品。
3. SPAO
이랜드월드
另外喺2017年暑假，SPAO同《蠟筆小新》聯名推出8款商品，開售後30分鐘內就全部售罄，當日SNS瀏覽量更超過2,500萬，並被選為一星期內最受歡迎Facebook貼文，人氣唔講得笑。
이랜드월드
後嚟全國70間SPAO店推出一萬件《蠟筆小新》睡衣，喺發售後2小時內全面售罄，甚至當日仲未開鋪都已經唔少人喺出面排緊隊，之後韓國著名床具品牌「松花寢具」，都推出咗蠟筆小新寢具，一樣都好受歡迎。
4. 7-11軟糖
2018年韓國7-11準備「Let's Eat Chocobi Jelly with小新」活動，當時有唔少情侶仲會買嚟當做白色情人節禮物！
雖然有啲內容可能真係會受到爭議，不過其實有時咁樣先係最寫實，直到而家小編其實都會成日睇《蠟筆小新》嘅片，唔知大家心目中最紅嘅卡通片又係邊一套呢？歡迎留言話俾我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
