Hello，大家好，我哋係由韓國人話你知每日最新資訊嘅Creatrip。

有時嚟韓國旅行如果係留得耐，除咗首爾之外相信大家都會去埋其他地區，呢個時候大家最常搭嘅交通工具係高速巴士、火車定係飛機呢？如果係搭火車嘅話，今日想同大家分享一啲小Tips，話唔定可以幫到大家！

搭KTX小Tips

1. 想知有冇叉電位？

小編每一次搭火車，第一樣會睇嘅就係有冇叉電位，因為搭咁耐車程，不斷睇手機好易冇電，想知邊個位有，小編推薦坐3、5、12窗口位！除咗有USB之外，仲有韓國兩腳插，上車之前記得睇吓有冇帶線，如果冇都可以喺月台嘅便利店買，咁就唔使怕玩玩吓手機冇電啦！

2. 想坐靜啲嘅位

有時未必一早出發，晏少少去可能會撞正好多上班族收工帶埋小朋友一齊返鄉下嘅家庭，因為KTX 8號車廂係幼兒同小朋友專屬區域，如果想靜啲咁休息出發去第二個地方旅行，盡量避開就應該冇問題啦！

3. 睇風景嘅位

如果大家有搭過KTX都應該有發現，每一卡車廂入面都有幾個大窗，唔想俾牆遮住，只要避開3、5、7、10、12同15座位，就可以睇到靚風景！

4. 唔想俾太陽曬到嘅位

就算搽咗防曬都會怕曬！唔想俾太陽曬住推薦坐C、D位，下晝嘅話推薦坐亦逆方向A、B位！

雖然而家因為疫情嚟唔到，不過如果之後開關，打算會留喺韓國耐啲，想去返晒咁多地區，會坐到KTX嘅話，希望呢一篇Blog嘅少少Tips可以幫到大家啦！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購