Hello，大家好，我哋係由韓國人每日提供最新韓國旅行資訊嘅Creatrip。
唔知大家平時影相會唔會都好煩惱要點樣擺pose呢？如果成日只係擺「V」手勢又唔夠特別，今日就等小編同大家介紹韓國最常用嘅影相pose啦！
韓國友情影相pose教學
1. 星星Pose
如果係韓團六人組合，大家應該都會見過唔少次呢一個星星手勢，一開始可能都會有啲亂，但慢慢就會形成一個星形，影出嚟嘅相都好有趣！
2. 天地創造Pose
每次見到BTOB影嘅相，都會俾人一種好歡樂嘅感覺！就好似上圖佢哋喺第30屆金唱片度影咗一幅天地創造pose，呢個動作好簡單，不過要做到個神韻並唔容易，要好好練多幾次先做得到。
3. 人間塔Pose
自從之前2PM喺表演完《Heartbeat》做咗呢個動作之後，韓國好多旅行或者畢業相都會見到，做最底嘅要好夠力，上面又要夠平衡力，真係要挑戰幾次先做得到，但做到之後真係好型！
對於女仔嚟講上面嘅pose可能有啲難，咁不如試吓呢一個坐低嘅pose，相對易啲，不過始終都有啲啲危險，大家要小心啊！
4. 心型Pose
아이즈원 공식 인스타그램
兩個人影相除咗「V」手勢之外，其實俾心心已經係完全另一個風格，而且俾人覺得好可愛！
當然如果人越多整出嚟嘅心就會越大，畢業相或者旅行相成日都會見到。
5. 腳尖Pose
雖然睇落好簡單，不過要同時一齊做到一啲都容易㗎！呢個好考平衡力，快啲搵埋知己一齊影睇吓做唔做到啦！
6. 巨人Pose&妖精Pose
呢一個影出嚟新到可愛，搵一個企喺前面，將一隻腳拎高，其他朋友喺後面扮好似要撐住，只要相機較好角度，就會影到好多搞怪嘅相！
或者如果係情侶嘅話，都可以影呢一個精靈pose，一個坐喺後面，一個喺前面舉高雙手，好似捧住對方咁，如果對望，相信影出嚟一定會更加sweet！
7. 火車Pose
有時可能三七面靚啲，可以試吓影呢個火車Pose，將手搭喺前面嘅人膊頭上，影出嚟都相當可愛！
8. 扮鴨仔Pose
呢個動作相當簡單，扮成一隻鴨仔，越多人一齊做嘅話，睇落就更加可愛！
9. 人間扇Pose
要影到呢一個Pose真係一啲都唔容易，因為要好考平衡力之外，仲要好相信自己嘅隊友，如果一個唔小心，做最低嘅人就會好慘。 不過如果做到就相當有成功感！
10. 扮花花Pose
如果同朋友約埋去草地或公園玩，可以試影一幅花花Pose，呢個完全唔需要任何技巧，影出嚟相當青春！
11. 東方神起Pose
以前東方神起出名影啲誇張同唔自然嘅動作相，好多韓國人都有跟住影過添！
12. 龜波氣功Pose
相信呢一個Pose應該都有唔少人影過，一個人企喺中間，喺附近嘅人就要同時跳起身，不過要同時跳起都唔係一件易事，可能要影多幾次先得。
就算係2個人影都好可愛！大家之後都可以同另一半試吓影！
13. 交叉Pose
呢個交叉Pose睇落容易，不過做都好教擺角度，呢個動作只係4個人就可以完成！大家下次會唔會想挑戰吓呢？
14. 三個心心Pose
之前有段時間好多人都會去酒店Staycation，之後會唔會想約埋閏蜜著住睡衣，一齊影呢個三個心心Pose呢？因為只係需要露背面，所以夜晚落完妝影都唔怕。
15. 影腳Pose
呢個動作雖然MK，不過係經典之中嘅經典 有時唔想露樣，但又想留返個回億，都可以影呢一個姿勢。
下次影相唔知擺咩Pose，不如就參考吓呢篇Blog，可能都幫到大家！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
