關於MBTI嘅一切
點解韓國人咁信MBTI？想溝仔/溝女呢4類人聚埋一齊絕對唔會錯？
Hello，大家好，我哋係由韓國人每日提供最新韓國旅行資訊嘅Creatrip。
以前韓國人想短時間判斷你係一個點嘅人，都會問你係咩血型，不過而家已經變咗係會問你MBTI係咩，唔知大家曾經又有冇test過呢？今日想同大家分享一吓，每一個MBTI有咩特徵，同時邊一種係最夾！
關於MBTI嘅一切
任何人都唔可以阻止到我嘅ESTP
比起諗會先行動嘅ESTP，認為人生只係得一次，一定要每日都開心，唔想過啲唔開心嘅生活，好鍾意去玩同做咩事都好即興！雖然好鍾意將今日要做嘅事推到聽日，不過只要一做就做到最好，之後仲會好有好成就感！
年紀輕嘅老嘢ESTJ
무한도전
ESTJ只係一講到工作，就會好俾心機去做，而且仲要做到好完美，因為佢哋覺得結果比過程重要，所以好多時佢哋做嘢都會好死板，不過客觀啲嚟睇，佢對人都好溫柔！
可愛長氣鬼ESFP
ESFP 同 ESTP係靈魂伴侶，因為佢哋都係集中於現在，好多時都係衝動派，就算明知有考試都唔會準備，但都可以考得好好，天生就係行明星路線，或者就係好有親和力，只要同佢哋一齊就會好歡樂。
슬기로운 의사생활
如果大家之前有睇過《機智醫生生活》，李翊晙就係完全ESFP嘅經典例子。
調解員No.1 ESFJ
喺現今社會，似乎越嚟越多人會重視個人主義，但只要身邊有ESFJ嘅朋友，佢哋都會好take care周圍嘅人，佢哋會好努力為他人帶嚟快樂同幸福，無論有啲咩難事，佢哋都會想幫你，如果有人鬧交，佢會出嚟做中間人去令大家關係變返好。
有時比惡魔更壞嘅ENTP
ENTP好鍾意同其他人傾偈同討論，甚至仲好鍾意整蠱朋友，不過如果對方同自己意見有唔同嘅時候，比起嬲或者唔鍾意，反而佢哋會好平心靜氣同你討論，講出自己真實感受。
就算只係得返一日生存都要繼續努力嘅ENTJ
ENTJ 充滿激情同自信，做咩事都好積極，佢哋會通過長期邏輯同分析去完成，唔單止係工作，就連愛情、休息都會分配得好，有時俾人一種好強勢嘅感覺。
人間金毛尋回犬 ENFP
ENFP份人好溫暖、幾時都係精力充沛，令人會諗起佢似可愛金毛尋回犬，不過好容易就會墮入愛海，同INTJ超相反。
不過有時INTJ都會忍唔住墮入ENFP嘅魅力之中。
咩都好有熱心嘅ENFJ
ENFJ聽講佔世界人口2%，係最稀有類型，當中韓國都佔咗1%，佢哋做咩事都好有熱心，好識關心對方諗法，只要同佢哋一齊就會覺得好幸福！
咩都唔鍾意做嘅ISTP
무한도전
ISTP同ENFJ完全相反，搞笑藝人朴明洙就係ISTP嘅代表，好多時佢會覺得「點解呢啲事要由我哋嚟做？」、「 都唔需要我幫手啦！」等，聽落好似做咩都唔太積極咁。
무한도전
但事實係佢哋覺得唔想因為原則而規範咗自己，想探索另一個世界，比起感性更係理性派。
遵守規則嘅ISTJ
ISTJ做咩都好正直，重視法律、傳統同遵守秩序，所以如果有時一啲事就到期，你仲未做完，喺ISTJ角度嚟睇會覺得好唔舒服。
取消咗約會反而仲會覺得開心嘅ISFP
如果韓國人問你「오늘 만나？」其實係有不如今日唔好見嘅意思，對於ISFP嚟講可能係一件好事，因為佢哋覺得留喺被竇入面最開心，因為寧靜有時自己一個更開心，不過當真係要出去嘅時候，佢哋會比任何人玩得開心！
你可以咁但我唔會咁做嘅ISFJ
覺得自己一個最舒服嘅INTP
INTP 沉默寡言，鍾意用邏輯同分析解決問題，對於佢哋嚟講，拍拖從來都唔係佢哋第一首選，因為要消耗好多精力，好多時好快就會覺得攰，所以單身嘅人好多...不過如果你鍾意嘅對象係INTP，一定要令佢哋令你有好奇心！
做任何事都會精打細算嘅INTJ
做任何事都會精打細算嘅INTJ，係好難搵到志同道合嘅人加入佢哋。
佢哋做咩事都會諗過度過，為求搵到做最好方法去解決。
咩都可以原諒嘅INFP
INFP做任何事都會做最好同最壞嘅打算，表面睇落好冷靜同怕羞，但往往都係最善解人意，如果有人鬧交，佢都會係一個調解員，佢哋將愛情放到好高，為所愛嘅人竭盡全力，只要被佢愛過嘅人都會幸福。
唔太敢相信人嘅INFJ
INFJ有不可動搖道德觀念同理想，佢哋好多時對其他人好難敞開心扉，永遠有一種防禦態度，希望可以靠自己解決唔去煩到其他人。
MBTI 特徵差異
1. 夾起E中間嘅I
喺一個kpop組合入面都都啲成員係I，有啲係E，E永遠都係最熱鬧，但係I就會想快啲返屋企。
只係睇相就可以一眼睇得出邊個係I，邊個係E，係唔係好神奇呢？
2. S同N之間嘅想像力
S同N一樣好有想像力，不過完全係唔同層次，例如S會諗「如果我禿頭點算好呢？」，N係會諗「如果所有人都係禿頭，假髮市場應該追求點樣嘅方向呢？」，就好似上圖咁，S如果咩都冇諗只係一張普通白紙，但係N諗到嘅就係成個宇宙咁闊。
3. T同F嘅表達方式
同一句說話可能係話「如果你係咁冇人會鍾意你」，對於固執同堅強嘅T嚟講可能一啲事都冇，但係F就會覺得好震驚，因為佢哋好著重其他人睇法。
假設有朋友話自己發生交通意外，對於T嚟講可能只會問有冇問保險，但係對於F嚟講就會係超緊張你本人！
4. J同P做嘢方式
J好多時做嘢都會由A到C計劃得好好，之後會跟住去做，不過P往往都係冇咩計劃，可能係做緊調查時有啱先會去做。
MBTI組合
1. 講唔停/長氣組合
因為E相對外向，所以講到講唔停/長氣組合一定有佢哋份，好多好鍾意同人傾偈同識新朋友，喺韓國會稱佢哋為人氣王（인싸）。
2. 沉默組合
比較安靜同鍾意自己一個嘅分別有INTJ、INFJ、ISTJ同ISTP，佢哋多數都唔鍾意去一啲好嘈嘅地方，如果真係要約佢哋出街就要參考一吓啦！
3. K-儒家組合
通常都係鍾意遵守法律、規則同秩序嘅，同時相當保守，唔鍾意捲入有爭議嘅事。
4. Team Project A+組合
好多時中學定大學都好鍾意分組做Project，以上呢4類嘅人聚埋一齊就一定可以拎高分！因為計劃得好，而且執行能力都一樣高，絕對係拎A+材料！
5. 唔敢捉蟲嘅組合
ESFP、ESTP、ENFP、INTJ如果聚埋一齊就一定唔可以捉蟲，因為ESFP發現之後只會小題大做、ESTP只會當冇事發生、ENFP會想逃走，最後INTJ根本就唔會想留喺度。
6. Hunting復仇者
如果係諗住去識女仔/男仔，只係呢4個組合聚埋一齊，要識真係話咁易！應該冇人會離開到佢哋。
7. MBTI 最佳組合
每一個MBTI都有唔同特徵，如果想知自己同邊一個最夾都可以參考以上圖表。
如果有更多想知嘅內容，都可以隨時留言或者dm話俾我哋知：）
Instagram：creatrip.hk