Hello，大家好，我哋係由韓國人每日提供最新韓國旅行資訊嘅Creatrip。
去韓國絕對唔可以唔去東大門，不過附近有冇邊間酒店好？今日就等小編同大家介紹一吓空中花園東大門金斯敦酒店啦！
東大門「空中花園東大門金斯敦酒店」介紹
Agoda
- 地址：서울특별시 중구 장충단로13길 20
- 小Tips：東大門歷史文化公園站14號出口行283m
房型/晚
房間類型 | 價格 |
Standard Double/ Twin | ₩80,000 |
Residence Double Balcony Double/ Twin | ₩90,000 |
Family Room | ₩150,000 |
*提供其他房型，具體價格請參考酒店官網。
- 入住同退房政策：入住時間 14:00、退房時間：12:00
東大門出名多批發市場，如果想搵間唔錯酒店，小編想同大家推薦空中花園東大門金斯敦酒店，小當平日入住，價錢大約係₩83,000，預約咗Residence Twin房，因為疫情影響，而家唔包早餐。
Hotel Skypark係一間連鎖是大型酒店，明洞、濟州、大田等地方都會見到佢嘅蹤影，而東大門分店位於現代百貨14樓，同時超近東大門歷史文化公園站14號出口同批發中心加多美食，可以話係最佳住宿之一，總共有406間客房，擁有雙人房、單人床、連廚房同露台、家庭房等，適合團體入住。
上到14樓就可以辦理入住手續，去到需要填寫一啲基本信息，例如姓名、電話號碼、國籍等，…工作人員會熱情幫大家，唔需要太擔心。
寫完之後，工作人員就會俾房匙同牙刷套裝。
上房嘅時候入Lift需要先喐卡，感覺會有種更加安全嘅感覺。
走廊好闊落，即使係疫情期間，酒店都仲好乾淨同衛生。
小編預訂嘅係大約30平方米Residence Twin，一入到去就會見到一個大衣櫃。
浴袍、拖鞋同衣架都喺衣櫃入面。
右邊係廁所同浴室區，做咗分離式設計，好乾淨，唔會有異味，喺東大門附近完Shopping完一日，仲可以喺度浸泡泡浴。
房大，有包毛巾、洗頭水、護髮素、熱水壺等必備用品，同時夠乾淨，可以望到DDP，插座亦唔少。
客廳同房中間用一堵牆隔開，甚至仲有一張食飯檯。
韓國好多酒店只得1張檯，但呢度足足得有2張， 同時仲設有插座，如果要嚟做嘢相當唔錯。
同時仲有準備茶包同速溶咖啡，大家可以用熱水壺沖嚟飲。
如果有貴重物品，仲可以擺入保險箱。
房入面有微波爐，雪櫃有2支水，但冇碗、碟等，如果需要可以去同層共用廚房拎！
床好軟，但可惜有少少細，但勝在排得夠整齊同乾淨。
房入面嘅插座只係得一邊有，兩個人冇得同時用，可能會覺得有啲唔方便。
小編入住嘅房可以望到DDP景色，雖然睇得唔多，不過喺高處望又係另一種feel。
同一層會一個共用廚房，呢度有飲水機、微波爐、廚房用具等，另外仲有一個可以放廚餘嘅位，有需要嘅朋友可以喺度揼，咁就唔會令到間房有異味或者變臭。
另外其他設施都會喺14樓，例如有投幣式洗衣房，價錢都唔算好貴。
另外仲有CU便利店，如果突然肚餓仲可以去買嘢食，超方便！
如果有文件唔記得影印，呢度都有提供電腦同打印機。
如果想去按摩，同一層就有N'Olive Esthetic，營業時間由10:30 - 21:00（逢星期日休息）。
有需要呢度仲有5個會議室。
本身呢度仲有Gym Room同用餐區，但因為疫情影響，呢兩個區域都目前暫停開放。
14樓中間仲有一個室外庭院，呢度可以體驗天空之城賽車，每個回合₩8,000，服務時間係11:00 - 20:00。
當太陽落山，呢個區域就會開燈，想影靚相嘅朋友可以嚟呢度，佢有一種去咗露營嘅感覺，有一個套餐係有有兩條香腸、棉花糖同韓國傳統零食，價錢都只係₩9,900。
總體嚟講呢度設施同價錢都唔錯，加上就喺東大門旺區，要去嘅話相當之方便。
東大門「空中花園東大門金斯敦酒店」前往方法
由東大門歷史文化公園站14號出口出嚟之後直行。
見到Migliore之後轉左。
直行去到現代百貨。
見到停車場之後轉右。
之後右手邊就係空中花園東大門金斯敦酒店啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
