2026年5間必去明洞髮型屋推薦 | 價錢、地址、真實探訪記等

Hello，大家好，我哋係由韓國人每日提供最新韓國旅行資訊嘅Creatrip。

講起明洞，可能大家第一時間會諗起行街或者明洞大街嘅街頭小食，但其實明洞都有好多高質髮型屋。無論係簡單洗剪吹，定染髮、漂髮、電髮、頭皮SPA，甚至係頭皮脫髮護理專門店都可以喺明洞搵到。

小編自己喺明洞都返咗好幾年工，平時食lunch去到明洞商圈附近都可以觀察到最近邊間髮型屋受歡迎、邊度開咗新salon。而且因為通常都會貪方便直接去明洞髮型屋整頭髮，所以都可以拍心口推薦幾間小編真心覺得值得去、唔會伏嘅明洞髮廊俾大家！

想喺首爾整頭髮應該揀明洞、弘大定江南？

通常想喺首爾整頭髮，大部分人都會考慮去弘大或者江南。老實講明洞唔係首爾最「潮」嘅地區，但小編個人覺得如果你係第一次去韓國玩，亦都比較注重溝通嘅話，其實明洞都係一個唔錯嘅選擇。

首先明洞可以話係所有遊客都一定會去嘅地方，朝早去換錢、中午食飯、下晝去shopping、夜晚再去Olive Young或超市掃貨，中途再安排埋去剪髮、染髮或者做頭皮Spa，咁就可以直接喺明洞玩足一日，安排行程比較方便。

另一點係明洞嘅髮廊大多已經好習慣接待外國旅客。即使唔係每間髮型屋會提供專業中文/英文服務，整體上明洞髮型師們都會知道點樣可以同到外國人溝通，亦都清楚旅客需求，而且最近好紅嘅頭皮SPA幾乎每間髮型屋都有齊！

相對上弘大同江南好多髮型屋都係做韓國本地人生意，比較少接觸外國人，所以喺翻譯或者溝通上可能會比較唔方便。不過呢兩個地區嘅髮廊勝在緊貼潮流，每位髮型師可以做到嘅髮型同療程都更加豐富。

如果你本身追求比較年輕、個性鮮明、潮流感重嘅風格，小編會推薦你去弘大；如果你想體驗韓國明星級美髮服務，或者budget比較多，就推薦去江南整頭髮。但如果你想行穩陣路線，安排行程同溝通更方便，會更加推薦你去明洞髮型屋！

2026明洞髮型屋推薦

去韓國玩人生路不熟，而且語言未必通，相信大家最concern嘅一定係「到底邊間明洞髮型屋唔伏/值得去體驗」。小編今次根據個人體驗，幫大家篩選咗幾間位置方便、服務種類豐富，而且網上評價夠好嘅明洞salon俾大家參考。

※以下營業資訊為2026年5月更新版本，實際詳情請參考各髮型屋預約頁面。

1. LEEKAJA HAIR(이가자헤어)

• 明洞店地址：서울 중구 명동8가길 22 3F
• 營業時間：
• • 星期一 10:00-20:00
  • 星期二至日 10:00-20:30
• 前往方法：明洞站（명동역）8號出口行1分鐘
• 語言服務：韓文、母語級中文(普通話)、基本英文

Creatrip獨家優惠💈
·接受當日預約
·透過Creatrip預約最高可享95折優惠

1 / 0

香港朋友們應該對「LEEKAJA HAIR」呢個brand唔陌生，因為佢哋喺香港中環都有開分店！呢間salon係其中一間好受外國旅客歡迎嘅明洞髮型屋，無論係Naver定其他平台上都一直維持高評分。

髮型師會按你嘅臉型、氣質同髮況去建議適合嘅髮型同護理方向。對第一次喺韓國整頭髮嘅人嚟講，呢種先溝通、再決定項目嘅方式會安心好多。

1 / 0

小編身邊有位朋友每次飛韓國都會去「LEEKAJA HAIR」做頭皮SPA，因為價錢相對比較平，但每次做完都會明顯覺得頭皮狀態變好，CP值高。

上次小編都有跟去，發現頭皮診斷同整體頭皮SPA步驟都比想像中仔細，而且髮型師會幫你分析頭皮有咩問題之後再挑選最啱你做嘅療程，有種對症下藥嘅感覺。

1 / 0

朋友話佢最鐘意頭皮按摩同Waterfall水療嘅環節，舒服得嚟夠療癒放鬆。而小編覺得最正嘅一點係做完頭皮SPA之後髮型師會幫你set返個頭，等你可以繼續靚住周圍去玩，非常貼心。

如果你今次飛韓國比起轉新髮型，比較想體驗韓國頭皮SPA，或者希望配搭埋其他美髮療程一齊進行，推薦大家預約「LEEKAJA HAIR」！

✏️小編小貼士：LEEKAJA HAIR嘅中文職員逢星期二同星期日都唔會在場，所以如果覺得用普通話溝通比較方便嘅話，建議避開以上兩日！

LEEKAJA HAIR明洞店顧客真實評價💬

更多參考圖片&真實評論👇🏻

2. HAIR THE BEAU(헤어더뷰)

• 明洞店地址：서울 중구 명동10길 38 3F
• 營業時間：10:30-20:30
• 前往方法：明洞站（명동역）8號出口行2分鐘
• 語言服務：韓文、中文(普通話)、英文、日文

Creatrip獨家優惠💈
·所有客戶都可以享有免費頭皮SPA服務
·體驗後於Creatrip填寫評論即可享8~9折優惠

另一間同樣位於明洞站8號出口附近嘅髮廊「HAIR THE BEAU」由人氣髮型師團隊主理，每位髮型師都擅長唔同美髮療程，當中更加有人識講普通話，溝通更加方便！

無論你想剪髮、染髮電髮，或者順便加做頭皮SPA，都可以喺呢度一次過處理，重點係服務夠高質，整體滿意度高。

1 / 0

1 / 0

如果你本身唔係想整太花巧嘅髮型，推薦大家預約「HAIR THE BEAU」明洞店嘅獨家美髮療程套餐，用8至9折優惠價體驗。

✏️小編小貼士：HAIR THE BEAU有男髮型師在場，亦都有男士專用美髮套餐，所以男士們如果想喺明洞剪頭髮，都可以考慮去呢度！

HAIR THE BEAU明洞店顧客真實評價💬

更多參考圖片&真實評論👇🏻

3. JUNO HAIR 明洞街店(준오헤어 명동스트리트점)

• 地址：서울 중구 명동10길 41 7F
• 營業時間：10:00-21:00
• 前往方法：明洞站（명동역）8號出口行1分鐘
• 語言服務：韓文、中文(普通話)、英文、日文

Creatrip獨家優惠💈
·透過Creatrip預約最高可享9折優惠

JUNO HAIR可以話係韓國最出名嘅連鎖髮型屋品牌，喺明洞咁多間分店之中小編最想推薦位於明洞中心地帶嘅明洞街店！

首先「JUNO HAIR明洞街店」自己就已經有超過1萬個Google評論，評分方面更加一直維持住5分，證明去親嘅客人滿足度夠高。而且呢間分店仲上過日本人氣雜誌，喺外國討論度高，而且因為可以用中英日文溝通，所以吸引到更多外國人到訪。

呢間明洞髮型屋會開到9點，所以小編平時都係放工之後去整頭髮。而上次咁啱放半晝，所以就抽咗時間去剪頭髮，順便做埋呢度最受歡迎嘅18-STEP頭皮SPA。

首先上到去就會見到一望無際嘅明洞聖堂景色，小編去當日天氣好好，一邊望住窗外景色、一邊嘆免費飲品、一邊享受療癒頭皮SPA療程，成間事勁chillXD

1 / 0

正式做療程之前，髮型師會先用精密儀器幫你睇頭皮狀況，然後再幫你揀合適嘅護髮產品。就以小編自己為例，髮型師話小編頭皮其實幾健康，不過因為比較乾，所以會見到有老廢角質剝落嘅問題。

之後就會進行頭皮深層清潔、蒸汽護理、香薰頭皮按摩、Waterfall水療同搽頭皮精華，幫助舒緩頭皮同刺激再生，改善頭皮狀況。小編最surprised嘅係居然仲會按埋肩頸，非常relax！頭皮SPA專用室方面有單人房同雙人房，而且仲有按摩椅，無論係自己去定同家人朋友去都好推薦。

做完之後頭皮明顯會變得乾淨，頭髮都會更加柔順。等髮型師幫手set埋個頭就大功告成，如果係嚟旅行嘅話就可以繼續去行街同影相打卡，非常方便！

✏️小編小貼士：JUNO HAIR喺明洞有5間分店，大家預約同去之前記住一定要check清楚自己有冇預約/去錯分店，如果唔係可能影響到體驗！

JUNO HAIR 明洞街店顧客真實評價💬

更多參考圖片&真實評論👇🏻

4. ECO JARDIN(에코쟈뎅)

• 地址：서울 중구 명동8길 8-10 3F
• 營業時間：
• • 星期一至五 10:00-22:00
  • 星期六及日 10:00-20:00
• 前往方法：
• • 明洞站（명동역）6號出口行4分鐘
  • 乙支路入口站（을지로입구역）6號出口行5分鐘
• 語言服務：韓文、英文、基礎中文(普通話)及日文

Creatrip獨家優惠💈
·於Creatrip及Google填寫評論，即可免費獲得洗頭水&護髮素旅行裝

1 / 0

最近明洞好多髮型屋都可以做到頭皮SPA，當中「ECO JARDIN」係連韓國人都會定期去嘅salon之一。

呢度最出名嘅係系統化頭皮護理服務，由專業療程師為你提供幹細胞頭皮護理，更加會使用Milbon、Shiseido、Loreal等高級美髮產品，由根本改善頭髮狀況。

1 / 0

✏️小編小貼士：ECO JARDIN星期一至五都會開到22:00（最後可以預約嘅時段係20:00），如果行程安排得比較滿，但又想去明洞整頭髮，可以考慮呢間髮型屋！

ECO JARDIN明洞店顧客真實評價💬

更多參考圖片&真實評論👇🏻

5. GREEN頭皮活髮中心(그린 탈모두피센터)

• 地址：서울 중구 퇴계로 109 11F 1102호
• 營業時間：
• • 星期一至五 11:00-19:00
  • 星期六及日 10:00-18:00
• 前往方法：明洞站（명동역）5號出口行2分鐘
• 語言服務：韓文、英文

Creatrip獨家優惠💈
·於Creatrip及Google填寫評論，即可享營養精華增量優惠

1 / 0

「GREEN頭皮活髮中心」同上面介紹嗰幾間髮型屋唔同，更偏向頭皮護理同脫髮治療，創辦以來有超過40萬位客人光顧，旗下更加有創立頭皮研究所，持續研究最新技術。

呢度唔單止係做一個舒服放鬆嘅頭皮SPA，而係會按你而家嘅頭皮症狀安排相應管理。

1 / 0

可能因為小編由中學開始休息唔定時，所以成日洗頭都會甩唔少頭髮。早排見到自己特別係額角同頭頂頭髮變得比較稀疏，就即刻預約咗去呢間活髮中心做諮詢同頭皮護理。

療程師會先分析頭皮狀況，再推薦相關療程。雖然通常防脫髮或者活髮療程都需要keep住去做先會見到明顯效果，但小編去一次之後就見到額角開始生返少少細毛，所以即刻book咗下一次treatment XD

✏️小編小貼士：如果今次唔係單純想剪髮或者染髮、電髮，而係本身已經有頭皮敏感、容易出油同甩頭皮，或者想做一次較深入嘅頭皮Spa，咁小編會推薦大家優先考慮去「GREEN頭皮活髮中心」！

GREEN頭皮活髮中心顧客真實評價💬

更多參考圖片&真實評論👇🏻

明洞髮型屋要點揀？

睇完小編介紹同真實探訪記之後，都仲係唔知邊間明洞髮型屋最啱你嘅話，不妨可以參考以下比較表，下次飛韓國嘅時候預約去體驗啦！

明洞仲有呢幾間髮型屋值得參考👇🏻

點預約明洞髮型屋？

外國遊客想預約明洞髮型屋，最基本有三個方法，分別係透過Naver預約、透過Instagram DM預約，或者透過Creatrip等旅遊平台預約。

大部分明洞髮型屋都會開放透過Naver預約，只要喺Naver Maps搜尋想去嘅髮型屋名，撳入去就會見到有預約掣，揀好日期同時間就可以成功預約到。

透過Naver預約優點係有時候可以指定髮型師，如果你上網見到有人介紹某個髮型師技術好，而你又想試，用Naver通常都可以幫到你。不過如果你本身唔識韓文，呢個方法就會比較麻煩，而且髮型師想直接聯絡你都未必可以溝通到。

另一個大家都常用嘅方法係透過Instagram DM預約。因為可以直接睇埋髮型師以前整過嘅髮型，參考造型師風格，好多人揀髮型師之前都會去IG search，亦都可以直接DM髮型師問佢幾時有位、某個髮型做唔做到、可唔可以改期之類，溝通會更加直接。

不過同樣地如果你唔識韓文，髮型師又唔識中文或者英文，可能會出現理解上嘅錯誤，甚至乎係冇咗你個booking，小編自己都睇過唔少網友分享中伏故事。

如果想確確實實預約到你想去嘅明洞髮型屋，又唔想不斷用翻譯器翻譯，小編推薦大家可以透過Creatrip預約！

Creatrip提供繁體中文(廣東話)介面，預約畫面上可以睇清楚各種美髮療程嘅詳細資訊、價錢同顧客真實評論，可以比較過之後再預約。你亦都可以直接用港幣付款，有咩問題亦都會有24小時中/英客戶服務人員幫你處理，對唔識韓文嘅遊客嚟講更安心方便。

撳我預約精選明洞髮型屋

居韓小編韓國美髮體驗秘笈

➀ 體驗當日帶定2~3張參考圖片

本身如果唔識韓文，溝通方面會有一定難度，而且有時候用語言未必可以準確表達到自己想整咩髮型。呢個時候小編建議最好準備幾張參考圖片，等髮型師可以瞭解你想整嘅風格同髮型，最後成果會比較有保障！

➁ 之前有漂過/電過頭髮一定要同髮型師講

根據小編經驗，特別係如果之前有漂過頭髮，通常髮型師都唔建議你電髮。如果你之前有做過漂髮、電髮、染髮等等嘅療程，但又冇事先同髮型師講定嘅話可能會出現問題，例如染到一撻撻，甚至係對頭髮帶嚟嚴重損傷！

➂ 價錢牌/頁面上價錢唔等於最終價錢

韓國髮型屋價錢牌或者預約頁面上價錢通常都係以短髮為標準，可能會根據頭髮長度、髮質、所選護髮療程、髮型師等級等等而需要額外支付相關費用，大家預約前同計旅行budget前記住要參考呢一點。

明洞髮型屋常見問題FAQ

| Q1. 明洞髮型屋係咪一定要預約？

A：小編建議要預約定。尤其係染髮、電髮、頭皮SPA呢啲比較花時間嘅項目，臨時 walk-in未必可以安排到，人氣髮型屋就更加難即場做。

| Q2. 唔識韓文都可以去明洞髮型屋整頭髮？

A：可以！明洞髮型屋因為有豐富接待外國客人嘅經驗，而且好似上述介紹嘅LEEKAJA HAIR、HAIR THE BEAU、JUNO HAIR等髮型屋都有識講中文(普通話)同英文嘅職員在場，所以唔需要擔心溝通問題。不過小編都會建議大家提早準備定參考圖片，令諮詢過程更順暢！

| Q3. 明洞剪髮、染髮、電髮、頭皮SPA大概要幾多錢？

A：根據2026年明洞髮型屋價錢表，明洞美髮價錢大約係：

不過價錢會根據髮型屋/造型師等級、頭髮長度等而有所不同。

(✏️小編小貼士：LEEKAJA HAIR最基本嘅頭皮SPA只需要₩88,000 - 大約KRW 88,000，平過大部分髮廊！)

| Q4. 韓國剪髮、染髮、電髮、頭皮SPA通常要幾耐？

A：如果唔計諮詢時間，喺韓國剪髮通常需時30-40分鐘，染髮就需要1-2小時；電髮大約係2-3小時，而頭皮SPA就大約1-1.5小時左右。不過如果你頭髮比較長，或者中途會加護髮療程，就要預更多時間，建議大家後續行程唔要安排得太緊凑。

| Q5. 韓國髮型屋會唔會臨時加價？

A：有機會。根據頭髮長度、漂染次數、受損程度、護理療程、髮型師等級等，都可能會影響最後價錢。

| Q6. 男士都適合去明洞髮型屋嗎？

A：可以，唔少明洞髮型屋都有提供男士剪髮、染髮同頭皮護理。今日介紹嘅髮型屋當中就比較推薦大家去HAIR THE BEAU或者JUNO HAIR明洞街店！

| Q7. 韓國頭皮SPA同一般護髮有咩分別？

A：頭皮SPA主要針對頭皮清潔、按摩、放鬆同頭皮狀態；一般護髮就偏向改善髮絲乾旱、毛躁同受損。

| Q8. 明洞髮型屋適唔適合快閃旅客去？

A：非常適合！因為你可以將整頭髮同明洞shopping、食飯、買手信等行程一齊安排，唔使再花好多交通時間去其他地區。

根據小編觀察，明洞而家好多髮型屋都有提供專業頭皮SPA服務。所以如果你想體驗韓國頭皮SPA，同時可以同髮型師用中文、英文溝通，整返個韓式髮型，小編會推薦你首先考慮明洞髮型屋。希望今日呢篇文章可以幫到大家安排行程！

你可能會有興趣

本文由長期留韓嘅 Creatrip小編整理，結合在地觀察、實際體驗同外國旅客最常遇到嘅預約、交通、語言溝通等需求，希望幫大家更輕鬆安排行程。

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！