明洞美容總整理
喺明洞邊度有得做facial同按摩？小編整理好呢幾間俾大家參考！
Hello，大家好，我哋係由韓國人每日提供最新韓國旅行資訊嘅Creatrip。
講到去明洞，除咗shopping之外，當然唔可以錯過去剪頭髮同享受美容服務啦！今日小編想同大家推薦呢幾間鋪頭，有需要嘅朋友都可以參考一吓！
明洞美容總整理 | 髮型屋
1. JUNO HAIR（준오헤어）
「JUNO HAIR」喺韓國相當出名，周圍都可以見到佢嘅分店，而喺明洞就足足有3間。
每間室內設計都唔一樣，但基本上都係現代簡約風，同時有哂完善設備。
如果大家之後都想試吓喺韓國都想試吓轉風格，嚟呢度絕對唔會令大家失望！透過我哋預約仲可以有9折優惠！
JUNO HAIR 1號店
- 地址：서울 중구 명동6길 29 3F
- 營業時間：10:00 - 21:00
- 小Tips：明洞站（명동역）6號出口行2分鐘
JUNO HAIR 2號店
- 地址：서울 중구 명동8나길 18 3F
- 營業時間：10:00 - 21:30
- 小Tips：明洞站（명동역）6號出口行2分鐘
JUNO HAIR 4號店
- 地址：서울 중구 명동8길 14 4F
- 營業時間：10:00 - 20:30
- 小Tips：明洞站（명동역）6號出口行3分鐘
2. PARKJUN Beauty Lab（박준뷰티랩）
- 地址：서울특별시 중구 명동 8길 27 엠플라자 4F
- 營業時間：星期一至五 10:00 - 22:00、星期六及日 10:00 - 20:00
- 小Tips：明洞站（명동역）6號出口行2分鐘
位於明洞嘅「PARKJUN Beauty Lab」以白色做主調，俾人一種好明亮同開揚嘅感覺。髮廊內部比想像中大好多，而且今年6月仲會用埋上面嗰層，可以容納更多客人之餘仲可以分散距離，令每位客人都可以享受私隱度高嘅優質服務！
職員會提供一部機俾大家睇髮型示例，有超多款最新韓國流行髮型，大家一定可以揀到啱心水嘅style！如果都係十五十六，髮型師都會主動推薦咗幾款俾客人！呢度嘅髮型師全部都好專業，一睇就知道客人鍾意邊種風格，亦都會根據客人臉型同五官推薦最適合嘅款~
3. Sanctuary Hair（생크추어리헤어）
- 地址：서울 중구 삼일대로 299 이화빌딩 별관
- 營業時間：11:00 - 21:00
- 小Tips：明洞站（명동역）10號出口行2分鐘
「Sanctuary Hair」係一間有15年歷史嘅日本髮型屋，所有髮型師都經驗豐富，而且有日籍職員常駐，亦可以用英文溝通，可以即刻滿足到來自世界各地嘅客人需求。
呢度最大優點係有日本髮型師常駐，緊貼最新韓國同日本潮流，而家透過我哋預約仲可以享有9折優惠，有興趣就千祈唔好錯過啦！
明洞美容總整理 | 美容、按摩
1. 麗芬聚（쁨클리닉）
- 地址：서울 중구 명동 8가길11, 6-7F
- 營業時間：平日10:30 - 21:00、星期六10:30 - 19:00、星期日休息（Lunch Time 13:00 - 14:00）
- 小Tips：明洞站（명동역）6號出口行2-3分鐘
「麗芬聚」係一間好出名嘅美容中心，同Juno Hair一樣，周圍都有好多分店。呢度有識講中文、日文、英文等外語職員，大家唔需要擔心溝通上嘅問題。
嚟呢度除咗可以做普通皮膚護理、脫毛之外，甚至仲可以打肉毒抗菌、注射等療程，重點係透過我哋預約可以有優惠！
2. ANIS BEAUTY KOREA（아니스뷰티코리아）
- 地址：서울 중구 삼일대로 299 이화빌딩 별관
- 營業時間：10:00 - 20:00
- 小Tips：明洞站（명동역）10號出口行2分鐘
「ANIS BEAUTY KOREA」嘅療程師喺半永久化妝行業曾經獲得多個獎項，有信心保證，亦都唔洗擔心會有安全問題！
始終係半永久化妝，無論係紋眉、眼線定嘴唇，顔色同形狀都非常重要！而「ANIS BEAUTY KOREA」嘅半永久化妝效果夠自然，唔洗怕做完出嚟會好誇張/奇怪。
3. Blue Arirang（블루아리랑）
- 地址：서울 중구 명동길 55 10F
- 營業時間：10:00 - 23:00
- 小Tips：明洞站（명동역）8號出口行5分鐘
明洞嘅「Blue Arirang」唔單止可以做面部按摩，同時仲可以做埋全身按摩，好多韓國人同外國人都鍾意去！
雖然內部唔大，但內部空間好乾淨，職員亦都好有禮貌同親切，俾人一種好放鬆嘅感覺。
喺旅行期間，如果覺得攰，都可以去按摩鬆一鬆！
4. Ohui & Whoo Spa（오휘&후 스파）
- 地址：서울 중구 명동10길 41 5F
- 營業時間：10:00 - 22:00（最後入場 19:30）、公眾假期、新年及中秋休息
- 小Tips：明洞站（명동역）8號出口行2分鐘
可能好多人都會聽過「Ohui」呢個化妝品品牌，佢係韓國著名及高級化妝同護膚品牌之一。 「Ohui & Whoo Spa」會用佢哋產品提供獨家服務，唔少藝人都幫襯過佢哋。
「Ohui」會幫客人度身定制方案，根據每個人需求，用嘅產品都會唔一樣。
「Ohui & Whoo Spa」嘅美容師都好細心同熟手，保證大家一定會滿意。
5. THE CLIM Clinic（더끌림）
- 地址：서울 중구 퇴계로 1가 109 2431빌딩 11~13F
- 樓層：婦科12樓、皮膚科13樓
- 營業時間：
營業時間 | 最後預約時段 | ||
星期一至五 | 10:00 - 19:30 | 手術 | 16:00 |
美容療程 | 17:00 | ||
婦科治療 | 19:00 | ||
星期六 | 10:00 - 16:00 | 手術 | 13:00 |
美容療程 | 14:00 | ||
婦科治療 | 15:30 | ||
*星期日及公眾假期休息
「THE CLIM Clinic」位於明洞站5號出口徒步5分鐘距離，同時提供婦產科（12樓）同皮膚科（13樓）服務。
「THE CLIM Clinic」兩位院長都曾經喺三星首爾醫院做過，經驗豐富，而且所有醫護人員同職員都係女性，切身瞭解女性面對緊嘅問題同煩惱，大家可以放心交俾佢哋！
6. Happy Skin（해피스킨）
- 地址：서울 중구 명동8가길 33 가나빌딩 7F
- 營業時間：平日 10:30 - 22:00、週末 10:00 - 22:30
- 小Tips：明洞站（명동역） 8號出口行2分鐘
明洞「Happy Skin」院長有超過25年經驗，旗下所有療程師全部都有經過專業訓練，提供優質按摩同美容服務。呢度更加被選定為2022韓國KCIA消費者產業美容部門優秀機構，有曬信心保證！
呢間係3人療程室，雖然空間唔大，不過幾啱同朋友一齊嚟~ 而且燈光都唔會太光太掁眼，成個感覺令人覺得好舒服！
院長話有好多韓國人喺度做完一次treatment之後就直接做埋會員，定期嚟按摩，證明效果夠曬好！
7. SHILLA Esthetic（신라에스테）
- 地址：서울 중구 명동8가길 42 3F
- 營業時間：10:00 - 22:00（可預約時間至21:00）
- 小Tips：明洞站（명동역） 8號出口行2分鐘
明洞「SHILLA Esthetic」嘅院長持有美容師執照，亦都有超過12年經驗，旗下所有療程師全部都有經過專業訓練，提供優質按摩同美容服務，更加有日本職員在場幫手。
多人房每張床之間都有塊簾，私隱度高，呢度更加有VIP雙人房，好多情侶都會選擇喺呢度按摩。呢度提供嘅被都夠厚同軟熟，真係好舒服~
足浴水入面放滿香茅精油，令人身心都得以放鬆~ 仲可以一邊飲住熱茶，一邊浸腳，真係超relax！
8. 長今Spa美容中心（장금 스파 에스테틱）
- 地址：서울 중구 명동7길 25 4F
- 營業時間：10:00 - 23:00
- 小Tips：乙支路入口站（ 을지로입구역）5號出口行3分鐘
明洞「長今Spa美容中心」嘅院長有超過30年經驗，客人無論係韓國人定外國人都多，療程效果有保證！
呢度提供嘅按摩療程都非常有韓國傳統風格，想體驗嘅話記住要透過我哋預約啦！
9. Hana Mud汗蒸幕（하나 머드）
- 地址：서울 중구 을지로14길 7
- 營業時間：09:00 - 22:00、農曆新年及中秋節 14:00 - 22:00
- 小Tips：乙支路3街站（을지로3가역）10號出口行2分鐘
嚟到「Hana Mud汗蒸幕」，大家可以同時享受搓身、桑拿、臉部及全身按摩等等嘅高級按摩體驗！
韓國保寧泥漿被譽為全世界三大天然泥漿之一，大家嚟到有機會做返個全身泥漿mask，做完之後肌膚會更加水嫩、毛孔會縮細、皮膚亦都會變得更緊緻！
有時候就算飲食同生活習慣夠規律，都未必可以100%消除疲勞，呢個時候就要靠汗蒸幕幫大家排除體內老廢物質，同時仲可以達到美容效果。
10. Art De La Peau（아드레포）
- 地址：서울 중구 명동7가길 20 3F
- 營業時間：10:00 - 22:00
- 小Tips：乙支路入口站（을지로입구역）5號出口行3分鐘
「Art De La Peau」致力為客人提供最高級嘅按摩服務，呢度設施先進，亦都提供多款按摩美容療程，同普通按摩鋪頭超唔同！
招牌「全身香薰精油光子療程」透過將遠紅外線傳達到人體深處，排出體內毒素、透過提升體溫達至燒脂效果，只要做一次都可以睇到有明顯效果！另外亦都有各種美容按摩療程，想消除疲勞，享受高級按摩服務，推薦大家嚟明洞「Art De La Peau」，好好放鬆吓！
11. 慶熙梅花鹿韓醫院（경희꽃사슴한의원）
- 地址：서울 중구 명동8가길 27 선샤인빌딩 9F
- 營業時間：星期一、二、四、五 10:30 - 20:30（Lunch Break 14:00-15:30）、星期六 10:00 - 15:00（逢星期三、日休息）
- 小Tips：明洞站（명동역）9號出口行2分鐘
「慶熙梅花鹿韓醫院」最出名嘅係護膚同減肥療程，呢度嘅院長係韓國著名大學慶熙大學出身嘅韓醫師，畢業之後仲有繼續進修，攞埋專門醫生牌照，喺韓國可以話係數一數二嘅韓醫師。
呢度嘅療程全部都會融合韓醫元素，所以院長會非常仔細咁先幫大家分析體質，然後再為每位客人訂製同調配客製化療程同藥物，追求由內靚到外嘅效果！
12. Korea Spa（코리아스파）
- 地址：서울 중구 명동7길 8 미래빌딩 4F
- 營業時間：11:00 - 00:00
- 小Tips：乙支路入口站（을지로입구역）5號出口行4分鐘
「Korea Spa」係一間非常受韓國人同外國人歡迎嘅按摩中心，臉部護理、全身至腿部按摩療程都有！
療程師手勢好好，而且療程過程中用到嘅機器、工具同護膚品都好高級！特別係「VIP療程」入面嘅黃金面膜更加有助促進細胞再生，令肌膚變得更健康。
明洞美容總整理 | 美甲
1. Miso Nail（미소네일）
- 地址：서울 중구 명동4길 12-1 3F 301호
- 營業時間：星期一至六 11:00 - 21:00、逢星期日休息
- 小Tips：乙支路入口站（을지로입구역）6號出口行6分鐘
「Miso Nail」位於明洞，呢度有好多實用同可愛款，而且每個月仲會有特別設計款。
呢度雖然唔算好大，但就俾人好乾淨同舒服嘅感覺，左邊係Gel腳、右邊就係Gel手。
價錢唔貴，有興趣嘅朋友都可以搵我哋預約㗎！
2. Lala Nail（라라네일）
- 地址：서울특별시 중구 명동9길 7 2F
- 營業時間：11:00 - 21:00（接受預約至19:00）
- 小Tips：乙支路入口站（을지로입구역）5號出口行5分鐘
「Lala Nail」喺明洞同乙支路入口附近，要去嘅話超方便。
呢度每個月都會有新嘅設計款俾客人揀，用嘅指甲油都係知名品牌，可以令指甲keep得耐啲同有光澤，可以同朋友一齊去變靚靚。
「Lala Nail」喺明洞一帶好出名，深受好多人歡迎，加上美甲師技術精湛同細心， 好nice同熱情，大家一定會好滿足。
3. Pro Beauty（프로뷰티）
- 地址：서울 중구 명동8가길 9 3F
- 營業時間：11:00 - 21:00
- 小Tips：明洞站（명동역）8號出口行3分鐘
「Pro Beauty」喺明洞站行3分鐘就到，好容易就去到！呢度老闆有超過30年經驗，其他職員都經驗豐富，同時提供手指甲、腳趾甲、睫毛、脫毛療程等等。
Gel甲款式夠多，無論係簡單、可愛定華麗設計都有，梗有一款啱你心水！而且環境夠開揚同衛生，大家可以放心整指甲！
以上就係小編整理出嘅明洞髮型屋、美容按摩同美甲鋪頭，大家下次嚟旅行記住要體驗吓K-Beauty嘅威力啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk