仁寺洞｜WelBas
清潔產品都做到好似雪糕咁？全天然製造，自用定送禮都適合！
Hello，大家好，我哋係由韓國人每日提供最新韓國旅行資訊嘅Creatrip。
去仁寺洞除咗想買傳統精品之外，會唔會都想試吓買啲天然產品做手信呢？今日想同大家介紹「Welbas」呢間鋪頭，佢哋嘅產品全部都用咗天然成份去製造，小朋友到大人都可以用，而且外型包裝精美，無論係自用定送禮都好適合！
仁寺洞「WelBas」資訊
- 地址：서울 종로구 인사동길 44 쌈지길 2층 웰바스매장
- 營業時間：10:30 - 20:30 （新年及中秋當日休息）
- 小Tips：安國站（안국역）6號出口行5分鐘
仁寺洞「WelBas」推薦理由
- 所有產品都用咗天然成份去製造。
- 無論係小朋友定大人都用得，仲可以用喺全身所有部位。
- 唔單止包裝精美，就連味道都好香，用嘅時候心情都會好啲。
- 無礦物油、甲醛，亦不含3種鄰苯二甲酸酯、5種重金屬、6種對羥基苯甲酸酯同石油合成表面活性劑。
- 經過FDA人體皮膚測試同臨床驗證，大家可以安心敏用。
- 唔同皮膚適合嘅產品都唔同，職員會好細心咁同大家講解。
- 只要係我哋會員就有9折優惠。
- 買滿₩30,000仲可以退稅。
仁寺洞「WelBas」優惠
- Creatrip會員下載優惠券，就可以有9折優惠。
- 如果用coupon嘅時候有任何疑問，可以send email到help@creatrip.com查詢。
仁寺洞「WelBas」注意事項
- 店入面有嘅優惠活動同我哋提供嘅優惠唔衝突，可以同時享有雙重優惠。
- 總共有12種唔同味道嘅天然成份同5款材料可以加。
- 產品開封後最好係3個月內用完，不過5至6個月都冇問題，未開封嘅話最多可以保存兩年。
- 如果大家係想用嚟送禮，可以請職員唔好撈勻。
仁寺洞「WelBas」價錢
產品 | 價錢 |
Ice Cream Soap 95g Quti One (아이스크림솝 95g 큐티원) | ₩23,900 |
Ice Sherbet Soap 50g (아이스샤베트솝50g) | ₩9,900 |
窩夫海綿 (와플 스펀지) | ₩5,000 |
泡泡女性清潔液250ml (거품형 여성청결제250ml) | ₩19,800 |
Angel Bubble Bath1,100ml (베이비엔젤버블바스1,100ml) | ₩23,900 |
仁寺洞「WelBas」介紹
韓國身為一個美容大國，唔單止化妝品多，護膚品對佢哋嚟講一樣好重要，今日同大家介紹嘅呢一間「Welbas」賣嘅產品成分相當天然。
當中佢哋最主打嘅產品係呢一個「Ice Cream Soap 95g Quti One」，佢哋嘅產品無礦物油、甲醛，亦不含3種鄰苯二甲酸酯、5種重金屬、6種對羥基苯甲酸酯同石油合成表面活性劑，有強力清潔效果之餘，仲可以去除黑頭，保濕同去角質。
呢度總共有12款唔同味道嘅天然成份，每一款味道都適合唔同嘅肌膚，大家可以參考吓。
- 士多啤梨：混合性肌膚
- 檸檬：油性肌膚
- 蘆薈：乾性肌膚
- 提子：中性肌膚、乾性肌膚
- 橙：油性肌膚、敏感性肌膚
- 牛奶：敏感性肌膚
- 椰子：敏感性肌膚、乾性肌膚
- 香蕉：混合性肌膚、乾性肌膚
- 尤加利樹：油性肌膚、敏感性肌膚
- 綠茶：混合性肌膚、乾性肌膚
- 蜂蜜：油性肌膚、敏感性肌膚
- 薰衣草：敏感性肌膚、乾性肌膚
揀完味道之後，呢度有五款材料俾大家揀，最多可以揀3種，每一款都有唔同功效，全部都對皮膚好，由左到右包括係：
- 珍珠泥：毛孔管理、去角質、保濕
- 核桃殼：天然磨砂膏、去角質
- 荷葉：皺紋管理、膠原蛋白
- 殼聚醣：抗菌、保濕、鎮靜
- 仙人掌：消炎、彈力
職員同小編講，為咗想整得靚，好多人首先一定會加珍珠泥，整出嚟好似朱古力醬咁，另外其餘兩款可以根據個人需要，去揀適合嘅成份，當然如果想要3款粉狀都係冇問題。
整完之後大家可以先影返幅相留念，如果係想送俾朋友做手信，可以直接叫職員幫手冚蓋帶走。
不過如果係自用，怕自己之後撈唔勻，可以請職員幫手。
為咗俾大家睇吓去清潔力幾強，職員都有向小編示範。
喺手上搽上睫毛膏，只係用少少嘅Cleansing soap，加少少水，就可以見到好起咗好多泡，只係需要十幾秒時間，就可以洗得好乾淨，而且用完仲會覺得好滑。
唔好睇佢細細盒，其實已經係2個月嘅份量，職員會建議大家喺3個月內要用完，不過如果用得慢，都可以keep到5至6個月，未開封嘅話更加可以保存兩年。
如果大家怕一開始買太多唔啱用，亦都可以揀呢款，價錢係₩9,900，容量相對地比較少，而且唔可以加啱啱介紹嘅5款材料。
另外呢度仲有一個area係賣其他產品，有興趣嘅朋友可以睇埋！
最後提提大家，只要係我哋會員就有9折優惠，仲可以同時享有舖頭入面進行緊嘅優惠，可以話相當之抵！之後經開仁寺洞，不妨都去睇吓，可以當做手信送俾朋友都唔錯！
仁寺洞「WelBas」前往方法
喺安國站6號出口出嚟一直直行。
之後見到旅遊諮詢服務處轉左一直直行。
行到去人人廣場之後入去。
入到去會見到畫人像畫嘅攤位，上右邊樓梯直行。
之後就會見到「WelBas」㗎啦！
點先可以享有仁寺洞「WelBas」9折優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係仁寺洞「WelBas」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com