《街頭女戰士》穿搭風格
《街頭女戰士》點解咁紅？佢哋除咗跳舞勁，穿搭方面都好有一手！
Hello，大家好，我哋係由韓國人每日提供最新韓國旅行資訊嘅Creatrip。
早前Mnet有一個舞蹈比賽叫做《街頭女戰士》，邀請咗8隊韓國女子舞蹈團體出演，舞者喺節目中可以藉由唔同類型舞蹈風格進行比賽，互相競爭韓國頂級街舞團王座。唔少網民都睇到好激烈，為佢哋而瘋狂！當中一班舞者喺節目入面著衫嘅風格都大受討論，唔知你會唔會想參考吓呢？
《街頭女戰士》係咩意思？
《街頭女戰士》（Street Woman Fighter）係一個以女性舞蹈團競賽生存節目，喺2021年8月24號至10月26號喺Mnet播出，節目名用咗英文首個字母去改，稱為「스우파（Swoopa）」，8隊韓國女子舞蹈團體要奪一個獎杯，總獎金為5,000萬韓幣，佢哋激烈嘅戰爭，觀眾都睇到超入神，為佢哋緊張！
由上年起已經唔少人喺度討論緊，加上係請咗Wanna One出身嘅姜丹尼爾擔任MC，更加成為熱門話題，唔單止喺韓國多人睇，其實都有好多海外嘅觀眾會揀支持邊一隊。
《街頭女戰士》舞者穿搭風格
雖然《街頭女戰士》已經結束咗一段時間，不過佢哋喺節目入面嘅穿搭，依然好多人仲會關心，而家就等小編為大家逐一介紹啦！
1. no:ze
노제 인스타그램
自從節目播完之後，no:ze IG followers 即刻突破310萬名，佢嘅美貌更加可以媲美女團，睇落超似公仔，加上出色嘅舞蹈俘獲了大眾嘅心。喺節目入面，佢多數都會穿運動衫、褲再加一頂冷帽去襯。
私底下嘅佢好鍾意着恤衫同埋連身裙，加上佢會著而家韓國流行緊嘅菱形圖案背心冷衫，入面襯白色T-Shirt或恤衫已經好好睇！
2. Honey J
유튜브 HONEY J
韓國HipHop傳奇Honey J，因為之前擔任Jay Park《MOMMAE》編舞而出名，佢個性隨和，令人易親近，人氣相當高，另外本身佢襯衫都有一手！
허니제이 인스타그램
佢好鍾意用豹紋或者迷彩等圖案去突顯自己風格，配埋漁夫帽或者太陽眼鏡，即刻好有HipHop風。
3. Leejung
리정 인스타그램
1998年出生嘅Leejung，年紀輕輕就擁有出色事業同舞蹈功底。佢作為Twice、Blackpink、Somi、宣美等知名Kpop歌手舞蹈教練，同時完美消化YGX隊長角色。
리정 인스타그램
同喺節目入面嘅造型唔同，平時日常生活中嘅佢鍾意帶有色太陽眼鏡襯短Tee等，舒服得嚟又好有復古情調，唔少MZ世代嘅朋友都鍾意。尤其係佢雙馬尾同紅色唇膏都係佢嘅代表，完全將佢獨有嘅魅力展現晒出嚟。
4. Monika
모니카 인스타그램
Monika以佢超凡領導力，贏得舞者同fans嘅心，喺佢仲在學嘅時期，有一次喺電視無意中見到JYP上咗《人才育成計畫99%的挑戰》（영재 육성 프로젝트 99%의 도전）節目，就愛上咗跳舞，由嗰時起，每晚都會努力練習跳舞。
모니카 인스타그램
Monika喺做舞者之前，佢曾經擔任時尚界工作，佢好識顯露佢身體嘅優點，例如會著露膊頭上身衫襯緊身牛仔褲，之後再著對長靴拉長腿嘅比例，或者係上身著韓服，下身襯闊身褲。
5. LIP J
립제이 인스타그램
另一位關鍵成員Lip J係Waacking中最有勢力嘅人，佢唔單止喺韓國，甚至係外國都有超過100次嘅舞蹈Battle經驗。
립제이 인스타그램
Lip J以性感黑髮同短髮展現佢少女魅力，比起鍾意着華麗或者鮮艷嘅顏色，佢相對鍾意著啲簡單露臍上身衫再配牛仔褲，咁樣已經好突顯到佢嘅線條。
6. Gabee
Gabee係LACHICA隊長，佢作為請夏好多熱門歌曲編舞而出名，另外佢仲有編aespa《Next Level》、Boa《Better》同宥斌《Perfume》舞而受到Kpop偶像喜愛。Gabee平時好鍾意着緊身衫，去show佢迷人身材，佢著衫嘅特點就係要夠「搶眼」。
가비 인스타그램
如果有follow佢IG，都會見到好多係性感Look，加上佢會挑戰大膽嘅髮型同妝容，太陽眼鏡同頸鏈更加唔少得，睇落超強勢之如，仲好有個人風格。
7. Ri.hey
Ri.hey係CocaNButter嘅Leader，佢之前同Honey J係同一個團體事實被傳開後成爲熱門話題，平時佢穿搭行開休閒路線。
為咗突顯佢小蠻腰，上面多數會襯一件短Tee，下面配一條寬鬆運動褲，再配返一個簡單嘅手袋，就算喺日常生活中著都好適合。
8. Hyojin Choi
효진 초이 인스타그램
WANT隊長Hyojin Choi同Lia Kim一齊用緊1Million Dance Studio，以明星編舞家身份而聞名，目前擔任Suzy、Itzy禮志等偶像舞蹈老師。
展現出領袖入面嘅Hyojin Choi習慣著連帽衫、大學Tee、牛仔外套等，再用貝雷帽、棒球帽等為增添可愛魅力。
9. Aiki
아이키 인스타그램
Hook隊長Aiki擁有美國舞蹈世界第4名驚人記錄。
Aiki作為韓綜《玩什麼好呢？》退貨遠征隊《Don't touch me》編舞老師，平時做咩拍唔少片上TikTok，截至2022年1月已經擁有150萬fans。
아이키 SNS、 텐아시아
Aiki鍾意著超大連帽Tee、T-Shirt、運動衫、慢跑褲同短褲，經常仲會配太陽鏡、頸鏈同耳機等配件，打造出90年代復古氣氛。
10. Peanut
피넛 인스타그램
Peanut鍾意著短身衫襯緊身褲，完全就係HipHop風，係目前最有女人味嘅一位。
私底下嘅佢好鍾意著裙，相當大方得體。
唔知當時大家有冇睇《街頭女戰士》呢個節目呢？除咗佢哋比賽激烈之外，穿搭方面都唔少人討論，當中有冇邊一個style同你差唔多呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk