韓國最新防疫政策（2024.04.22更新）
世衛宣佈解除COVID警報，韓國政府又會出咩新政策？
Hello，大家好，我哋係由韓國人每日提供最新韓國旅行資訊嘅Creatrip。
COVID-19唔經唔覺已經持續咗幾年，就算冇口罩令大家都已經習慣戴住口罩嘅生活... 早排韓國宣佈咗最新嘅防疫政策（希望係最後一次見到同COVID有關嘅嘢啦..），一齊睇吓有咩變動啦！
另外住喺韓國嘅朋友們亦都要注意，由下個月開始醫療政策有新改動，碌到最下面睇詳情啦！
韓國最新防疫政策(2024.04.22更新)
上年（2023年）世衛宣佈COVID-19終於唔再係國際衛生緊急事件，韓國政府當時亦都下調COVID咗嘅風險等級。時隔一年，韓國COVID疫情終於要畫上句號啦！
행정안전부
2023年5月11號，韓國總統尹錫悅發表正式聲明，表示由今日起將COVID-19風險等級由“嚴重”下調至“警告”，當時確診人士隔離時間由強制隔離7日縮短至自願隔離5日，除咗有病房嘅醫院之外其他地方嘅室內口罩令一律解除，新增確診人數等等嘅數據亦都變成每個禮拜公佈一次。
대한민국 정책브리핑
時隔一年，韓國政府喺前幾日（4月19號）宣佈，由5月1號起韓國COVID-19風險等級將會直接下調至最低等級！負責人表示，現行防疫政策同狀況穩定，亦都冇觀察到有任何危險嘅病毒突變，經過商討後決定直接一次過跳級下調。
KBS News
確診人士隔離時間亦都會由自願隔離5日縮短到症狀好轉後24小時，建議就算已經冇症狀都最少休息一日先再正常返工返學。另外之前本身去醫院仍然需要帶口罩，今次下調之後醫院口罩令都會直接解除，唔需要再強制戴口罩！
不過都係個句，如果大家仍然覺得擔心，或者自己有呼吸道不適症狀，建議大家都係戴一戴口罩，亦都最好減少出街，以防萬一！
居韓朋友們注意！
중앙일보
韓國政府為咗減少健康保險濫用情況，由5月20號開始去醫院、診所等醫療機構睇病一定要帶外國人登錄證先可以享有費用減免，住緊喺韓國嘅你要注意啦！（未滿19歲人士、急症病人除外）
如果有更多想知嘅內容，都可以隨時留言或者dm話俾我哋知：）
Instagram：creatrip.hk