Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇聽過位於京畿道北部楊州呢個地方呢？佢擁有600年歷史，喺首都興東北部不斷發展嘅樞紐城市。今日就等小編就大家去睇吓呢度，有咩咁特別啦！
楊州一日遊行程推介
1. Hesse's Garden（헤세의 정원）
- 地址：경기 양주시 장흥면 호국로 550번길 111
- 營業時間：Café Hyvää 10:30 - 21:30、Grill Hyvää 11:00 - 21:30、Naturedog 11:00 - 19:00、逢星期一休息
Hesse's Garden位於北漢山國立公園入口，一年四季都有唔同嘅景色，係一個綜合文化空間，另外呢度仲有多用途空間、設施同舖頭等。
呢度有種植40幾年嘅花草樹木，同呢度嘅建築好似融為一體咁，甚至佢哋仲會強調健康、治愈同設計三大要素。
佢哋以芬蘭果糖代替糖製成健康飲品同甜品、甚至仲可以食到自己種植蔬菜製成嘅食物，當中仲特別設有狗狗Cafe「Nature dog」，狗仔嚟到都會覺得好舒服。
2. Grill Hyvää（그릴 휘바）
- 地址：경기도 양주시 장흥면 호국로 550번길 107
- 營業時間：11:00 - 21:30（Last Order 20:30）
Grill Hyvää係喺Hesse's Garden入面，佢哋會喺花園種植蔬菜，之後再用嚟煮，係咪聽落都覺得好新鮮呢！而且佢哋重視少糖、、少鈉、少脂肪，大家嚟到都會食得好健康。
呢度空間好大，可以搞party、或者係週歲宴，而且最正嘅係可以一邊望住花園，一邊食住意粉！
呢一道菜係芬蘭家庭式薯仔料理，甚至會有多一個小沙律，佢哋嘅薯仔整成薄片，食落口感好特別，好好味！另外呢度仲有提供狗仔嘅菜單，大家都可以一齊食得好開心。
3. 張玉珍美術館（장욱진미술관）
- 地址：경기 양주시 장흥면 권율로 193
- 營業時間：10:00 - 18:00 (最後入場時間：17:00、逢星期一休息)
![楊州景點]()
張玉珍美術館係為咗紀念西方畫家張玉珍（1917-1990）成就同精神而開館，因而展示、研究同收集有助於韓國當代藝術發展藝術品同材料。
主要展覽設置喺1樓同2樓，喺呢度有舉辦張玉珍同新一代藝術家各種展覽，入口仲有一個藝術商店，嚟呢度買紀念品都好唔錯！
喺美術館出面仲會見到各種藝術品，因為地方大，可以邊散步邊欣賞。
4. Roastingvisor（로스팅바이저）
- 地址：경기 양주시 장흥면 권율로 193 양주시립장욱진미술관 1층
- 營業時間：10:00 - 18:00、逢星期一休息
呢度係張玉珍美術館1樓嘅Cafe，呢度一個超大落地玻璃，可以好清楚咁望到出面。
睇完展覽想搵一間安靜又舒服嘅Cafe，可以嚟呢度休息，喺入口嘅牆上，仲會有寫到而家展覽緊嘅講解。
佢哋自製嘅Tiramisu同用特製嘅豆整成美式咖啡，呢個組合相當之完美！另外如果大家係綠茶控，佢哋都有自製綠茶忌廉，好推薦大家之後都可以嚟試。
5. Gana Art Park（가나 아트 파크）
- 地址：경기 양주시 장흥면 권율로 117
- 營業時間：星期二至五 10:30 - 18:00、週末及公眾假期 10:00 - 18:00、逢星期一休息
Gana Art Park係1984年韓國第一間私立藝術博物館（前物係Total Museum of Art） ，喺度可以欣賞各種當代藝術作品。
呢度有波波池、砌積木等體驗活動，係一家大細嚟嘅好地方，小朋友嚟到都會好開心。
甚至仲有安迪·沃荷、畢加索等世界著名藝術家作品收藏，大家可以喺度慢慢欣賞。
6. MUSEUM CAFE（박물관 옆 카페）
- 地址：경기도 양주시 장흥면 권율로 83
- 營業時間：09:00 - 21:00
呢間Cafe係喺楊州青岩民俗博物館（청암 민속 박물관）旁隔離，佢哋有提供好多好味，而且又有機嘅手工茶。
呢間Cafe嘅代表性餐單係以傳統捷克方式製作嘅煙囪麵包！小編當日大約晏晝4點去到，好可惜佢已經賣晒。不過Cafe內部裝修有一種異國情調，俾人一種好溫暖嘅咁。
圖入面見到嘅係老闆佢哋自製嘅莓果檸檬茶同埋牛奶布甸，喺寒冷嘅冬天，食住佢哋真係人都暖啲。
7. 娜麗公園（나리공원）
- 地址：경기 양주시 광사동 814
- 營業時間：09:00 - 18:00 (2021年10月20號結束)
喺楊州嘅娜麗公園出名睇千日紅，好多人都會為咗睇佢而嚟。
除此之外，仲有玫瑰、美人蕉花、雞冠花、大波斯菊、粉紅波波草等50多種花卉，每年9月都會舉行千日紅慶典（천만송이 천일홍 축제）。
俾大家一個參考，如果冇預約就要俾₩2,000入場費，不過只要喺當日入場前三個鐘預約就可以免費。
8. BUTTERWOOD（버터우드）
- 地址：경기 양주시 부흥로 1373-41
- 營業時間： 10:30 - 19:00（冬季同夏季閂門時間都會唔一樣）
楊州Butterwood係韓國最大麵包店，佢擁有5,000坪面積。 韓國有一句說話係叫做「望住火去發呆（불 보면서 멍때리다）」， 簡稱「불멍」， 而呢度就有人稱佢做「숲멍」 ，即係喺森林度發呆。
呢度有好多款唔同口味嘅麵包同甜品，佢哋甚至仲用緊AOP認證嘅發酵牛油，整出嚟嘅麵包都係好好味同健康。
就連咖啡弄都係由咖啡師正接親自去嚴格揀出，佢哋嘅牛油咖啡、乳酪花生醬奶昔都係全打，而且只有呢度先有，好推薦大家之後都可以嚟試吓。
9. Loshua Coffee（로슈아커피）
- 地址：경기 양주시 광사로 145
- 營業時間：平日 12:00 - 20:00（Last Order 19:30）、週末12:00 21:00（Last Order 20:30）
最後一個景點想介紹俾大家嘅就係Loshua Coffee，喺平時繁忙嘅日子之中，我哋好少聽到自己嘅內心聲音，不過嚟到呢度大家就可以好放鬆。
2樓空間被稱為「Midbar」，係古希伯來語中指「曠野」咁解，同時係一個安靜而廣闊空間，俾人聽吓自己內心。
呢度所有嘅甜品都係由佢哋自己直接去整，馬卡龍、蛋糕、奶茶等，大家都可以嚟試吓。
唔知睇完大家楊州呢個地方有咩睇法呢？如果係鍾意藝術品，同時又想搵個地方輕鬆吓，小編覺得呢度都幾唔錯！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
