韓國財閥文化
到底韓劇成日演嘅「財閥」同現實一唔一樣?韓國出名財閥又有邊幾位?
Hello,大家好,我哋係由韓國人每日提供最新韓國旅行資訊嘅Creatrip。
平時睇韓劇見到好多都係同集團或者財閥有關,到底韓國真正嘅財閥同現實有一唔一樣?今日就等小編同大家揭曉真相啦!
財閥係指?
sbs 펜트하우스
喺韓國財閥係指擁有巨額資本高層由家人、親戚等組成公司。而財閥同有錢人係有分別,因為有錢人只係指擁有大量金錢或財產,但財閥係指由一個人或一個家庭領導一間公司。
kbs 꽃보다 남자
換句話說,一個大型企業集團所擁有嘅資本為基礎,可以對其他企業掌握權力。喺韓國,三星、現代、SK、LG、樂天為代表大財團,有啲人一聽個名就知係財閥,幾乎掌握韓國過半以上經濟命脈,甚至喺全國各地仲有一啲規模較細嘅公司。
要有幾多錢先可以叫做財閥?
平時睇韓劇見到好多都係同集團或者財閥有關,到底韓國真正嘅財閥同現實有一唔一樣?今日就等小編同大家揭曉真相啦!
jtbc 뷰티인사이드
不過最直接可以解釋嘅就係有血緣關係嘅人擔任一間公司高層,或經營企業集團時,同時擁有巨大資本財團或中大型公司,先會被歸類成為「財閥」,如果只係經營中小企業嘅CEO就唔算係。
韓劇同現實比較
1. 實際上多唔多女性係財閥呢?
呢幾年好多韓劇都會以女性為財閥做主題,不過喺現實中又多唔多呢?事實係慢慢不斷增加緊,就好似是新羅酒店總裁李富真、新世界集團董事長李明熙,以及好麗友副董事長李華京等大企業,好多女性擔任緊主要職位。
2. 財閥係唔係都著得好誇?
喺韓劇《秘密花園》中飾演金祖沅媽媽嘅朴俊錦,由頭到腳都著哂名牌,喺劇中佢著住一件價值1億韓幣嘅外套,吸引唔少人嘅關注。但其實每個財閥都會有一個自己偏愛嘅品牌,但有啲令人驚訝嘅係,大部份財閥都係好慳。
3. 喺屋企會有fashion show?
有時韓劇會見到屋企有行fanshion show到底現實有會唔會有?答案係有㗎!聽講仲會有分春夏同秋冬系列,由休閒服飾到戶外或party裝都有,大約有30-50件準備同展示。
4. 喺屋企都會著鞋?
KBS 황금빛 내인생
喺韓國其實入屋前一定要入除鞋。
喺屋企都會著鞋嘅新世界集團副會長鄭溶鎮
喺電視成日都會見到就算係屋企都有人着鞋,連現實中都有同樣嘅事發生。
5. 屋企有好多人幫佢做事?
sbs 펜트하우스
喺電視成日都會聽到「聯絡我律師啦」、「幫我叫律師」等,喺現實上的確好多財閥身邊都有好幾位律師幫手。
可能每一位財閥屋企都唔一樣,但喺韓劇成日會見到嘅管家、工人等,現實一樣有。
6. 係唔係真係有私人飛機?
要去海外坐私人飛機嘅BTS
BTS有時如果要去海外活動,都會搭到私人飛機,而喺現實,韓華、SK、三星、LG等大企業負責人都會擁有價值50至600億韓幣專用飛機,不過要好似電視入面,為咗自己心愛女人開私人飛機嘅案例並唔多。
7. 讀書要讀得有幾叻?
jtbc 스카이캐슬
喺韓劇好似《天空之城》、《The Penthouse》,成日會見到好多家長都對學業好執著,而實際上,目前韓國企業集團由第三代開始,好多時都要讀到研究所或者係去海外留學,如果身為財閥嘅仔女冇入名門大學,咁就會好難被認可繼承家業。
8. 會唔會有好多衰嘅財閥?
영화 베테랑
韓劇或電影好多時財閥形象都唔太好,一係就超衰、一係就衰完之後變好,又或者係唔衰但就好cool。
平時鍾意行路嘅CS集團會長許昌秀
雖然的確係有啲財閥係幾衰,不過唔好一竹篙揇沉一船人,其實有啲生活都好慳,成日都好鍾意做善事或者去捐款俾人。
真係有黑卡存在?
tvn 사랑의 불시착
黑卡喺現代社會,代表住有錢有權力有地位,不過有黑卡唔係一件簡單嘅事。
韓國最有代表性黑卡就係現代集團推出嘅「Hyundai Card The Black」。呢張卡年費就已經高達250萬韓幣,係韓國最貴嘅卡。呢張卡只會發行俾受邀嘅客戶,唔係人人都可以申請,包括副會長丁太暎同8名陪審團批准後先可以拎到。
之前SUGA生日JIN用黑卡埋單
有呢張卡嘅韓國藝人包括BTS Jin、BIGBANG G-Dragon、裴勇俊、李政宰、鄭宇盛同全智賢等人,只有頭0.05%客戶先有資格,而且只會俾每個月消費至少1,000萬韓幣客戶,更會不定時提供各名牌、百貨公司、高級酒店抵用券等福利。
另外有咗呢張卡搭飛機仲可以升級頭等艙,出國時也會提供禮賓服務,可以喺平日去有合作嘅高爾夫球場享有優惠。
韓國出名財閥有邊位?
1. 李在鎔
對韓國人嚟講,只要一講到「財閥」,令人第一位會諗到嘅絕對係三星電子副董事長兼三星集團負責人李在鎔。三星係韓國最大跨國公司,截至2021年總資本排名第一,影響韓國經濟、社會、政治同文化等所有領域。
2. 李元洙
作為三星集團負責人李在鎔女兒「李元洙」,先前因為用iPhone被曝光而成為熱門話題,不過而家有人話作已經係用緊Galaxy Z Fold 3。
另外,李元洙嘅名媛好友一樣都被曝光,喺上圖李元珠係第六位,第一位係鹽倉集團會長Tan Siok Tjien孫女、第二位係中國百度董事長李彥宏三女兒、第五位係美國共和黨聯參議員Tim Scott女兒、第七位係美國輝瑞製藥首席執行官Albert Bourla孫女,大家係都各有來頭。
3. 李富真
李富真係新羅酒店總裁,同樣係李在鎔嘅妹妹,加入三星集團15年後成為總裁,同時係三星集團第一位女性CEO。
李富真同年同前夫任佑宰結婚時引起過好多爭議,因為先生只係三星物產一般正式員工,出身同其他企業、財閥完全冇關嘅普通人,當時李富真父母就同韓劇成日出現嘅情節一樣,極力反對,點知李富真當時甚至絕食抗議,父親李健熙見到咁只好無可奈何同意。
4. 林世玲
林世玲除咗係大象集團副會長之外,同時亦係三星電子李在鎔前妻。
之後喺2015年同演員李政宰拍拖,喺2019年仲影到佢哋兩個加埋鄭雨盛一齊去香港玩。另外佢平時著衫品味都好多人提到,拎住過百萬Hermès手袋同過億嘅衫。
5. 鄭義宣
鄭義宣喺2020年繼承父親職位,成為現代汽車集團第二任董事長,同時仲係全北現代汽車、KIA拎有人,同時自2005年起擔任韓國射箭協會同亞洲射箭聯合會主席,好多人對佢評價都唔錯!
6. 盧賢貞
盧賢貞極本身只係韓國綜藝節目KBS《想象plus》主持人,喺去到2006年佢突然宣布結婚,會退出唔再做主播,先知原來佢老公係現代集團第三代鄭大善。
由於佢只係一位主播,當時突然成為財閥媳婦,令到好多人都估唔到,之後佢冇再出現喺螢光幕前,只係偶爾會出現喺現代集團重大事件。
7. 崔泰源
崔泰源係SK集團董事長同韓國商工會議所會長,同時兼任韓國手球協會會長,曾一度係韓國大企業掌門人中最年輕,聽講佢對員工超有禮貌,甚至喺今年年初連續三個月,俾受到疫情影響而減少收入嘅員工,提供40萬份午餐。
8. 具光謨
2018年成為LG集團掌門人具光謨,為咗打破專制形象,要大家稱呼佢做CEO而唔係董事長。具光謨性格謙虛,鍾意同同事交流,喺做事方面超有能力,好多人對佢評價都超好。
9. 李明熙
李明熙係新世界集團會長,1997年新世界集團拆分後擔任董事長,將新世界集團發展成為韓國大型流通企業。相對於其他百貨公司,李明熙更重視自家百貨公司營運。另外佢仲係人氣女演員高賢廷奶奶,有時會被稱為「可怕奶奶終結者(무서운 시어머니의 끝판왕)」。
10. 趙秀愛
趙秀愛以1800比1機率,喺2016年以主播身份入JTBC。2018年同斗山集團朴瑞元結婚,隨後退出所有節目同淡出幕前。不過最近佢喺SNS有Post自己3歲仔仔嘅相,成為熱話。
11. 咸妍智
咸妍智係不倒翁董事長咸泳俊大女,目前係一位音樂劇演員同YouTuber。截至2021年11月,佢YouTube訂閱數達到45萬人次以上,喺2020年父母親節,仲邀請父親做嘉賓而成為熱話。
另外佢仲好鍾意喺SNS分享自己日常添!
唔知大家睇完覺得韓國財閥同電視演嘅仲有冇咩唔同呢?歡迎留言話俾我哋知。
如果有更多想知嘅內容,都可以隨時留言或者dm話俾我哋知:)
Instagram:creatrip.hk