Hello，大家好，我哋係由韓國人每日提供最新韓國旅行資訊嘅Creatrip。

唔知大家知唔知自己韓文名係咩呢？如果唔知，今日想同大家玩一個小遊戲，係搵出同自己最夾嘅韓文名！只係需要幾分鐘，就可以改到而家韓國最流行同有意思嘅名，有興趣就繼續睇落去啦！

  根據生日改韓文名

問題

結果

A. 2021年最受歡迎嘅韓文名

 전자가족관계등록시스템 통계서비스

根據韓國法院電子家族關係登記系統統計數據，2021年出生登記兒童中有7.22%嘅小朋友叫「李俊」（이준），6.21%小朋友叫「書俊」（서준 ），呢兩個都係男仔名用多，而最後都係用「俊」字，喺韓國會呢個字會俾人一種暖男同係靚仔嘅感覺。而女仔方面，有6.12%係改做「智安」（지안）（男仔用都得，呢個名好中性），有5.96%會叫做「書雅」（서아），呢兩個名喺韓文發音聽落都好柔和同優雅。

B. 同自然有關嘅名

喺韓文名方面，好多字其實都係同大自然有關，就好似「宇宙」（우주）呢個名，一樣都係好中性，男或女都用得，俾人一種好瀟灑嘅感覺。

伽藍（가람）呢個名喺韓國係代表江、湖水嘅意思，俾人一種好純，而且好乾淨嘅感覺，多數都係女仔用多。

C. 同顏色有關嘅名

就好似韓劇《請回答1988》入面，飾演德善家姐嘅「寶拉」（보라 = 紫色）咁，好多女仔都會用，紫色俾人一種高貴有氣質，如果係BTS嘅fans應該都幾適合改呢個名。另外男/女都可以改用「河那」（하늘 = 天藍色），天藍色俾人一種好爽嘅感覺。

D. 想俾人種神秘感覺嘅名

只要聽一次就會好難令人忘記嘅名！就好似拍《魷魚遊戲》入面嘅「姜曉」（강새벽），呢個名好特別，一聽就知唔係普通名，多數都係女仔用多。MBLAQ成員「Mir」（미르）係純韓文名，有「龍」嘅意思，雖然發音簡單，但就俾人一種好神秘嘅感覺。

E. 閃閃發光嘅名

講到閃閃發光，大家第一個會諗到嘅係咩呢？當然就係「星星」（별）啦！韓國好多女藝人都有用到呢個名，就好似MAMAMOO成員「玟星」咁，甚至有人會改做「金星」（금성）同新星（샛별）。同時2021年最多人改嘅男仔名仲有「銀優」（은우），呢個名有上帝恩典嘅意思，仔女會閃閃發光同有希望。

F. 俾人一種好聰明嘅名

Red  Velvet成員瑟琪（슬기）就係俾人一種聰明嘅感覺，好有智慧。另外亦有唔少人會改做「智惠」（지혜），一樣都係俾人一種聰明伶俐嘅感覺。

G. 只要同個姓夾埋一齊就會變得好特別

SF9成員路雲呢個名就相當特別，一聽落就好有時尚感，甚至仲有一啲外國feel，不過路雲呢個名係純韓文，2021年新嬰兒好多都有用，特別如果係姓「李」就更加襯，因為이로운意思係「有利同有益」咁解，唔單止名好聽，同時仲有意思。

H. 只有強勢嘅人先可以改嘅名

喺韓文名之中，有啲係發音特別難，而且俾人一種好強勢嘅感覺，就好似藝人郭哲勇（곽철용 ）咁，就有一種好有男子氣概嘅名，不過好特別嘅係，唔少自己一個住嘅女仔都會用呢個名，因為喺網上訂嘢唔想透露自己身份，故意用一啲男仔名去保護自己。

唔知大家睇完之後又覺得適唔適合自己呢？如果真係想再改一個特別啲又有意思嘅名，不妨都可以體驗一下我哋嘅改名服務。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購