2026弘大髮型屋推薦 | 9間人氣髮型屋、染髮/電髮價錢及預約攻略

Hello，大家好，我哋係由韓國人每日提供最新韓國旅行資訊嘅Creatrip。

首爾其中一個最多年輕人聚集嘅地區「弘大」被譽為時尚聖地，唔止係行街食飯方便，有唔少出名同非常值得去嘅髮型屋都集中喺呢區。無論你想剪短、染髮定電髮，定係想搵男士專門店，都比較容易喺弘大搵到適合自己風格嘅選擇。

小編由定居韓國開始就一直都係住喺弘大，呢8年以嚟都去過唔少弘大髮型屋整頭髮。今次小編就根據個人經驗同最近弘大人氣髮型屋資訊，幫大家整理出值得參考嘅弘大髮型屋list同遊客需要注意嘅重點！

弘大髮型屋有咩特色？同江南、明洞有咩唔同？

如果想喺首爾整韓系髮型，小編都幾推薦喺弘大搵髮型屋。唔止係因為髮廊多，而且弘大地區風格普遍比較年輕、自然，亦都比較容易搵到擅長染髮、電髮、男士造型、韓系層次剪嘅髮型屋。

當然對旅客嚟講最大優點，就係整頭髮之前或之後都好容易安排食飯、行街、Cafe同購物行程，一日就可以體驗齊。

而江南通常比較偏向高級服務、項目分得更細，亦都比較多人會指定設計師，適合對指定技術或者精緻服務要求高嘅人；明洞就勝在交通方便、觀光動線集中，適合想喺旅遊行程中順便剪頭髮嘅人。

去弘大整頭髮大約要幾多錢？2026常見收費範圍

喺弘大整頭髮，價錢差距可以幾大。最主要會受影響嘅因素包括：你係剪髮定染髮、要唔要漂、頭髮長度、頭髮有冇受損、套餐包唔包剪髮、以及係咪指定某位設計師。以下可以當作2026年弘大區常見價格參考：

※上述價錢為2026年5月弘大主要髮型屋平均價錢

如果你本身係長髮或者頭髮比較厚、之前漂過，或者今次想做淺色、霧感色、雙重染色、挑染、balayage呢類變化比較大嘅項目，最後總價通常都會高過價錢牌上基本價錢。

2026弘大髮型屋推薦懶人包

為免大家去咗服務唔好又溝通唔到嘅salon，小編根據自己同身邊朋友嘅真實經驗、網友評價等，幫大家整理出以下9間必去弘大髮型屋（下面會有埋詳細介紹！）：

2026弘大推薦髮型屋詳細介紹

※以下營業資訊為2026年5月更新版本，實際詳情請參考各髮型屋預約頁面。

1. SOONSIKI HAIR(순시키헤어)

弘大總店

• 地址：서울 마포구 와우산로21길 29 4F
• 營業時間：星期三至日 10:00-19:00
• 前往方法：弘大入口站（홍대입구역）9號出口行8分鐘
• 語言服務：韓文、英文

弘大MOMENT店

• 地址：서울 마포구 양화로 164 8F
• 營業時間：星期三至日 10:00-19:00
• 前往方法：弘大入口站（홍대입구역）8號出口行1分鐘
• 語言服務：韓文

弘大韓屋店

• 地址：서울 마포구 홍익로5길 19 2F
• 營業時間：星期三至日 10:00-19:00
• 前往方法：弘大入口站（홍대입구역）9號出口行4分鐘
• 語言服務：韓文

Creatrip獨家優惠💈
·填寫評論最高可享62折優惠

1 / 0

呢間Salon應該可以話係弘大一帶最出名嘅髮型屋之一，好多韓國model同明星都有去過「SOONSIKI HAIR」整頭髮。呢度擅長快速反映潮流、技術及服務品質穩定，而且所有分店都有豐富接待外國客人經驗，所以無論去邊間都可以體驗到高質韓國髮型屋服務。

✏️小編小貼士：弘大3間分店之中只有弘大總店有可以直接用英文溝通嘅職員，其他分店就需要用到翻譯機，不過一樣可以溝通自如！

1 / 0

小編自己就曾經去過弘大總店拍攝，當時好早就去到，但已經有好多客人開始整緊頭髮！雖然人多，但職員們都會好貼心咁照顧到每一位客人，亦都會提供飲品同小食。

而小編最滿意嘅一點係髮型師會根據你嘅五官、臉型同風格話你知你啱整咩髮型、要避免整咩髮型，整完頭髮之後仲會好細心教你平時要點吹同打理，對於平時唔識點打理頭髮，但又想一直keep住個髮型靚嘅人（aka小編本人）嚟講非常有用。

詳細體驗過程可以參考呢條片：

View this post on Instagram

SOONSIKI HAIR顧客真實評價💭

更多參考圖片&真實評論👇🏻

2. THE DAY'S HAIR(더데이즈헤어)

總店

• 地址：서울 마포구 홍익로5안길 20 2F
• 營業時間：10:00-22:00
• 前往方法：弘大入口站（홍대입구역）9號出口行5分鐘
• 語言服務：韓文、英文

GROVE店

• 地址：서울 마포구 동교로36길 15 1-2F
• 營業時間：星期二至日 10:00-21:00
• 前往方法：弘大入口站（홍대입구역）3號出口行6分鐘
• 語言服務：韓文、中文(普通話)、英文

Creatrip獨家優惠💈
·到訪總店後填寫評論，最高可享8折優惠
·到訪GROVE店後填寫評論，即可享獨家9折優惠及獲得贈品

1 / 0

弘大「THE DAY'S HAIR」唔單止受韓國人、香港人歡迎，連西方國家嘅遊客都會專程嚟整頭髮！兩間分店招牌療程都係特殊染髮，透過詳細諮詢幫客人根據個人色彩同風格推薦髮色，再用高級產品染出最佳效果（GROVE店老闆自己更加有超過15年美髮經驗！）。

1 / 0

而「THE DAY'S HAIR」總店另一專長就係男士髮型設計。因為髮型師自己都係男仔，非常瞭解最新流行男仔髮型同要注意嘅地方，由乾淨利落日常造型，到時尚設計款式都有多種選擇。

1 / 0

小編之前有男仔朋友嚟韓國玩話想去整頭髮。佢本身就唔太識打理頭髮，而且唔知道自己啱咩髮型，所以就帶咗佢去「THE DAY'S HAIR」總店。

小編朋友就話覺得髮型師非常仔細，而且因為髮型師同職員都識講英文，所以由諮詢到修剪、電髮，成個過程溝通好方便，用嘅藥劑都係出名品牌，最後出嚟效果滿足度高！

✏️小編小貼士：如果係情侶想一齊整頭髮，推薦大家去總店；如果想用中文或者英文進行諮詢，就推薦大家去GROVE店。而兩間分店都有提供頭皮SPA同頭皮護理療程，小編自己都做過超舒服！

THE DAY'S HAIR顧客真實評價💭

更多參考圖片&真實評論👇🏻

3. #CCONTE(샵꽁뜨)

弘大西橋店

• 地址：서울 마포구 홍익로5길 25
• 營業時間：11:00-20:00
• 前往方法：弘大入口站（홍대입구역）9號出口行5分鐘
• 語言服務：韓文、英文

延南店

• 地址：서울 마포구 동교로 255-1 2-3F
• 營業時間：星期一、三至日 11:00-20:00
• 前往方法：弘大入口站（홍대입구역）3號出口行7分鐘
• 語言服務：韓文、基本英文

Creatrip獨家優惠💈
·填寫評論即可享額外9折優惠

1 / 0

弘大髮型屋當中最多香港人預約嘅一定唔少得「#CCONTE」！佢係一間以染髮同漂髮出名嘅髮型屋，因為只會選用高級美髮產品，亦都主打無漂髮染髮療程，好多韓國女仔如果想換髮色，但又唔想成日漂咁傷頭髮嘅話都會去「#CCONTE」，早前連香港著名KOL都有去呢間髮型屋體驗同分享過！

1 / 0

小編之前陪過韓國同事去「#CCONTE」延南店體驗，一次過做齊剪髮、電髮、染髮同頭髮護理療程。髮廊環境開揚，而且髮型師同其他職員都好貼心，最特別嘅係會提供零食同滋潤手膜，可以喺整頭髮同時醫肚同做手部護理。

另外一個小編覺得幾好嘅位係呢度會提供英文價錢牌，做之前都可以先用英文確認到實際價錢，咁就唔會出現收多錢嘅問題啦！大家可以參考下面呢條片，睇實際體驗過程：

View this post on Instagram

✏️小編小貼士：因為延南店職員識講英文，所以如果大家唔識講韓文，但又想溝通更方便，比起西橋店會推薦大家去延南店。不過其實只要準備好2-3張參考圖片，加埋翻譯器幫手，髮型師就會按照你嘅需求去整！

#CCONTE顧客真實評價💭

更多參考圖片&真實評論👇🏻

4. JUNO HAIR弘大一號店(준오헤어 홍대1호점)

• 地址：서울 마포구 홍익로 17 3F
• 營業時間：
• • 星期一至五 10:00-20:00
  • 星期六及日 10:00-19:00
• 前往方法：弘大入口站（홍대입구역）9號出口行6分鐘
• 語言服務：韓文、基本中文(普通話)&英文

Creatrip獨家優惠💈
·透過Creatrip預約即可享9折優惠

1 / 0

相信唔使小編多講，大家都應該有聽過「JUNO HAIR」呢個名。「JUNO HAIR」係韓國最大型嘅美髮連鎖品牌，首爾到釜山都有分店。「JUNO HAIR」價錢雖然未必平過啲小眾salon，但全部都係總公司統一營運、訓練同埋提供美髮產品，質素最穩陣，每個人都可以喺度搵到最啱自己嘅新髮型！

1 / 0

除咗基本剪髮、染髮、電髮之外，想順便做埋頭髮同頭皮護理嘅話好多人都會揀喺「JUNO HAIR」弘大1號店做。如果你都想用CP值高價錢一次過整頭髮+做頭皮SPA，推薦大家可以考慮呢間弘大髮型屋！

✏️小編小貼士：JUNO HAIR喺弘大就已經有5間分店，大家記住預約同當日去嘅時候唔好去錯分店，如果唔係有可能整唔到頭髮！

JUNO HAIR 弘大1號店顧客真實評價💭

更多參考圖片&真實評論👇🏻

5. RAVI HAIR弘大總店(라비헤어 홍대본점)

• 地址：서울 마포구 양화로 100 2F
• 營業時間：
• • 星期一至五 11:00-20:00
  • 星期六 10:00-19:30
  • 星期日 15:00-20:00
• 前往方法：合井站（합정역）3號出口行5分鐘
• 語言服務：韓文、中文(普通話)、英文

Creatrip獨家優惠💈
·透過Creatrip預約即可享獨家優惠

「RAVI HAIR」位於合井站、弘大站之間，呢度嘅髮型師全部都有10年以上經驗，透過同客人深入討論，幫客人整出最滿意嘅髮型，用中文或者英文都可以溝通到！

1 / 0

風格方面，「RAVI HAIR」會偏自然、容易打理、適合日常生活嘅類型。如果你想整自然感波浪捲、基本染髮、或者想剪個韓妹空氣瀏海、修返個順眼嘅韓系髮型，推薦大家可以考慮嚟呢度！另外男仔髮型都整得好靚，情侶一齊嚟整頭髮都得。

✏️小編小貼士：髮型屋入面有隻拉布拉多，如果本身怕狗可以同職員講，到時候會幫你同狗仔隔開！

RAVI HAIR顧客真實評價💭

更多參考圖片&真實評論👇🏻

6. AM:TON(에이엠톤)

弘大總店

• 地址：서울 마포구 잔다리로3안길 40
• 營業時間：11:00-20:00
• 前往方法：合井站（합정역）3號出口行5分鐘
• 語言服務：韓文、英文

弘大店

• 地址：서울 마포구 동교로 148-12
• 營業時間：星期一、三至日 11:00-20:00
• 前往方法：合井站（합정역）2號出口行9分鐘
• 語言服務：韓文、英文

Creatrip獨家優惠💈
·體驗後於Creatrip及Google填寫文字評論即可享獨家優惠
·體驗後於Creatrip及Google填寫含圖片評論即可獲週邊商品一份

以前一開始興起去韓國整頭髮嘅時候，對香港人嚟講最出名嘅髮型屋一定唔少得弘大「AM:TON」！呢間髮廊由知名髮型師Cookie親自創立，緊貼潮流，非常受年輕人歡迎。環境氣氛好之餘髮型師全部都係喺韓國美髮行業活躍多年嘅專家，大家可以放心交俾佢哋！

1 / 0

小編好耐之前就有去過「AM:TON」朝聖，覺得呢度除咗可以整到最近流行嘅髮型、成果質素有保證之餘，最大優點係會提供中/英文諮詢問卷，等你可以詳細話俾髮型師知道你嘅需求。而且整完頭髮之後亦都會話你知要點打理把頭髮，返到去都可以維持最靚一面。

✏️小編小貼士：如果你鍾意韓系自然感、唔想太厚重、想做一個睇落有整理過但又唔會太刻意嘅造型，推薦大家考慮預約AM:TON！

AM:TON顧客真實評價💭

更多參考圖片&真實評論👇🏻

7. KYUNGZA(경자)

弘大總店

• 地址：서울 마포구 월드컵북로6길 53 B1F
• 營業時間：星期三至日 11:00-19:30
• 前往方法：弘大入口站（홍대입구역）2號出口行4分鐘
• 語言服務：韓文、中文(普通話)、基本英文

弘大FAB店

• 地址：서울 마포구 월드컵북로6길 78
• 營業時間：星期三至日 11:00-19:30
• 前往方法：弘大入口站（홍대입구역）2號出口行6分鐘
• 語言服務：韓文、基本中/英/日文

Creatrip獨家優惠💈
·透過Creatrip可以預約獨家優惠套餐
·31/5前預約並於體驗後填寫評論，即可享加碼優惠

1 / 0

位於弘大入口站附近嘅「KYUNGZA」係一間出名染頭髮嘅salon，由擅長色彩設計嘅髮型師主導整個方向，就算唔漂頭髮都可以做到顯色、同時兼顧髮質嘅染髮效果。

1 / 0

上次隔離組小編見最近做緊優惠，就去咗「KYUNGZA」弘大總店染頭髮。小編話覺得最滿意嘅係成個療程會由髮型師親自確認整體方向同最終效果，雖然會同助理一齊合作進行，但染髮完成度會由髮型師全權負責同管理。

而且唔止染髮，髮型師剪髮技術同樣緊貼最新韓國潮流，所以非常推薦想同時染同剪頭髮嘅朋友們去！小編亦都有見到現場有放行李嘅地方，而且附近就係機場鐵路會經過嘅弘大入口站，行程第一日或者最後一日去都方便！

✏️小編小貼士：兩間分店同樣都提供高質美髮服務，不過如果想用中文溝通，小編會推薦大家去KYUNGZA總店！但因為兩間分店好近，記住去當日要睇清楚地址。

KYUNGZA顧客真實評價💭

更多參考圖片&真實評論👇🏻

8. BUDDY Men's Hair(버디맨즈헤어)

• 地址：서울 마포구 양화로7길 28 3F
• 營業時間：星期一、三至日 10:00-20:00
• 前往方法：合井站（합정역）2號出口行2分鐘
• 語言服務：韓文、英文、日文

如果男仔想喺弘大搵男士專業髮型屋，推薦嚟「BUDDY Men's Hair」！合井站行過去只需2分鐘，由實力有保證嘅髮型師幫你設計最新潮髮型，而且鋪頭環境舒服。

1 / 0

因為「BUDDY Men's Hair」係男士專用髮型屋，設計師平時接觸嘅案例同客群都更加集中，所以男士剪髮、層次整理、頭皮護理等項目都會比較貼合男士需求。

✏️小編小貼士：講起韓國男仔髮型，好多韓仔都會定期去做Down Perm，令頭髮更貼服整齊，平時都更易打理。如果想去整返個韓國男仔頭，不妨可以挑戰下！

BUDDY Men's Hair顧客真實評價💭

更多參考圖片&真實評論👇🏻

9. THE SEOL:HA(더설하)

• 地址：서울특별시 마포구 서교동 448-31
• 營業時間：10:00-21:00
• 前往方法：弘大入口站（홍대입구역）1號出口行8分鐘
• 語言服務：韓文、中文、英文、日文

如果你今次唔係單純想剪髮或者染髮，而係想喺弘大安排一個比較有儀式感、療癒感、甚至帶少少韓國特色氛圍嘅頭皮SPA體驗，「THE SEOL:HA」會係一個唔錯嘅選擇。

呢間頭皮&身體水療專門店係全韓國唯一一間將傳統韓屋整棟打造成SPA空間嘅高級療癒中心，以純素、有機為主題，只用天然海藻、香草等植物性材料，提供安全溫和嘅護理療程，好多日本同歐美KOL都有去過！

頭皮SPA方面有提供4款可以去除頭皮老廢角質同油脂，同時結合芳香療法同上半身按摩，令頭皮同全身都可以得到舒緩。

✏️小編小貼士：THE SEOL:HA仲有提供身體按摩同SPA體驗，大家可以一次過由頭到腳做齊！

THE SEOL:HA顧客真實評價💭

更多參考圖片&真實評論👇🏻

如果以上9間都唔啱你，仲有以下幾間髮型屋可以參考👇🏻

第一次去弘大髮型屋有咩要注意？

➀ 注意染髮、漂髮、長髮容易有附加費

韓國髮型屋通常會根據頭髮長度、髮質、之前有冇漂染過、髮型師等級等因素加收費用，所以如果你本身頭髮比較長，或者髮質唔太好需要加購護髮療程，要有心理準備最終費用會同一開始價錢表上基本金額唔太一樣！

➁ 想轉特別髮色或者漂髮記住要預留充足時間

剪髮通常一個鐘左右可以完成，但如果你要漂髮、補漂、再染、再做護理，3-4個鐘好走唔甩，最好後續行程唔好排到太趕！

➂ 去人氣弘大髮型屋之前要事先預約定

弘大好多髮型屋都好受歡迎，特別係平日夜晚或者weekend時段如果唔預約好大可能會整唔到頭髮；規模比較細嘅髮型屋亦都通常唔接受walk-in，所以比起當日直接去，建議要事先預約定。
不過如果唔識韓文，用Naver Map或者Instagram預約可能會比較麻煩，推薦大家可以透過Creatrip預約，可以直接用繁體中文同港幣book，而且有專人幫你跟進訂單，更加方便！

撳我預約精選弘大髮廊

➃ 建議準備2~3張參考圖片

去到髮型屋最怕溝通不良搞到最後剪咗個唔滿意嘅髮型，所以建議大家可以準備定幾張參考圖片，俾髮型師知道你想要嘅整體感覺、髮型細節同款式等，比起用語言更加能夠清楚表達到你嘅需求！

➄ 頭皮敏感、曾經漂染過頭髮或者髮質受損一定要同髮型師講

上述呢三個因素都會影響到用咩美髮產品、染咩顔色、需唔需要額外做護髮療程等等，如果冇事先講定，可能會令最終效果未如理想，甚至令頭髮更毛躁受損！

➅ 最後set頭嘅時候問埋髮型師平時應該點打理

尤其係韓系層次、C Curl、瀏海方向、男士髮流等都會影響到頭髮最終完成度，喺salon當下整得靚唔代表自己返去都吹得返，所以建議可以順便問埋！

弘大髮型屋常見問題FAQ

| Q1. 弘大髮型屋剪髮、染髮同電髮大概要預幾多錢？

A：一般嚟講，弘大剪髮大概由₩20,000（20000）起，染髮多數由₩80,000（80000）起，電髮就通常由₩120,000（120000）起跳。不過實際價錢會因應頭髮長度、髮量、之前有冇做過漂染、髮型師級別，同埋套餐有冇包剪髮或護理而有所不同。如果你本身係長髮、厚髮，或者想做淺色、漂髮、highlight呢類變化較大嘅項目，總價通常會再貴啲。

| Q2. 弘大髮型屋可唔可以用中文或者英文溝通？

A：整體嚟講弘大算係首爾幾適合外國遊客預約髮型屋嘅地區之一，因為選擇多，而且唔少店都有接待外國客人嘅經驗。
今日介紹嗰9間弘大髮廊都最少會提供簡單英文服務，甚至會有好似THE DAY'S HAIR GROVE店、KYUNGZA弘大總店、Ravi Hair、THE SEOL:HA等提供中文(普通話)服務嘅鋪頭！不過無論去邊間都好，建議大家要帶定參考圖片，等髮型師可以直接參考！

| Q3. 韓國剪髮、染髮、電髮、頭皮SPA通常要幾耐？

A：如果唔計諮詢時間，喺韓國剪髮通常需時30-40分鐘，染髮就需要1-2小時；電髮大約係2-3小時，而頭皮SPA就大約1-1.5小時左右。不過如果你頭髮比較長，或者中途會加護髮療程，就要預更多時間，建議大家後續行程唔要安排得太緊湊。

| Q4. 弘大有冇適合男士嘅髮型屋？

A：有！如果你本身係男士，或者想帶另一半去弘大整頭髮，都可以搵到比較熟悉男士髮型需求，甚至係男士專用髮型屋。今日介紹嘅弘大salon當中會比較推薦去BUDDY Men's Hair或者THE DAY'S HAIR弘大總店！

| Q5. 弘大髮型屋可唔可以Walk-in？

A：部分弘大髮型屋可以Walk-in，但會唔會即時安排到，要視乎當日人流同設計師檔期。剪髮相對容易即場安排；如果係染髮、電髮、漂髮或頭皮SPA，通常都建議提前預約會更穩陣👉🏻即刻預約人氣弘大髮型屋

| Q6. 第一次喺韓國整頭髮，剪髮、染髮定電髮會比較穩陣？

A：如果係第一次，通常剪髮會最穩陣。因為剪髮相對容易溝通，亦較容易即場微調；染髮同電髮就牽涉更多變數，例如底色、髮質、頭髮受損程度，同埋你平時有冇時間整理。如果你係第一次去韓國髮型屋，又唔想改動太大，可以先由剪髮或者簡單染髮開始，再慢慢試其他項目。

| Q7. 弘大染髮要去邊間髮型屋？

A：如果想喺弘大染髮，通常可以優先考慮擅長色彩設計同染髮嘅髮型屋。今次介紹嘅salon入面，小編會特別推薦#CCONTE、KYUNGZA同THE DAY'S HAIR GROVE店！建議揀嘅時候最好先睇返髮廊作品參考圖片，再根據需求去預約。

你可能會有興趣

本文由留韓8年以上、曾多次實際體驗弘大髮型屋嘅Creatrip小編整理，結合在地觀察、實際體驗同外國旅客最常遇到嘅預約、交通、語言溝通等需求，希望幫大家更輕鬆安排行程。

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！