弘大美容總整理
嚟到韓國呢個美容大國，到底可以去邊度做treatment？2023弘大美容療程最新攻略！
Hello，大家好，我哋係由韓國人每日提供最新韓國旅行資訊嘅Creatrip。
相信講起韓國，大家都一定會諗起呢度嘅Fashion同美容，亦都有好多朋友嚟韓國玩嘅時候會想整返個韓仔/妹頭，甚至會想去做各種各樣嘅美容療程。今日小編就為大家整理咗2022最新版嘅弘大美容行程攻略，下次嚟韓國不妨可以參考吓~！
弘大美容總整理 | 髮型屋
1. SOONSIKI HAIR
弘大Bombhead總店
- 地址：서울 마포구 와우산로 21길 29 5F
- 營業時間：10:00 - 19:00（逢星期一、二休息）
- 價錢：₩33,000起
- 小Tips：弘大入口站（홍대입구역）9號出口行8分鐘
弘大分店
- 地址：서울 마포구 양화로 164 8F
- 營業時間：10:00 - 20:00（逢星期一、二休息）
- 價錢：₩33,000起
- 小Tips：弘大入口站（홍대입구역）8號出口行3分鐘
「SOONSIKI HAIR」係好多韓國Model同藝人都會去幫襯嘅髮型屋之一，喺弘大有兩間分店，總有一間喺你附近。
入面嘅裝修新潮到完全睇唔出係髮型屋，勁靚！
呢度嘅設計師可以快速掌握客人需求，根據客人需求設計出符合客人形象嘅造型。想整返個韓國時下最流行髮型，嚟呢到絕對唔會有錯！透過我哋預約仲會有優惠，千祈唔好錯過啦！
2. AM:TON
「AM:TON」係一間非常受年輕人歡迎嘅髮型屋，院長Cookie（쿠키）IG有成超過12萬人Follow，好多外國人都會慕名而來。
無論係建築外觀定入面嘅裝修都非常有個性，唔講仲以為係一間新開嘅Cafe！入面以木調為主嘅設計亦都令成個環境有一種溫暖嘅感覺。
駐場嘅髮型師每個都經驗豐富，包你可以整到滿意嘅髮型，透過Creatrip預約亦都會有優惠，有興趣就記住要mark低啦！
3. JUNO HAIR
弘大入口站分店
- 地址：서울 마포구 양화로 175
- 營業時間：10:00 -21:00
- 價錢：₩30,000起
- 小Tips：弘大入口站（홍대입구역）3號出口行5分鐘
弘大1號店
- 地址：서울 마포구 홍익로 17
- 營業時間：10:00 - 21:00
- 價錢：₩35,000起
- 小Tips：弘大入口站（홍대입구역）9號出口行5分鐘
弘大2號店
- 地址：서울 마포구 와우산로 79 2층
- 營業時間：10:00 - 21:00
- 價錢：₩27,000起
- 小Tips：弘大入口站（홍대입구역）9號出口行10分鐘
相信大家嚟到韓國，見到最多嘅髮型屋連鎖店應該就係呢間「JUNO HAIR」啦！呢間髮型屋喺弘大有三間分店，分別係弘大入口分店、弘大1號店同弘大2號店。
髮型屋裝修簡潔，而且作為韓國最出名嘅連鎖髮型屋，所有髮型師都有多年經驗，品質有保證！
弘大美容總整理 | Gel甲
1. 與今天不一樣的Nail
- 地址：서울 마포구 동교동 165-8 LG펠리스빌딩 B1
- 營業時間：星期一至六 11:30 - 21:00（星期日休息）
- 小Tips：弘大入口站（홍대입구역）9號出口行1分鐘
「與今天不一樣的Nail」無論係職員嘅服務態度定最終成果都令人超滿意，而且地理位置方便！
呢度有超多款指甲油，亦都比想像中多款式，無論係簡單嘅單色款、有閃石嘅華麗款，定有公仔嘅可愛款，全部都好好睇，亦都有本月精選款式，啱曬有選擇困難症嘅朋友們！
2. Hey Objet
- 地址：서울 마포구 동교로41길 3 2F
- 營業時間：12:00 - 21:00
- 小Tips：弘大入口站（홍대입구역）3號出口行7分鐘
「Hey Objet」將Gel甲視為藝術，秉承住喺每位客人嘅指甲上留低一份作品嘅理念，畫出最啱客人心水嘅美甲！
呢度每款Gel甲都分別有自己嘅名同背後嘅故事，超特別！大家去之前仲可以先喺官網睇定想整咩款~
弘大美容總整理 | 紋眉
1. 麗延長
- 地址：서울 마포구 양화로 18길 3
- 營業時間：
星期一至星期五 | 10:00 - 20:00（Break Time 13:00- 14:00） |
星期六 | 10:00 - 18:00 |
星期日 | 11:00 - 17:00 |
- 價錢：₩80,000起
- 小Tips：弘大入口站（홍대입구역）8號出口行2分鐘
無論係男仔定女仔都貪靚，但係有時候懶得化妝又想靚住見人，咁點算好呢？唔止明星，好多韓國人都會去做半永久飄眉，咁就唔洗日日化眉毛啦！
「麗延長」半永久紋眉服務價錢合理，而且效果都非常自然，非常推薦俾心思思想飄眉嘅朋友！呢度仲有提供微整形手術服務，有興趣嘅朋友們可以撳下面條link睇詳細介紹~
弘大美容總整理 | 美睫
1. H/H Beauty
- 地址：서울 마포구 양화로23길 22-10 301호
- 營業時間：星期二至五 11:00 - 21:00、星期六 11:00 - 17:00 （逢星期一、日休息）
- 小Tips：弘大入口站（홍대입구역）3號出口行3分鐘
大家都知道韓妹日日都會化妝，但係夾眼睫毛搽Mascara有時候都真係幾曬時間，所以好多韓妹都會定期去電/植眼睫毛。而位於弘大嘅「H/H Beauty」就係專門做韓式美睫療程嘅鋪頭，包你可以整到想要嘅效果。
「H/H Beauty」位於3樓，雖然店鋪唔算好大，但全白嘅裝修俾人一種好乾淨開揚嘅感覺。呢度每張床都有特別準備毛毯俾客人，非常細心。
完成療程之後，療程師仲會送一個睫毛刷俾大家，每日朝早夜晚用呢支刷梳理睫毛，就可以令效果更加持久。透過我哋Creatrip預約，可以得到₩5,000優惠，千祈唔好錯過啦！
弘大美容總整理 | 脫毛
1. IVY Waxing
- 地址：서울 마포구 양화로 18안길 20
- 營業時間：星期一至五 11:00 - 21:00、星期六 11:00 - 19:00（逢星期日休息）
- 價錢：由₩10,000起
- 小Tips：弘大入口站（홍대입구역）8號出口行5分鐘
夏天最怕俾人見到毛毛腳，小編誠意推薦位於弘大嘅「IVY Waxing」俾有需要嘅朋友！
因為呢度由兼任療程師嘅院長一手打理，所以每個時段只會接一位客人，而且呢度專門服務女性，吸引好多女仔經常嚟幫襯。
做完療程之後，呢度仲會幫客人免費敷鎮靜軟膜，超貼心！推薦覺得剃毛好麻煩嘅朋友們嚟呢度做蜜蠟脫毛，提前為夏天做好準備！
2. Waxing & Line
- 地址：서울 마포구 어울마당로 94-7 대유빌딩 5F
- 營業時間：星期一至五 10:00 - 21:00、星期六及公眾假期 10:00 - 19:00（逢星期日休息）
- 價錢：由₩15,000起
- 小Tips：弘大入口站（홍대입구역）9號出口行6分鐘
弘大「Waxing & Line」提供臉部脫毛、修整眉型/髮際線、甚至連巴西蜜蠟脫毛療程都有！
呢度嘅院長有超過10年經驗，會按照每位客人嘅臉型幫你設計適合嘅眉型同髮際線，包保大家滿意。
弘大美容總整理 | 美妝體驗
1. MOI hair&makeup（모이헤어메이크업）
- 地址：서울 마포구 양화로 183 효성홍익인간 B1F b06호
- 營業時間：05:00 - 18:00
- 價錢：化妝班 ₩210,000起、日常妝髮服務 ₩135,000
- 小Tips：弘大入口站（홍대입구역）3號出口行30秒
「MOI hair&makeup」嘅化妝師同髮型師全部都有幫過韓國明星化妝同造型，位位都經驗豐富，而呢度更加有提供化妝班俾對化妝有興趣、想學好化妝嘅朋友參加！
化妝師教得好仔細，亦都會講好多化妝小Tips！大家更加有機會親自落手落腳試吓化，化妝師會喺隔離幫你同教你，真係可以學到好多嘢！
以上就係小編為大家整理嘅弘大推薦美容行程，有興趣嘅朋友們記住mark低啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk