Hello，大家好，我哋係由韓國人每日提供最新韓國旅行資訊嘅Creatrip。
韓國咁多好嘢食，不過係唔係每一款都啱自己呢？今日想同大家簡單做個小測試，只要用幾分鐘時間，就可以測到同自己最夾嘅美食！
規則：回答以下問題：0＝完全唔同意、1＝同意、2 = 非常同意
| 題目 | 0 | 1 | 2 |
| 1. 鍾意食麵嘅料理。 | |||
| 2. 鍾意用肉做嘅料理。 | |||
| 3. 鍾意食有蒜香味嘅嘢。 | |||
| 4. 唔會特別挑食，就算係第一次見嘅食物都敢挑戰。 | |||
| 5. 鍾意食熱嘅料理。 | |||
| 6. 鍾意食辣嘢。 | |||
| 7. 鍾意多人一齊食，可以食多啲嘢。 | |||
| 8. 鍾意食將唔同食物撈埋一齊食。 | |||
| 9. 鍾意飲燒酒或者飲燒啤。 | |||
| 10. 鍾意用米做嘅料理。 |
分數結果
0 - 3分： 年糕（가래떡）
如果未試過韓國料理，可以先由最簡單嘅年糕開始，佢係用米飯蒸成，係韓國人最鍾意食嘅小食之一，好多時會將佢哋烤，或者點蜂蜜一齊食。除咗用米整之外，冇加其他成分，食嘅時候完全唔會覺得有負擔，好香同時又有口感。
4 - 8分： 韓式炒粉絲（잡채）
韓式炒粉絲係將煮好嘅粉絲、蔬菜、雞蛋、肉同鼓油加麻油，一齊撈埋嚟食嘅一道菜，係過節嘅時候不可缺少，另外呢款料理可以好隨性，大家可以根據個人喜好，加啲減啲亦都得，鍾意食辣嘅朋友，可以加少少辣椒粉一齊炒又得，咁樣會更加惹味！
9 - 12分：辣炒年糕（떡볶이）
你已經一定程度上了解韓國料理嘅特點！如果係咁，被稱為韓國人靈魂食物嘅辣式炒年糕一定好啱你！辣炒年糕係將年糕、各種蔬菜、大蒜、魚糕、雞蛋同甜辣醬一齊炒，熱辣辣食嘅時候係最正！因為韓國人真係好鍾意食年糕，佢哋仲有創造其他新口味，例如：奶油炒年糕、醬油炒年糕、玫瑰炒年糕、炸醬炒年糕等，呢啲都唔辣，大人細路都啱食！
13分 - 16分：炒辣雞（닭갈비）
相信你已經食過幾次韓國嘢，亦都熟悉韓國料理嘅特色，想推薦大家一定要試吓韓國人鍾意嘅韓國人地道美食炒辣雞！炒辣雞係用將雞肉、洋蔥、椰菜、芝蘇葉、大蒜、辣醬同麵一齊炒，因為份量多，最適合一大班人一齊食，韓國人好多時食炒辣雞都鍾意配酒一齊飲！同朋友邊食邊吹水～
17 - 20分：燒五花肉套餐（삼겹살 정식）
咁多款韓國美食，燒五花肉套餐可以話同你係最夾！只係單單燒五花肉就真係太普通，喺韓國食要連埋生蒜、燒肉醬、洋蔥再用生菜包嚟食，另外韓國人鍾意叫埋大醬湯、泡菜湯或韓式拌冷麵一齊食先係最完美！平時燒肉店嘅氣氛好好，又點可以少咗酒呢？同朋友一齊拎起酒杯一齊傾偈不知幾爽！
唔單止以上嘅韓國料理，韓國其實仲有好多好嘢食等住大家去試！上面只係一個小測試，唔知大家又覺得準唔準呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
