韓國5個人蔘市場
韓國邊度可以買到信譽良好、質量好嘅高麗蔘？ 韓國最大嘅人蔘市場又係邊度？
Hello，大家好，我哋係由韓國人每日提供最新韓國旅行資訊嘅Creatrip。
嚟韓國唔買人蔘會唔會覺得有啲可惜呢？今日想同大家介紹五大著名人蔘市場！喺呢幾個地方都可以以平價買最好嘅人蔘！
韓國5個人蔘市場
1. 祭基洞京東市場（경동시장）
地址：서울특별시 동대문구 제기동 1036
小Tips：由祭基洞2號出口行大約8分鐘
位於祭基洞站嘅京東市場係首爾最大傳統市場之一，市場建於1960年，樓高4層，由3棟建築組成，總面積7900平方米，總共有150間鋪頭。主要出售韓國農產品同草藥。
喺入口同2樓有好多鋪頭主要出售鮮人蔘、紅蔘、靈芝等。如果大家可以韓文都算流利，記得要講價啊！
不過咁多間如果唔知揀邊間好，可以試吓小編之前都推薦過嘅興遠人蔘同世宗人蔘，只要係我哋會員，仲可以有9折至95折優惠。
2. 南大門市場（남대문시장）
地址：서울특별시 중구 회현동 남대문시장4길 21
小Tips：由會賢站5、6號出口行大約3分鐘
Yonhap news
相信唔使小編多講，大家都知道南大門市場有幾出名，除咗出名賣小朋友衫、士多啤梨乾等乾貨之外，人蔘、靈芝等各種補品都可以批發。
museum.seoul.go.kr
批發價同零售價相差唔會好多，不過好在都係可以用平價去買到優質人蔘，呢度唔同嘅人蔘價錢都會有啲唔同，通常會比市場價格平20-30%。佢哋之會可以賣咁平，係因為佢哋直接同種植人蔘嘅人，或者透過製造商入口。
3. 仁川江華人參市場（농협 강화인삼센터）
地址：인천광역시 강화군 강화읍 갑곳리 844-1
wikimapia
江華人參市場位於仁川，雖然有啲遠，嗰度冇地鐵可以去，只可以搭巴士、的士，或者自己開車，不過只要去到都唔會令大家失望！因為江華話係韓國人蔘出產地，保證質量一定好，100%韓國產，價錢亦都好合理。
Jeonbuk Ilbo
呢度同樣都係做批發或者零售，一入到市場，大家就會見到每一間舖頭都會擺滿新鮮人蔘、乾人蔘、紅蔘、靈芝等，大家諗到嘅江華市場幾乎都有！
呢度嘅老闆都好親切，不過就唔好講價，如果買得多，老闆通常都會送人蔘糖，或者係紅蔘汁。
4. 釜山釜田人蔘批發市場（부전인삼시장）
地址：부산광역시 부산진구 부전동 573
營業時間： 09:00 – 18:00 、星期日休息
小Tips：由釜田站3號出口行大約3分鐘
busan.grandculture.net
釜田人蔘市場係釜山最大人蔘市場，喺呢度可以以比市場價，買到更平嘅人蔘。呢度有61間鋪頭，大家可以慢慢周圍睇，睇啱再直接問老闆，之後再決買邊款周同邊間。
busan.grandculture.net
因為呢個市場係專門賣人蔘同藥材，如果大家去開釜山，又想買啲補品，都可以去釜田人蔘批發市場睇吓！
5. 錦山國際人參市場（금산인삼국제시장）
地址：충청남도 금산군 금산읍 중도리 9-5
營業時間：每日 10:00 - 18:00
heraldcorp news
apothehair
錦山係出產人蔘嘅地方，呢度種植嘅都係最優質高麗蔘。每年呢度都會舉辦錦山人蔘節，吸引大量國內外遊客。錦山國際人參市場由1980年代中期開始營業，至今有204間鋪頭，批發同零售都有，因為呢度有賣70-80%高麗白蔘產量而自豪。
以上5個地方都係買人蔘好地方！如果有打算買人蔘返香港嘅朋友，之後都可以去睇吓！
提大家經過燉煮、乾燥等加工嘅人蔘可以直接帶返去香港，無須通報。 不過新鮮人蔘就唔可以，請喺韓國當地食用。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
