美容｜明洞Blue Arirang
韓國近期大熱面部按摩！想要變V臉話咁易！明洞Blue Arirang CP值超高！
Hello，大家好，我哋係由韓國人每日提供最新韓國旅行資訊嘅Creatrip。
韓國喺做Facial方面，出名價錢唔貴而且又高效率，最近韓國人仲好鍾意去做面部按摩改善輪廓。今日想同大家介紹呢一間喺明洞嘅Blue Arirang，佢可以做面部按摩之餘仲可以做埋全身按摩，只要係我哋會員最高仲可以享用5萬韓幣優惠！
明洞「Blue Arirang」 資訊
- 地址：서울특별시 중구 명동길 55, 10F 1006호
- 營業時間：10:00 – 23:00
明洞「Blue Arirang」推薦理由
- Blue Arirang就係喺大家平時嚟韓國旅行都會去嘅明洞，要去嘅話非常方便亦都好容易搵到。
- 除咗有面部按摩，呢度仲有提供全身按摩服務，好多人嚟到都有讚冇彈，而且好多客人去完一次都會再去。
- 佢哋用到嘅按摩器材都係最優質，大家可以好放心。
- 內部空間好乾淨，職員亦都好有禮貌同親切，俾人一種好放鬆嘅感覺。
- 喺旅行期間，如果覺得攰，都可以一齊嚟按摩，男女都適合。
明洞「Blue Arirang」價格
按摩服務 | 價格 |
Creatrip Special（120分鐘） Gold Therapy Small Facial Massage（黃金面膜＋細臉面部按摩）（60分鐘） Gold Aroma Oil Body Massage（黃金精油全身按摩）（60分鐘） | ₩150,000 |
Small Facial Massage（細臉面部按摩）（55分鐘） | ₩55,000 |
Gold Therapy Small Facial Massage（黃金面膜＋細臉面部按摩）（60分鐘） | ₩100,000 |
Gold Aroma Oil Body Massage（黃金精油全身按摩）（60分鐘） | ₩100,000 |
明洞「Blue Arirang」按摩服務介紹
1. Creatrip Special（120分鐘）
Gold Therapy Small Facial Massage（60分鐘）
- 黃金面膜： 敷上黃金面膜為肌膚排毒
- 細臉： 臉部按摩有助於改善面部輪廓（臉頰、V-line...）變得更清晰
- 美白：令皮膚更亮更白
- 皺紋護理：按摩減少額頭同眼睛嘅皺紋
- 頸部按摩：按摩頸部、膊頭、胸部、鎖骨
Gold Aroma Oil Body Massage（60分鐘）
- 用黃金精油進行全身按摩
2. Small facial Massage（55分鐘）
- 細臉： 臉部按摩有助於改善面部輪廓（臉頰、V-line...）變得更清晰
- 美白：令皮膚更亮更白
- 皺紋護理：按摩減少額頭同眼睛嘅皺紋
- 頸部按摩：按摩頸部、膊頭、胸部、鎖骨
3. Gold Therapy Small Facial Massage（60分鐘）
- 黃金面膜： 敷上黃金面膜為肌膚排毒
- 細臉： 臉部按摩有助於改善面部輪廓（臉頰、V-line...）變得更清晰
- 美白：令皮膚更亮更白
- 皺紋護理：按摩減少額頭同眼睛嘅皺紋
- 頸部按摩：按摩頸部、膊頭、胸部、鎖骨
4. Gold Aroma Oil Body Massage（60分鐘）
- 用黃金精油進行全身按摩
明洞「Blue Arirang」注意事項
- 提供韓文同日文服務。
- 請提前至少3日 （最多30日）完成預訂。
- 要更改或取消必須至少喺預約3日前進行。
- 預約日3日前可以取消，我哋會100%退款，但如果過咗就冇得退。
- 請確保所有預約詳情都正確無誤。
- 請提前預付以完成預訂。
- 預約會喺1個工作日內確認。預約完成後，可以撳預約及付款紀錄確認訂單內容。
- 如果喺預約確認後想更改預約，請send email去help@creatrip.com。
- 抵達 Blue Arirang 後，向工作人員出示預訂確認信。
明洞「Blue Arirang」位置
- 地址：서울특별시 중구 명동길 55, 10층 1006호(명동1가, 태흥빌딩)
- 小Tips：由明洞站8嘅出口出嚟見到Olive Young直行轉左入小巷，一直直行會再見到第二日間Olive Young行右邊會見到有座大廈，入去上10樓就係Blue Arirang。
最近喺韓國，好興去做面部按摩，因為除咗可以令臉更細之外，仲可以改善面部輪廓，變得更立體。小編搵咗好多間，最後決定去明洞嘅Blue Arirang，佢好受好多韓國人同外國人歡迎。
舖頭入面唔算好大，但就好乾淨，俾人一種好舒服嘅感覺。一入到去老闆就會好熱情咁歡迎大家，牆上貼滿咗好多唔同按摩服務，如果有任何問題，都可以問老闆，佢會好詳細咁為大家解答。
雖然呢度只有提供韓文同日文服務，但每一個按摩服務都有基本嘅英文解說，大家可以完全理解。唔少韓國人同日本人都會成日嚟呢度，證明呢度按摩嘅質量有幾好！
其中一個角落仲有展示佢哋用嘅唔同產品，有需要可以直接問老闆。
雖然舖頭唔大，但唔同嘅服務都會去唔同嘅房，分得好仔細，例如有脫毛房、按摩房、VIP房等。
呢度嘅空間夠晒私隱而且乾淨，柔和嘅光線俾人一種好放鬆嘅感覺。
之前仲有名人喺度打過卡同簽埋名添！
最後小編決定Creatrip Special按摩服務，除咗有黃金面膜加面部按摩之外，仲有全身按摩，比起單做，會平5萬韓幣優惠！
入到去要先去更衣室（有分男女），男士會換藍色，女士換粉紅色。女士方面佢哋會提供一條冇帶嘅連身裙同短褲，另外再俾多一條大圍巾，換好之後去按摩室就可以。
小編入咗VIP房（入面只係得兩張按摩床），喺按摩之前可以先用溫水去浸腳）。
之後就可以瞓低，工作人員會先幫大家做全身按摩，佢哋用嘅係 Medi Peel Customize Gold Therapy Body Oil，聞落好香好舒服。
因為小編膊頭有啲硬，按摩師會好溫柔咁幫小編按，雖然有啲位可能會好痛，但按完之後身體真係變得好輕，好爽！
按完上身會按腳，特別係按小腿嘅時候真係超舒服！
之後令小編最期待嘅就係做佢哋嘅Gold Therapy Small Facial Massage，先面部按摩再敷黃金面膜，好好奇整完之後會唔會好似韓國演員一樣皮膚咁光滑。
Gold Therapy Small Facial Massage包括5個項目：
- 黃金面膜： 敷上黃金面膜為肌膚排毒
- 細臉： 臉部按摩有助於改善面部輪廓（臉頰、V-line...）變得更清晰
- 美白：令皮膚更亮更白
- 皺紋護理：按摩減少額頭同眼睛嘅皺紋
- 頸部按摩：按摩頸部、膊頭部、胸部、鎖骨
如果有化妝嘅朋友去到唔需要太擔心，按摩師會幫大家卸妝，徹底去除角質，之後再按摩。
卸完妝之後，職員會用暖嘅毛巾去幫大家抹臉，再開始按摩面部。另外仲會幫大家按埋肩頸同鎖骨，令大家放鬆之餘，仲可以塑造性感美人肩。
講真…雖然做面部按摩嘅時候可能會覺得有啲痛，但要忍先可以有靚嘅輪廓，所以都係值得！
按摩師嘅手勢真係好熟練，大家會feel到面部嘅脂肪好似被打走咁，按完之後大家會睇得出面部有明顯嘅變化，睇落塊面會V咗。不過如果想維持，最好一個月都要去一次做面部按摩。
按完之後就係敷面膜，佢唔係普通面膜咁簡單，而係黃金面膜！
黃金面膜可以有效減少皺紋、魚尾紋、皮膚雀斑、拒衰老、刺激皮膚細胞、提亮膚色等，超高功效，喺韓國相當受歡迎！
之後再敷多一層膠原蛋白上去，敷5分鐘就可以令皮膚睇落更加緊緻、光滑同年輕。
按完摩同敷完面膜，皮膚真係光滑咗，真係好驚訝！
當日按完，小編夜晚同朋友見面，朋友仲問小編點解皮膚可以光滑咗咁多！呢個就係點解韓國人最近咁鍾意去Blue Arirang做面部按摩同敷黃金面膜嘅原因。
小編呢張相係用咗原相機去影，完全冇P圖，可以見到皮膚好光滑，而且仲有V面，令人好滿意，之後都會想再去幫襯！
按完摩之後，呢度仲有一個位俾大家整理儀容。
如果想睇更詳細，可以參考以下影片。
如果大家嚟韓國都想試吓最近大熱面部按摩，咁就之後要嚟明洞Blue Arirang試吓！情侶、屋企人都可以用同一間房，保證大家會滿意。
美容 | 明洞「Blue Arirang」
以上係明洞「Blue Arirang」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Email : help@creatrip.com