Hello，大家好 ，我哋係由韓國人每日提供最新韓國旅行資訊嘅Creatrip。
上次同大家介紹完又外國人票選最靚女演員之後，大家會唔會好奇男演員會由邊個拎第一呢？
外國人票選最型男演員
TOP 10 - 李敏鎬
스타테일리뉴스
李敏鎬由中學時期，因為外表出眾，成日都俾星探去發掘，間唔中佢都會去做Model，係去到中五嘅時期先決定入演藝界。09年翻拍日本漫畫《花樣男子》走紅，之後每拍一套電視劇都係大熱！
TOP 9 - 李鍾碩
매일경제
李鍾碩身高186cm，16歲就登上Seoul Collection舞台，係歷史上最年輕嘅時尚男Model。今年年初退伍，預計下年將會有同少女時代潤娥一齊拍嘅電視劇《Big Mouth》播出，真係令人相當期待！
TOP 8 - 朴炯植
중앙일보
朴炯植初初以偶像團體帝國之子出道，間唔中會出現電視劇同音樂劇，佢得到嘅每一個角色都會好俾心機去研究，慢慢由配角變成主角！而佢拍過咁多套劇之中，小編最鍾意佢同朴寶英嘅《大力女子都奉順》，搞笑得嚟又浪漫！
TOP 7 - 李棟旭
일간스포츠
自從拍完鬼怪之後，李棟旭就有「地府最型地獄使者」之稱，人氣直接急升！即使就嚟40歲，但係魅力仍然爆燈！早前佢仲留咗長髮去拍海報，除咗型之外，真係俾佢嘅眼神迷倒，唔少網民仲話如果佢係女仔，都一樣係好靚添！
TOP 6 - 李準基
조선일보
自從上年佢拍完《惡之花》，人氣再度急升！精湛嘅演技令人睇到唔敢眨眼，咁多年佢依然keep得超好！同李棟旭一樣，完全睇唔出就嚟40歲！
TOP 5 - 劉亞仁
머니투테이
劉亞仁除咗拍戲好之外，佢仲好有文術細胞，只要有時間佢都會用喺寫作方面。另外佢憑着自己實力，喺上年上映嘅電影《收屍人》，榮獲雙影帝殊榮！
TOP 4 - 玄彬
한국경제
玄彬係唔少師奶殺手！佢喺上年憑着《愛的迫降》獲得百想藝術大獎男子人氣賞，今年年頭被D社爆出同孫藝真拍拖，兩人都被外國人票選最靚同最型演員TOP10，真係相當之襯啊！唔知佢哋幾時會拉埋天窗呢？
TOP 3 - 池昌旭
씨네21
唔好以為池昌旭只係識拍戲，佢唱歌一樣好了得！讀書、運動通通精，完全係男神之中嘅男神！
TOP 2 - 孔劉
인사이트
各位孔太，係唔係都好掛住孔劉呢？16年憑著《鬼怪》、《屍殺列車》事業再創高峰！之後都好少見佢拍電視劇，不過大家而家唔使擔心啦！佢有份拍嘅《寂寞的大海》預計會係今年內播出，大家到時候記住要睇啦！
TOP 1 - 朴敘俊
톱데일리
朴敘俊被為「國民男友」，小編每一次見到佢同女主角嘅互動，真係睇到令人超心動！上年拍嘅《梨泰院Class》，以栗子頭視人，造型引起一陣風潮！而家佢去咗英國拍《Marvels隊長2》，真係好令人期待！唔知佢會喺入面飾演咩角色呢？
十位男神真係每位都有獨特魅力，睇見都心心眼。
資料來源：Ranker
如果有更多想知嘅內容，都可以隨時留言或者dm話俾我哋知：）
Instagram：creatrip.hk
