韓國炸雞歷史
原來世宗大王都鍾意食炸雞？韓國炸雞歷史你又知幾多？
Hello，大家好，我哋係由韓國人每日提供最新韓國旅行資訊嘅Creatrip。
韓國人真係好鍾意食炸雞，以2019年嘅標準，韓國有成8萬7千幾間炸雞店，相當之驚人！炸雞係韓國人嘅靈魂食物，由以前到而家改變咗好多，而家就等我哋同大家介紹吓，韓國炸雞嘅演變啦！
炸雞
朝鮮時代炸雞叫使「炮雞」（포계）
대식가들 방송
大家係咪冇諗過朝鮮時代已經有炸雞呢？當時炸雞叫「炮雞」，聽講世宗大王好鍾意食肉類而出名，而食譜係由世宗大王時代嘅御醫寫。
炮雞（포계）係用油炒雞肉，再用醬油調味，加入麵粉、醬油、麻油等香料一齊炒，最後再淋上醋同麻油。當時雞肉好珍貴，只有上等人先可以食到。
60年代「電氣烤雞」（전기구이 통닭）
2TV 아침 방송
美國炸雞最早係喺朝鮮戰爭期間傳入韓國，韓國本身只係得蒸同燉雞，係當時受到美軍炸雞影響，先開始有變化。
1960年開張「明洞營養中心」（명동 영양쎈타）推出咗一款電烤雞新Menu。當時油炸類食品仲未商業化，所以用咗「電烤箱」代替油炸，因為係成隻雞拎去烤，所以好有營養，喺1968年第一次有外賣烤雞服務。
睇相可以見到同而家炸雞唔同，係會用成隻雞去烤，冇將佢切成一粒粒，而當時叫呢啲做「桶雞（통닭）」。
80年代之後，因為有好多其他雞嘅新Menu誕生，而令到烤雞慢慢失地地位。但有時仲可以喺剩上見到有人揸住車去賣呢啲烤雞。另外明洞營養中心運營咗50年，最近搬到去忠武路。
70年代炸雞正式登場
1971年 'HAEPYO'（해표）食用油開始銷售，開始有炸雞。Lims Chicken（림스치킨）係韓國第一間炸雞連鎖店，最初係喺新世界百貨總店開。因為當時仲係好流行烤雞，所以一開始都未做到好吸引大眾，喺過咗4至5個月後先開始多人識。
當時Lims Chicken其中一位常客想佢哋用自己嘅面粉，就直接向老闆提供麵粉，之後產生炸雞連鎖店概念，目前而家喺全國有80幾間分店，但喺過去最巔峰嘅時期係有400幾間。
80年代「韓式調味炸雞」登場
유퀴즈 온 더 블럭 방송
1980年代，「韓式調味炸雞」正式登場，甜甜辣辣嘅口味捉得住韓國人嘅味蕾，當時引起轟動。
「韓式調味炸雞」元祖？ | Mexican Chicken
유퀴즈 온 더 블럭 방송
最一開始製作調味炸雞嘅人係Mexican炸雞創辦者「尹鐘桂（윤종계 音譯）」，原本只係一位賣炸雞嘅老闆，當時佢親眼見到一位客人，食剩已經凍咗而冇味嘅炸雞，為咗可以一直保持仲有味，大家又可以食得開心，佢開始研究整「調味炸雞」。
2TV 아침 방송
聽講當時佢用咗6個月時間去研究，無論用咗幾多材料都冇一隻味係滿意，不過之後佢聽咗洞內一位老婆婆講要放一啲糖漿，最後佢以蘿蔔同辣椒粉取代辣椒醬，保留辣味同黏稠口感，成為而家大家都鍾意食「調味炸雞」。
유퀴즈 온 더 블럭 방송
由於當時仲未對專利權有特別概念，所以當尹鐘桂研發出調味炸雞之後，佢冇註冊專利。而佢員工偷偷地背住佢去申請，令到尹鐘桂唔可以再賣調味炸雞。不過好彩嘅係後嚟法院判決尹鐘桂勝訴，因為尹鐘桂唔希望員工被受到處罰，佢放棄專利權，令調味炸雞變成每個人、每間鋪頭都可以用，另外佢當時研發嘅醃蘿蔔亦都冇專利權。
佢冇因為咁而唔開心，反而因為調味炸雞多咗人食而感到滿足。
「韓式調味炸雞」元祖？| Pelicana Chicken
不過如果問到老一輩嘅韓國人，佢哋可能會覺得Pelicana Chicken先係元祖，因為當時用咗辣椒醬去整調味炸雞，同時請嚟當時出名搞笑藝人崔陽拉做廣告代言人，好多人睇完廣告，仲要大排長龍去買嚟食。
所以當時邊個係調味雞嘅元祖受到大眾討論，如果要準確啲嚟講，Mexican Chicken係研發調味炸雞嘅代表，而Pelicana Chicken係令調味炸雞發揚光大嘅代表，令調味炸雞變得更多大眾化，兩個品牌角色都好重要。
90年代韓國「連鎖炸雞店」登場
喺調味炸雞上市之後，炸雞嘅人氣不斷上升，開始有好多炸雞連鎖店登場，例如我哋熟悉嘅橋村炸雞、NENE炸雞、BBQ炸雞、hosigi炸雞、BHC炸雞等等，都係喺90年代誕生。
喺以前，好多人都覺得炸雞只係下酒菜，不過係BBQ以「炸雞係主菜」概念，強調差異性而受到大眾歡迎，令到大家會諗到炸雞都可以當係正餐。
2000年代之後嘅炸雞
無骨炸雞（순살치킨）
由2000年到而家，炸雞一直都係大受歡迎，除咗有原味同調味炸雞之外，無骨炸雞亦都係喺2000年之後誕生，邊個推出好難去推算。
不過可以肯定嘅係，無骨炸雞對韓國消費者嚟講係一場重大革命，因為唔使再去雞骨，食起嚟更方便。
炸雞啤酒（치맥）
炸雞啤酒呢個組合，其實喺70同80年代就有。
능력자들 방송
不過要講到最多人知，都係大約係喺2002年韓日世界盃，當時韓國入四強，取得驚人成績，大家喺睇比賽嘅時候，都有配炸雞同啤酒，誕生咗呢個文化。
另外當年韓劇《來自星星的你》都有大量推廣雞啤文化至海外，香港當時都興起食炸雞，喺尖沙咀一帶多咗好多食炸雞嘅鋪頭。
蔥絲炸雞（파닭치킨）
喺2010年左右，大田嘅儒城蔥雞（교원파닭）同世宗鳥致院天王蔥雞（왕천파닭）推出類以「蔥絲炸雞」新Menu，兩間被稱為「蔥絲炸雞」元祖，之後好多炸雞分店都帶推出呢款菜式。
芝士炸雞（시즈닝 치킨）
相信冇人會唔鍾意食芝士，韓國好多菜式都會加芝士，而炸雞都唔例外， BHC喺2014年推出芝士炸雞，但其實喺2009年，NENE CHICKEN都有推出過，NENE控告BHC侵權，但最後法官以冇侵犯專利告收，不過兩間都一直認為自己係元祖。
蜂蜜牛油炸雞（허니버터 치킨）
2015年當時推出咗一款蜂蜜牛油薯片，好多人都瘋狂去搶購，自此之後，幾乎冇一間炸雞店係冇蜂蜜牛油炸雞。
唔知大家睇完又對韓國炸雞有冇多咗了解呢？大家每次嚟韓國又最鍾意食邊一間炸雞？歡迎可以留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk