Hello，大家好，我哋係由韓國人每日提供最新韓國旅行資訊嘅Creatrip。
自從疫情影響，大家都開始注重健康，開始越嚟越多人鍾意做運動，今日想同大家了解一下韓國嘅健康文化，同以前相比到底有咩唔同呢？
疫情同做Gym文化
只要喺IG打「헬스카그램」（健身gram」，就會見到有838萬個post，就算係疫情前，韓國人都好俾心機去自我管理。只不過係因為疫情爆發，越嚟越人會關心自己健康，冇得出去玩嘅話，做吓運動都係另一種樂趣。
因為疫情嘅爆發，全世界人都開始注重自己嘅健康，希望身體要強起嚟，甚至喺韓國網上會見到有人問「打完針第二日係咪真係唔可以做運動？」，可以睇得出運動已經成為大家嘅日常。
因為室內運動受到限制，戴口罩做運動又唔方便，加上又怕會有群體感染，健身房嘅銷售額基本上降至一半。因為比其他行業有更多限制，唔少健身房老闆都覺得唔公平，希望可以放寬一啲準則。
因為健身房嘅規定太嚴格，好多客人嚟到都要求退款。喺實施4階段嘅時候，跑步機最高時速只可以係6km/hr，聽講唔可以超過120拍子/分鐘以上嘅音樂等。
如果以呢個規定，平時有聽開K-Pop嘅話，BTS《Butter》110bpm係可以聽，但Psy嘅《江南Style》因為132bpm而冇得聽。呢一個標準唔單止俾韓國唔少健身房老闆批評，甚至仲傳到去外國。有網民仲喺網上列出清單有邊啲歌係唔可以聽。
新嘅健身趨勢出現
因為喺健身房做運動越嚟越困難，好多人都去屋企附近嘅山上鍛煉，韓國稱為「산헬스」（山+健身房），如果大家有喺韓國行過山，就會發現都有唔少嘅健身器材。
2. 屋企運動（홈트장）
疫情爆發，大家都多咗留喺屋企，唔敢出去嘅時候，屋企就係最適合做運動嘅地方，喺IG都可以見到有181萬個post。
有啲人仲會買器材返屋企，打造成好似喺健身房做緊運動咁，有啲因為疫情影響啲要執笠嘅健身房，就會將啲器材擺上去二手市場平場賣。
健身變得更專業
去健身房至少有教練可以幫手睇吓姿勢做得啱唔啱，不過如果自己一個喺屋企又真係好難知，所以因為咁，網上有多咗可以幫助喺屋企鍛煉嘅小幫手。
1. 健身YouTuber 
喺YouTube我哋經常可以搵到啲同健康有關嘅影片，有啲對做運動有興趣嘅人會自己拍片教大家點樣去做運動，有啲比較出名嘅YouTuber每一條片可能觀看次數都高達100萬，甚至1,000萬，可以睇得出韓國人對健康有幾咁關心。
2. 付費健康課程
除咗YouTube有免費影片睇之外，韓國亦有啲網站係實際俾錢去睇健身課程，由專業教練去教同提供建議，鍛煉嘅時候更加有系統。
Body Proflic
做運動除咗係想令身體健康啲之外，當然都想去塑造一個美好身材，之後可以影相打卡都靚啲。好多韓國人會用三至六個月嘅時間去鍛煉自己身體，之後再去影返一輯相，通常費用都係3萬至到40萬韓幣左右，希望可以喺後生嘅時候留低一個好印象。
健身熱潮延續
除咗有上面睇到嘅YouTuber同付費課程之外，唔少藝人都有推出佢哋健身嘅題材。
1. 以健身為題嘅漫畫
搞笑藝人金珉京一開始主要係怕為咗減肥而做運動嘅片，但出乎意料之外，佢喺運動方面聽日天份，之後慢慢去轉挑戰其他運動。
網絡漫畫「여성 전용 헬스장」（女性專用健身房）係講述對運動係初步者嘅主人公，遇到教練之後，認真做運動，之後恢復健康生活嘅故事。
2. 藝人健身YouTuber
講到健身，第一個諗到嘅韓國藝人，一定係金鍾國，平時睇《Runningman》可以見到佢有幾咁Powerful！平時嘅佢唔係喺拍攝片場，就係喺健身房。
今年六月佢自己仲開咗一個YouTube Channel，名為「GYM JONG KOOK」，開咗唔使五日就已經突破1百萬Followers，早前佢仲邀請埋宋智孝一齊做運動添，相當之有趣！
3. 同健身有關嘅流行新造詞
隨住越嚟越多人鍾意健身，網上都有唔少同健身有關嘅流行新造詞。
健身初步者 ＝ 헬린이（헬스健身＋어린이小朋友）
沉迷於健身嘅人 ＝ 헬짱 / 헬창 （本身係用헬창多，但창呢個字有唔好嘅意思，所以有時會改用헬짱）
3 VS 500 ＝ 3대 500 （意思硬拉、槓鈴推胸、深蹲三個動作重量總和要500公斤。 網上有人話要達到3到500先係成為真正健康嘅人，3到500被當成流行語，但實際上，呢個標準係適合健美運動員。）
健康設備
1. Smart Watch 
做運動如果可以有一隻智能手錶，可以定期測量健康狀況都好唔錯，好多款式都設計簡單有時尚化。
2. 健康食品
為咗健康，係食方面大家都有左唔同嘅變化，聽講今年雞胸肉嘅需求比上年增加左成70%。除此之外，各大品牌仲推出唔同健康食品，例如燕麥片、健康飯盒等。
3. 健身衫/褲
做運動嘅時候如果有一件舒適嘅健身衫同褲都好緊要，甚至喺韓國唔少人仲會將瑜伽服直接着出街，以前可能會因為覺得貼身尷尬，但而家越嚟越人都咁著，睇到都習慣晒，甚至會覺得係時尚單品。
過量健身嘅影響
為咗身體健康，適量嘅運動係好緊要，不過如果冇專業教練喺身邊，自己做有時可能會錯姿勢、導致手腕或肌肉受傷。亦有啲人因為為咗短時間要減肥而有個大壓力。咁樣做反而對身體唔好。
身體要keep得好係重要，但千祈唔好過度啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
