韓國「D.P」同現實軍中真相
最近熱播韓劇《D.P：逃兵追緝令》入面演嘅都係真！新人士兵被虐待死，韓國軍隊真面目！
Hello，大家好，我哋係由韓國人每日提供最新韓國旅行資訊嘅Creatrip。
由丁海寅同具高煥主演嘅Netflix新劇《D.P：逃兵追緝令》，開播至到而家就嚟兩星期，雖然只係得短短六集，但寫實嘅劇情吸引唔少人討論。喺真實世界入面，軍隊存在嘅意義係保家衛民，但當呢種貢獻成為男人不得不面對嘅義務時，對現況不滿嘅壓力喺封閉環境裡放大，每個人都有機會變成可怕嘅惡魔。
小編今日就想同大家一齊講解《D.P：逃兵追緝令》入面，一啲不忍直視嘅真相同過去！
《D.P》真實面貌
「D.P」係咩意思？
Netflix
D.P係「Deserter Pursuit」嘅縮寫，而韓文係「군무이탈 체포전담조」，中文直接翻係指「軍務脫離逮捕全擔組」，即係逮捕一啲脫離軍務（逃兵）嘅專案小組，實際上韓國陸軍裡實際存在憲兵任職，由組長、組員兩人一組，執行逮捕逃兵任務。
由於性質特殊，只有由長官信任嘅少數下屬被抽調同加入，而且為咗喺軍外追捕逃兵，外表望落去一般，要睇落似普通人，所以可以特別准許著便服、留長頭髮同用手機，甚至好一段時間喺外部執勤。
所以因為咁，D.P對一般士兵嚟講係相當陌生，而D.P本身對於一般軍勤內容亦都唔太熟悉。
Netflix
「체포전담조」其實本身係逮捕專案小組嘅意思，經常出現喺警局，早期社會運動、學生運動中常見呢類秘密行動，針對特定人士進行逮捕計畫，而家相對少見，而家多數都係出現喺重大或集團犯罪，需要由警方組織特定人員進行。
戲劇對應真實數據
Netflix
《D.P：逃兵追緝令》中講到軍隊有幾個唔同面貌，其中最令人有共鳴嘅係軍中霸凌同自殺事件。當軍隊裡面唔係因為戰爭死，而係自殺，咁呢個問題應該歸咎邊一方呢？
根據2005年至2010年數據，韓國軍人自殺數字呈現明顯上升，分別為64名（2005）、77名（2006）、80名（2007）、75名（2008）、81名（2009）同82名（2010）。
而喺2006年至2011年6月數據顯示，軍人死亡名單總共有552名，其中自殺死亡比例高達63%，其中89人（比例25.6%）因為唔適應軍隊生活、家庭環境佔61名（17.5%）、業務負擔25名（16.7%）、厭世悲觀者55名（15.8%）、因異性因素自殺34名（9.8%）。
Netflix
喺近幾年，韓國國防部宣導「兵營文化革新（병영문화 혁신）」，其中包括休息時間，同同梯而非學長、學弟用同一空間以減少階級對立（同梯定義拉長至同月、同季、同年入伍）；除此之外，平日外出制度同定時定點用手機等措施，望落好似有啲成效，但咁係唔係代表軍隊有好轉到呢？
2020年一整年，韓國軍隊有55位士兵死亡，其中自殺人數為44人。對比2019年數據，軍隊每10萬人當中有9.73人死亡，比全韓國20代男性每10萬名當中，有21.6個人自殺數據仲要少。
Netflix
即使軍隊自殺人數減少，亦唔可以代表軍隊係有改變，問題一樣存在緊，同時指向同一個方向：軍隊入面有毆打、辱罵、性暴力、排擠等，內部文化習慣安撫受害者、要求保持沉默，呢啲數據就永遠只會係數據，唔會拎出嚟討論。
忍得到就係尹一兵，忍唔到就係林兵長
韓國軍人（非當事人）
韓國軍隊同民間一直有一句說話係講：「忍得到就係尹一兵，忍唔到就係林兵長（참으면 윤일병, 못 참으면 임병장）」，呢句說話好似聽落好兒戲，但其實背後隱藏住一個唔好嘅事實。
- 尹一兵事件（윤일병사건）
2014年4月7號，韓國陸軍第28步兵師炮兵旅977炮兵大隊醫務隊，發生老兵集體虐待新兵致死事件，新兵尹勝柱（윤승주 音譯）當年只係得20歲，被四名老兵毆打頭部、胸部後暈底，即使係咁佢一直遭受無情暴打，最終腦死，送院後第二日早上不治身亡。
KBS
暴力致死事件當然震撼，但對大多數人嚟講，只係一個偶然發生嘅事件。但隨住更深入去調查，各種殘酷真相顯露，老兵對尹勝柱長期以嚟嘅暴力事件，包括已經被打跛腳，但仍然要扮病，甚至仲喺性器官搽刺激藥物、餵食牙膏、灌水、食痰、冇得瞓、各式體罰等證據被軍隊人權中心發表、曝光，震驚全韓國。
更令人難過嘅係軍中對於呢種現象包庇，包括幹部目睹施虐行為，都冇人出面嚟制止，最終導致一個聽從國家指令，入伍服兵役嘅青年，死喺骯髒嘅體系之下。
- 林兵長事件（임병장사건）
林兵長模擬犯罪（중앙일보）
2014年6月21號夜晚，江原道高城郡陸軍第22步兵師第55團發生槍擊事件，只剩三個月就可以退伍嘅兵長林道彬（임도빈 音譯），拎住槍、手榴彈攻擊同胞，導致5人死亡、7人重傷，韓國稱之為「林兵長事件」。由於林道彬持有武器殺害同胞之後，一度逃出兵營，軍方甚至發佈「珍島犬警戒」，要求大眾留喺屋企唔好出門口，以免成為人質。
林兵長事件死者（來源：더팩트）
喺軍方同林道彬對質過程中，雙方一度爆發槍戰，後嚟更叫屋企人嚟安撫，仍然冇好轉。林道彬寫底遺書，喺胸口前開槍自殺，最後緊急搶救先冇事。
據了解，對已經入伍18個月，只剩三個月就可以退伍嘅士兵嚟講，林道彬會有呢個動機出現各種傳聞，但比較確實嘅說法係林道彬喺軍中被孤立（期數列外、階級列外）等有關，而軍方最後公開遺書內容，明確指出林道彬喺軍中遇到孤立問題。
韓國軍隊有冇所謂嘅正義？
Netflix
用特定事件就評斷韓國軍隊階級分化嚴重、所有前輩都會欺負新人，唔可以因為咁而以偏概全。但整體嚟講，當一個地方風氣已經延數十年，冇可能喺一夜之間轉變，所以先會流傳「忍得就係尹一兵、忍唔到就係林兵長」呢句說話。
林道彬後嚟上法庭，表示自己喺軍隊被孤立，但由於佢所指嘅加害者已經死咗，法官仍然認定佢所承受嘅孤立、講笑行為唔屬於霸凌，只係令人覺得唔舒服，加上持槍攻擊致死人員名單中，有幫助過林道彬同胞，佢無差別殺人意圖，最後判處林道彬死刑，係韓國第61號死刑犯，同時係第4位軍死囚。
Netflix
至於涉嫌傷害尹勝柱致死嘅老兵遭受軍法審判，分別判處10年至35年不等刑期，部分幹部亦因怠忽職守而受到處分。
但咁係唔係代表有真嘅正義？雖然軍法量刑比一般人民適用刑法重，但由2015年至2020年6月為止，以1,700多單性犯罪審判為例，實質上完成審判、判刑嘅只係得175單，起訴率同實質刑事宣判比例比民間法院低好多，甚至仲會有戰略性地令加害者轉行業、退伍，轉至民間法院接受審判以求得較低嘅求刑。
Netflix
《D.P：逃兵追緝令》當中，令所有人都起哂雞皮嘅一句質問係──「你知唔知我哋部隊嘅水壺係幾時開始用？上面寫住1953，由韓戰時就開始用，連水壺都冇換，軍隊又點可能有改變？」，似乎就好似將一切疑惑作出解答。
由韓劇睇現實生活
Netflix
其實《D.P：逃兵追緝令》之所以引發共鳴，最大部分係劇情情節寫實，雖然為咗張力，喺力度上自然會有所加重，但所描繪出軍隊生活、人心陰暗面、階級制度、暴力事件等，都係韓國軍隊至今仍然無法見光嘅祕密。
由於韓戰關係，南北韓目前為停戰、分治狀態（部分歷史解釋為「韓戰結束」），軍事關係仍屬緊張，所以韓國成為世界上少數以義務役為主嘅國家，為嘅係南北關係緊張時，可以以最快速度完成兵力調動同支援。
Netflix
喺軍隊入面，為咗訓練戰場上嘅服從，上屬、前輩對後輩嘅訓斥同調教，都會被視為抹去平民身分，教識軍人服從軍紀合理行為。另外，韓國社會一直以嚟都有嘅長幼有序、上尊下卑思想，喺軍中更加係無限放大，早出世就係大哂，社會、學校、職場都會出現呢個情況，更何況係喺男性主義濃厚，環境封閉嘅軍隊入面呢？
當呢個世界嘅規則都已經寫定，逆流走嘅人註定要承受更多波折。雖然大多數人仍然覺得，韓國軍隊唔會有改變嘅一日，但當呢部韓劇可以咁寫實拍出嚟、軍中開始進行一啲政策宣導時，韓國軍隊文化或多或少，就算只有1%，都係走上改變道路。
如果有更多想知嘅內容，都可以隨時留言或者dm話俾我哋知：）
Instagram：creatrip.hk