教你玩轉大邱東城路
首爾有弘大，咁大邱就有東城路！想成為一個韓流潮人你絕對唔可以錯過！
Hello，大家好，我哋係由韓國人每日提供最新韓國旅行資訊嘅Creatrip。
去大邱又點可以唔去「東城路」呢？無論係食、玩、時尚都可以喺度解決，不過今次小編主要想同大家講吓最近佢哋流行咩服裝同有咩好玩！之後有計劃去大邱嘅朋友，咁就要繼續留意落去啦！
東城路係一個咩地方？
如果講到首爾嘅熱點，大家最先可能會諗到明洞、弘大等，但係大邱問到大邱人邊度最旺，佢哋都會答東城路。
東城路可以話係大邱嘅市中心，因為呢度有百貨店、購物商場、餐廳、學院等，只要諗到嘅都可以喺度搵到。只要答大邱地鐵1號線，喺中央路落車就可以去到。而家就等我哋一齊睇吓，最近東城路流行啲咩啦！
服飾店
只要一去到東城路，大家最先會留意到嘅一定就係呢度大大小小服飾店。喺首爾雖然可以搵到唔少流行時裝店，不過好多時都分到好散，但嚟到東城路大家可以一次過買哂，絕對係一個大優點。
1. NERDY（널디）
地址：대구광역시 중구 동성로 15
營業時間：每日 11:00 - 22:00
韓國人10-20代最多人著嘅品牌，大家可能會覺得首爾好多地方都有，但大邱有呢一間係獨一無二嘅NERDY旗艦店。
2樓同3樓係NERDY嘅Concept Store，等我哋嚟睇吓有咩特別啦！
呢度掛滿好多Poster同擺咗一張床，同時擺滿好多Nerdy嘅產品，超有個性！
大家可以喺度試完再考慮買唔買，由舒適可愛運動衫套裝到色彩鮮豔嘅運動鞋呢度通通應有盡有。
NERDY之所以會咁出名係因為由IU開始，之後唔少韓星都有跟住著，想同偶像同款可以考慮吓買返套！
2. Around the Corner （어라운드더코너）
地址：대구광역시 중구 동성로1길 28
營業時間：每日 11:00 - 21:00
Around the Corner喺首爾弘大、江南等熱點都可以好容易搵到佢嘅蹤影，呢間鋪頭最受10-30代歡迎，喺東城路有間超大嘅鋪頭等住大家嚟行。
Mmlg、Pallet、EBFD等等面家韓國最流行嘅潮牌呢度都買得到！
另外呢度嘅職員真係好識襯衫！佢哋著緊嘅都係係鋪頭有賣，大家都可以參考吓！
3. SPAO（스파오）
地址：대구 중구 동성로 36
營業時間：每日 11:30 - 22:00
大家嚟到韓國相信都會行吓SPAO，佢哋好多時平得嚟質地都幾唔錯，甚至每一季都會出當時最流行嘅服裝。
而家女裝方面真係好流行單色西裝外套，返工或平時Casual著亦都得！
另外呢啲超舒服運動裝真係唔可以唔入返套！著過一次一定會愛上，有多種顏色俾大家揀！
想跟上韓國潮流，呢啲紮腳褲或者深色牛仔褲，要即刻買返條！喺韓國街上經常會見到韓仔或韓女妹著！
仲有去SPAO又點可以唔買睡衣？佢哋出嘅睡退質地唔錯，而且又多款揀（成日都會有聯名），小編自己本身都有買過幾套嚟著。
4. MIXXO（미쏘）
地址：대구 중구 동성로 15-1
MIXXO好受韓妹歡迎，因為佢哋由休閒到正裝都可以喺度買到，最緊要係好多款都易襯！
想變身成為一位又Hip又潮嘅Onni呢度好多款都幫到你！
如大家所見，呢度賣嘅衫整體色唔會太鮮豔，俾人一種好整齊同沉穩嘅感覺。
價錢大約 ₩30,000至₩70,000左右，質地又好，價錢中等唔算太貴。
另外東城路有分2層，相當闊落，最近最流行、最近嘅款都可以喺度搵到。
5. ROEM（로엠）
地址：대구 중구 동성로 19
大家可能少留意到呢間，但呢間唔少韓妹都鍾意買嚟著，佢主打甜美同女性化服裝。
由簡單到喺特別日子想著正經啲，呢度都可以搵到，佢哋好多衫都好顯瘦，嚟到韓國絕對唔可以錯過！
價錢大約 ₩20,000至₩70,000左右，如果係正裝或者連身裙大約係₩90,000左右。
6. 機緣巧合（세렌디피티）
地址：대구 중구 동성로 2길 12-20
營業時間：星期五、六、日 13:00 - 19:00
之前同大家介紹嘅可能都係連鎖店，不過由而家開始想同大家介紹啲小鋪。
呢間叫做機緣巧合嘅舖頭唔單止係賣復古衫，有啲仲係佢哋自己製作。
掛喺牆上嘅格仔裙覺唔覺得有啲靚同有文青feel呢？著上身感覺會幾可愛。
比起連鎖店，有時啲細舖頭，更加可能多款同執到寶㗎！
7. Kuromame （쿠로마메 빈티지샵）
地址：대구 중구 동성로1길 36-18
營業時間：每日 13:00 - 21:00（1月1號休息）
Kuromame主要賣嘅衫好多都係以舒服為主，同時亦夠潮。
一入到鋪頭已經feel到好夠復古feel，每件商品擺得好整齊，俾人一種好舒服嘅感覺。
呢間鋪頭仲有「牛仔褲美食店」（바지 맛집）之稱，即係佢哋啲牛仔褲超好著，多人鍾意買咁解。多款之如仲多顏色揀！相信小編，嚟到韓國真係要買一條牛條褲！著過一次就會明點解返唔到轉頭！
唔單止有衫同褲，仲有一啲配飾，襯衫好幫手！
首飾&精品店
去到東城路除咗要行賣衫嘅鋪頭之外，一啲精品店大家唔可以錯過，大家可以喺度買返啲嚟使手信㗎！
1. Itty Bitty Shop（이티비티샵）本店
地址：대구 중구 동성로 2길 12-3
營業時間：每日 12:00 - 20:00（Break Time: 15:30 - 16:00）
第一間想同大家介紹嘅係Itty Bitty Shop，只係睇入口會唔會俾佢嘅笑哈哈圖案吸引到呢？咁可愛真係好難忍住唔入去！
雖然內部唔算好大，但就有好多可愛小精品，由文具到公仔都可以買到。
呢度有好多款有插圖嘅Memo紙，平時返工或者返學要記好多嘢嘅朋友，呢個時候都可以大量入手啦！
2. Grim（그림）
地址：대구 중구 동성로2길 48
營業時間：每日 12:00 - 22:00
呢間Grim喺東城路大街，好容易會發現到佢。
由小精品到各款首飾呢度都可以搵得到，而且人氣超高！內部夠寬落，由髮夾到耳環、頸鏈等，平價同高貴嘅款式都可以喺度搵到。
韓國流行緊嘅眼鏡款、甚至SNS成日會見到嘅打卡玻璃杯都可以喺度買到。
3. N.Cat（못된고양이）大邱東城路2號店
地址：대구 중구 동성로3가 29-2
營業時間：每日 11:00 - 22:00
如果講到要喺韓國買首飾，又點可以唔睇呢一間N.Cat呢？佢喺好多地方都有分店，甚至呢個品牌已經有20幾年歷史，由首飾到袋、帽等都可以買到。
大部分商品價錢係₩10,000至₩20,000左右就可以入手，超受學生同20代歡迎。
東城路嘅N.Cat有啲人造皮嘅袋萬幾won就可以入手，CP值超高，好推大家要嚟呢度行吓！
藥妝店&影相鋪
1. Olive Young 大邱東城路2號店
地址：대구 중구 동성로 18
營業時間：每日 10:30 - 22:00
嚟到韓國點可以唔行Olive Young？明明頭先先行完，唔使行好遠又會見到一間，但大家係唔係都會不自覺地入去呢？ 雖然好多地方都有，但東城路嘅Olive Young真係超大，相信至少要行半個鐘以上先會捨得走
甚至連A'pieu、Etude House、Peripera都可以直接喺度買到，要買化妝品Olive Young絕對係大家嘅首選！
如果想試韓國嘅健康食品，大家都可以喺度買嚟試，小編過幾款都想推薦俾大家！
講到健康同瘦身產品，喺Olive Young就可以一次過買到，以上幾款小編都係私心想推俾大家！
2. lalavla東城路廣場店 （랄라블라 동성로광장점）
地址：대구 중구 동성로 7
營業時間：每日 11:00 - 22:00
去完Olive Young好多時都會行埋lalavla，因為佢哋有時賣嘅產品都會唔一樣。
雖然同Olive Young擺嘅位置差唔多，但就好似再擺得清楚啲，想搵啲咩好快都可以搵到。
小編個人幾鍾意用嘅護膚品牌One Thing（원씽）呢度都有賣，大家可能喺IG都會見過，如果一直都只係睇過又未試過，都可以嚟呢度買支試。
3. 人生四格（네컷사진）
Shopping完之後，嚟到韓國又點可以唔影人生四格呢？喺東城路有好多間，如果大家經過可以入去同朋友影返一輯留底一個美好回憶。
Photo Signature 東城路大白店（포토시그니처 동성로대백점）
地址：대구 중구 동성로 33-1
營業時間：00:00 - 24:00 年終無休
Photo Signature 最大嘅優點就係有搖控俾大家控制，影嘅時候再撳，同時仲有好多頭飾免費俾大家戴。
2. 弘大四格 （홍대네컷 동성로점）
地址：대구 중구 동성로 26 1층
營業時間：每日 09:00 - 00:00
小編去咁多間之中，呢間係最多人！
主要原因係為呢為有埋衫俾大家著嚟影，韓國警察服、軍人服、校服等呢度都有，就算自己嚟影都可以好開心！
3. Harry Picture大白店（해리포토 대백점）
地址：대구 중구 동성로 22-1
營業時間：每日 00:00 - 24:00年終無休
第三間想同大家介紹嘅係Harry Picture。
呢度除咗有直髮夾之外，怕大家冇現金，甚至連提款機都有，相當貼心！
當然連頭飾呢度都有準備，大家可以喺度變身影靚相！
今日同大家介紹咗東城路嘅服裝店、精品店同藥妝店等，希望可以幫到之後有計劃去大邱嘅朋友仔啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
