Hello，大家好，我哋係由韓國人每日提供最新韓國旅行資訊嘅Creatrip。
好多偶像雖然成日會想喺fans面前表現最型、最靚同最可愛嘅一面，不過有時佢哋無意之間表露嘅生動表情，唔少fans都會cap圖整成Sticker，唔同情況下都可以用。而家就等我哋睇吓有邊位韓星嘅表情最可愛啦！
韓星表情包
1. EXO - 世勳
喺網上真係流傳唔少世勳嘅表情包，無論係整蠱做怪-嘅樣、嬲嘅時候，定係肚餓表情，呢啲全部fans都有cap底做Sticker，不過就算佢做咩表情，完全都唔會影響佢靚仔嘅一面。
2. Super Junior - 始源
始源初出道因為靚仔而更出名，不過係E.L.F.嘅話，都知佢成日會做出唔同表情，雖然有啲睇落好似好誇張，但搞笑得嚟又好可愛。
4. Red Velvet - Wendy
Wendy只要一嬲或者驚嘅時候，完全會控制唔到表情，唔少fans都覺得好好笑同可愛，仲會用嚟做唔同嘅Sticker。
5. BLACKPINK - Lisa
無論係日常定係舞台，Lisa嘅魅力真係沒法擋，佢成日都會無意中做出搞怪嘅表情，大家又有冇發現呢？
6. BLACKPINK - ROSÉ
只要一覺得驚訝，唔少韓國網民就會用ROSÉ嘅Sticker，平時睇落好女神，私底下會發現佢有好多唔同嘅一面。
7. TWICE - 多賢
多賢平時可愛活潑嘅一面，唔少人睇完都會入坑，身為女團嘅佢完全唔會有偶像包袱，每一個表情都好正！
8. BTOB - 昌燮
不過要講到最冇偶像包袱，一定唔可以唔提BTOB嘅昌燮，無論係個人定係合照，佢每一張相睇落都相當搞笑。
9. BTOB - 恩光
除咗昌燮，恩光都係一位好搞笑嘅成員之一，佢成日都會令到人好開心，俾人一種正能量嘅感覺，唔開心望住佢都可以重新振作！
10. Girl's Day - 惠利
有睇過《請回答1988》都會見到惠利好多Sticker，只係一個系列，fans都可以整到好多張，平時佢上節目，一啲都唔造作，男fans多之外， 都吸引唔少女fans！
11. TREASURE - Asahi
如果平時Asahi唔講嘢，都會俾人一種好有型嘅感覺，不過只要佢一郁，大家都會陷入去魅力當中，表情豐富、動作搞怪，好難令人唔愛上佢。
12. BTS - V 
有「世界第一美男」之稱嘅V，唔好平時睇佢只係得型嘅一面，佢私底下成日都會令到唔少fans同成員開心，係大家嘅開心果。
13. EXID - Hani
Hani性格夠大方同爽朗，喺唔同節目入面佢表現出最真性情嘅一面，可愛同搞笑嘅表情，唔少fans都會用嚟做Sticker。
唔知除咗以上嘅偶像之外，大家仲諗唔諗到邊位都係表情豐富，經常俾fans做Sticker嘅呢？歡迎留言話俾我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
