韓系穿搭變年輕小Tips
到底衫要點襯先可以睇落後生啲？韓系穿搭變年輕小Tips喺哂呢度！
Hello，大家好 ，我哋係由韓國人每日提供最新韓國旅行資訊嘅Creatrip。
有時明明著喺Model身上好好睇，自己著上身可能會好老土或者唔夠潮？咁今日小編就教你幾個著得後生嘅小Tips啦！
想喺韓國掃貨返屋企？
韓國穿搭變年輕技巧
1. 牛仔工人褲
牛仔工人褲真係每個人衣櫃應該要有嘅單品之一！入面只要襯件簡單T-shirt，或者恤衫就已經俾人感覺充滿活力，無論係男定女都可以著！
建議大家買嘅時候最好揀鬆身少少，咁樣望落去會更加可愛，如果配返對運動鞋或者帽，睇落仲會後生多幾歲添！
2. 娃娃䄂連身裙
比起就咁一條連身裙，大家可以揀啲娃娃䄂，一來唔貼身可以遮走拜拜肉，二來仲會俾人有一種小公主嘅感覺。
不過買呢類裙嘅時候大家都要小心去揀，因為如果揀太大條，就會睇落好似孕婦裝。
配高踭鞋嘅話可能會有少少成熟同高貴嘅感覺，但係韓國好多人都會襯運動鞋，睇落會更加young。
3. T-shirt/恤衫 ＋百褶裙
呢種襯法即刻秒變學生，秋天有啲涼即刻加返件背心或冷衫就OK！
襯T-Shirt或恤衫都可以，但最好揀返一件偏緊身，如果太鬆會睇落好累贅。
而且襯咩鞋都可以好好睇~
Plan住去outlet行街怕唔識路？
4. 白色T-shirt ＋ 格仔恤衫
講到大學生Look，白色T-shirt加格仔恤衫真係永年不敗款，睇落即刻後生有活力！
下身著裙或褲亦都得！裙睇落斯文啲，褲就睇落型啲
5. 衛衣＋短褲＋運動鞋
秋天就快到，喺時候要準備一件有帽衛衣啦！如果覺得熱入面可以改著T-shirt，之後凍啲再喺出面加件外套，喺韓國超多人會咁著！
衛衣都係揀返鬆身啲會比較可愛，再襯返對運動鞋咁就perfect！
6. 背心冷衫
背心冷衫其實係一件顯後生嘅單品，入面襯恤衫或T-shirt亦都得，好多韓星都會咁著。
不過有一點要注意嘅係，如果背心係有花紋，入面最好襯返件純色衫，如果背心冇花紋，咁就要掉轉襯返件有花紋嘅衫。
7. High teen Look
呢種風格好多韓星都鍾意著，就好似有BLACKPINK Jennie、Red Velvet等。
High teen Look俾人一種可愛得嚟又帶有復古嘅感覺，著上身即刻後生幾歲！
以上7款都係韓國人經常會配搭嘅方法，大家只要試一款，即刻都可以後生多幾歲！
如果有更多想知嘅內容，都可以隨時留言或者dm話俾我哋知：）
Instagram：creatrip.hk