Hello，大家好，我哋係由韓國人每日提供最新韓國旅行資訊嘅Creatrip。
韓國嘅潮流一直都有唔少追，原因係好多佢哋好多產品簡單得嚟又有特色。當中大家嚟到旅行，更加唔可以錯過就一定係要入手一對鞋，今日想同大家介紹韓國Shoopen，好多鞋款都可以喺度搵到，而且價錢親民，唔買真係會後悔！
弘大「Shoopen」資訊
- 地址：서울 마포구 양화로 153
- 營業時間：每日 11:00 - 22:00
- 小Tips：弘大站1號出口附近
弘大「Shoopen」推薦原因
- Shoopen 有好多種唔同設計同顏色嘅時尚鞋款可以揀，任何性別、年齡層都有適合嘅風格。
- 位於弘大站1號出口附近，非常方便。
- CP值高，而且成日都有新貨同促銷活動。
- 除咗有鞋賣之外，呢度仲有帽、手袋、眼鏡等。
弘大「Shoopen」介紹
今日想帶大家行吓街，Shoopen對於韓國人嚟講係一個平價得嚟又多高質嘅商品，小編今次去到弘大店，佢就喺1號出口隔離，遊客嚟到行都非常方便！
一入到鋪頭，小編發現呢到有一個專區係專賣 Shoopen x FCMM 嘅聯名，呢個系列嘅鞋真係好可愛！唔單只有高筒、低筒同時仲有懶人鞋，設計簡單得嚟仲有唔同顏色揀，襯衫一流！
Shoopen聯名款除咗有鞋款之外，仲有手各款手袋， 如果係想要Sporty啲可以揀FCMM，想要啲冷色系同大地色系可以揀知名畫家collection x Jeon Hwangil聯名款、鍾意甜美風可以揀Be my Love by collection系列。
因為鞋嘅款式設計簡單得嚟又多顏色揀，所以無論點襯都可以好夾，特別係高筒鞋除咗可以增高之外，仲可以幫大家拉長對腳嘅比例！想要長腿話咁易
唔知大家買嘢會唔會成日糾結好耐，唔知買邊款好呢？弘大Shoopen店有提供各種MBTI適合嘅顏色，如果大家唔知自己MBTI係咩，仲可以掃佢哋QR Code去測試，相當有趣！
除咗多鞋款之外，呢度仲有好多帽、手袋同其他飾物賣，大家可以慢慢行。
Shoopen本身賣嘅商品，價錢已經好親民，但佢成日都會做更多優惠，好似而家上圖嘅麂皮涼鞋，一對只要₩7,000（大約HKD49），咁平唔買返對，真係對唔住自己。
如果喺夏天覺得著波鞋太焗，可以買返對懶人鞋？casual得嚟又易襯，一對只要₩10,000（大約HKD70），喺韓國係大勢，超多人買嚟著！
波鞋款都有好多選擇，設計簡單，基本白鞋款應該每人都會有一對。
行Shoopen有一個好處係，呢度嘅鞋盒係一字排開，大家睇啱只要自己拎去俾錢就得，唔需要叫職員拎然後再等。
夏天真係唔可以少咗一對涼鞋，有啲仲有可愛圖案，買對放喺Office著都幾唔錯！
膠底涼鞋、無鞋帶布鞋或者基本款帆布鞋呢度都係一字排開，等住大家睇啱再帶返屋企。
另一個受歡迎聯名款系列有Shopopen X Chupa Chups，每對鞋上面都印有「Chupa Chups」標誌，特別受女性歡迎。
嚟到韓國又點可以唔買襪返去？基本款、公仔款等呢度都有。
背囊、帆布袋、帆布斜孭袋等任何年紀層都可以孭。
如果係返緊工嘅OL女性，都可以嚟呢度睇吓啲皮袋，可以用超平價格入手一個。
小編去到嘅時候，咁啱太陽眼鏡做緊特價，由₩19,000（大約HKD133）減到₩7,000（大約HKD49），平到咁點可以唔入手一副？
有Cap帽、編織帽等，好啱而家夏天帶去海邊戴。
呢度仲有設置一個區係專賣男裝鞋，所以男性都唔使再怕只陪女朋友睇，自己冇得睇啦
每一款鞋價格都好親民，總有一對會啱大家心水。
呢種糖果色鞋真係最啱夏天著。
小編去到嘅時候，好多女裝鞋都做緊特價，一對只係₩15,000（約HKD105）。
如果返工需要著到高踭鞋，大家都可以嚟睇吓，有唔同顏色可以揀。
韓國好流行著樂福鞋，俾人感覺休閒得嚟又好有個性。
呢度嘅職員好識配搭，令人睇到好想直接一套返買屋企
呢種平底鞋，特別係襯裙嘅時候超好睇，如果大家一直都未入手一對，可以嚟弘大Shoopen睇吓。
睇啱攞完新貨之後就可以去收銀處俾錢，等俾錢嘅時候，大家仲可以邊排住隊邊睇有冇咩啱再買，俾一個機會大家最後衝刺
大家行Shoopen嘅時候，真係唔可以錯過每一個角落，因為話唔定會搵到一啲小驚喜！
以上係弘大「Shoopen」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk