Hello，大家好，我哋係由韓國人每日提供最新韓國旅行資訊嘅Creatrip。
韓服（한복）係象徵住韓國文化嘅傳統服飾，唔少人嚟韓國旅行都會著韓服體驗，不過以往韓服喺每個時期都有少少變化，今日就等我哋一齊了解吓啦！
各時代韓服變化
1. 三國時代 (삼국시대)
時期：公元前 37 年 ~ 676 年
instiz
女性韓服主要分為jeogori - 저고리（上身）、chima- 치마（裙）同 durumagi - 두루마기（長袍）。 而男性韓服分為jeogori - 저고리（上身）、baji - 바지（褲）同durumagi - 두루마기（長袍）。
基本上除咗下身之外，其他係一樣，男性著褲，女性就著裙，當時呢種穿著都著咗好長時間，喺直到三國時期先形成今年今日都著緊嘅兩件式襯衫風格。
三國末期，貴族婦女開始著束腰長袍同長裙遮住雙腳，而貴族男士會著寬鬆束腳褲。
與此同時，中國絲綢長袍出現，只有皇室同高官會著，老百姓嘅衫簡單得多，女性只允許著灰色，男性外套只有到臀部長度。
高句麗 (고구려)
百濟 (백제)
instiz
Sport Chosun
新羅 (신라)
統一新羅時期 (통일신라시대)
時期：676年 - 935年
Doopedia
呢個時期係貴族服飾黃金時代。新羅將三國統合，吸收高句麗同百濟發達文化，改善同唐朝關係，促進文化繁榮，積極交流。 同時喺韓服方面亦都不斷進化。
instiz
呢個時期只要睇服飾就可以知道屬於咩社會階層，當時時代服裝深受中國影響，durumagi - 圓領寬袖外套，呢套服裝包括一條長裙，一件短襯衫同一條披喺肩上嘅褶邊頸巾。
高麗時代 (고려시대)
時期：918年 -1392年
男女服裝差異縮小，高麗國王同蒙古帝國簽訂和平條約時，娶咗一位蒙古王后，朝廷官員亦著蒙古族服飾。 由嗰時起，裙變更短，jeogori（上身）只喺腰部同胸前打蝴蝶結（而唔係腰帶），手袖位被剪成柔和優雅曲線。
另外，高麗時期服飾同樣仍受中國文化影響。 不過同統一新羅時期相比，男女服飾差別唔大，反映出對女性歧視較少嘅時期，亦冇明顯強調階級觀念。
朝鮮時期 (조선시대)
時期：1392年 - 1876年
朝鮮初期，由於儒家思想引入，服飾變化唔算太大，但係隨住商品出口同貨幣經濟發展，本身嚴格嘅規定都變得逐漸放鬆，大家喺衣著方面都越嚟越舒服。
去到後期，女性嘅 jeogori 設計得更緊同更短。喺16 世紀，jeogori 非常闊且低於腰部，但到咗朝鮮王朝末期（19 世紀），設計得非常短，以至於唔可以覆蓋整個胸部，由嗰時起，女性會喺下面加了一件叫heoritti嘅襯衫。
instiz
喺朝鮮後期，韓國人會揀著長裙或合身短裙。 裙入面會著好多其他襯裙，令到條裙睇落更蓬鬆，望落去更靚。
上等階級嘅韓服係用麻或輕質高級織物編織而成，而普通階段嘅人只允許著純棉製嘅衫。
instiz
上等階級嘅小朋友同女性會著得比較色彩鮮豔，而中年人會著柔和色系。
法例仲規定，普通人只可以著白色衫，但喺特殊場合可以著淺粉紅色、淺綠色、灰色同炭灰色。 如果要睇得有風度同有禮貌，當男性外出嘅時候，仲要著一件及膝durumagi。
現代韓服
而家唔少韓國人都鍾意著「生活韓服」，將傳統韓服喺設計同用料上，改咗唔少變代。夏天韓服以麻佈為主，冬天韓服以羊毛為主，所以冬暖夏涼。
唔少韓星都有著，價錢亦都唔貴，有興趣嘅朋友都可以參考吓同買返件（撳我）。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
