Hello，大家好，我哋係由韓國人每日提供最新韓國旅行資訊嘅Creatrip。
喺疫情一直都未有好轉嘅情況下，唔少人都因為咁而失去工作，尋日新聞就有報導講出一位男士A因為疫情影響，已經半年冇工開，佢獨自養起一個7歲嘅女，最後收到一份意想不到嘅禮物。
Pizza老闆一個窩手舉動
SBS NEWS
因為囡囡生日，男士A想為佢準備一餐好嘅，可惜身上只得返571won（約HKD4），雖然之前有煮一餐俾囡囡，但男士A仲係覺得唔夠，希望佢可以食好啲。
SBS NEWS
所以鼓起勇氣諗住用外賣apps落單，男士A寫到：「因為我自己一個獨自湊緊七歲嘅女，而家冇錢可以即刻俾，不過只要到20號收到基礎生活費，就會即刻還俾你，一定會還！」
SBS NEWS
老闆收到呢個message之後，即刻撳咗「確認訂單」，再送出一份Pizza。盒上面仲寫到「唔好覺得有負擔，只要囡囡想食嘅話，隨時都可以聯絡我。」
SBS NEWS
男士A收到之後覺得好幸福，佢仲話：「只要見到囡囡食得開心已經覺得好幸福，呢個恩永遠都唔會忘記，會俾心機繼續生活落去。」
SBS NEWS
之後節目組去到搵呢一位Pizza老闆，原來佢只係得32歲，佢講到：「喺呢個疫情底下，大家都好辛苦，反而仲覺得幫唔到好多有啲可惜，希望男士A可以健健康康，想食嘅時候希望隨時都可以聯絡我。」
SBS NEWS
因為男士A唔知點可以報答呢位老闆，囡囡就畫咗一幅畫，Pizza老闆收到都好開心，仲話因為第一次收到，反而我覺得更加多謝佢。」
疫情一直未有好轉，喺呢個艱苦嘅環境底下，可以體驗到人間相當有愛，希望大家可以一齊撐落去，等到疫情好轉，唔需要再戴口罩，可以一直開心咁笑落去。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
