Hello，大家好，我哋係由韓國人每日提供最新韓國旅行資訊嘅Creatrip。
疫情之下，大家都冇得出國旅行，為咗放鬆吓，過吓旅行癮，都會book酒店度吓假，衍生咗「staycation」呢個詞語。韓國人一樣都會staycation，而且仲將呢個字發揚光大，睇吓佢哋仲有啲咩cation啦！
韓國嘅「XXcation」 (X캉스)
「staycation」係由「stay」+「vacation」（度假）組成，而韓國多會用vacation嘅法文「vacance」 (바캉스)。
Ho-cation (호캉스)
호텔스컴바인, 호캉스 테마 신규 TV광고
「호캉스」係由hotel (호텔) + vacance (바캉스) 組成，意思同staycation一樣，喺酒店度假。
Home-cation (홈캉스)
「홈캉스」係由home (홈) + vacance (바캉스) 組成，意思即係喺屋企度假，做宅男宅女。疫情肆虐，政府都呼籲大家留喺屋企，避免外出，韓國亦都有另一個詞語表達，叫「집콕」。
Pool-cation (풀캉스)
「풀캉스」係由pool (풀) + vacance (바캉스) 組成，意思去泳池玩樂，放鬆身心。而家好多酒店都興喺泳池度邊游（浮？）邊嘆美食。
Chon-cation (촌캉스)
「촌캉스」係由 (촌) + vacance (바캉스) 組成，意思去村莊度假，韓國人平時放假都鍾意去村落都過吓農村生活，食材新鮮有營養，覺得咁樣好養生。iKON、STAYC都拍過去村莊玩嘅影片，大家都可以睇吓。
Book-cation (북캉스)
「북캉스」係由book (북) + vacance (바캉스) 組成，意思融入書中世界嚟放鬆自己，例如去書店、圖書館打吓書釘，或者買幾本書返屋企慢慢睇。呢個度假方法啱晒啲書蟲，但係唔鍾意睇書嘅人就可能好似曹政奭咁！（上圖）
Muk-cation (먹캉스)
「먹캉스」係由 食(먹다) + vacance (바캉스) 組成，意思係放假時食大餐，慰勞自己，好似去酒店嘅自助餐、高級餐廳度享用美食，都可以叫먹캉스。
Ca-cation (카캉스)
「카캉스」係由cafe (카페) + vacance (바캉스) 組成，意思去cafe享受假期。韓國出名多又靚又有特色嘅cafe，週末嘅時候同另一半、朋友去cafe，欣賞吓靚景，嘆返杯咖啡，食返個甜品，係一個好好嘅消遣同減壓嘅方法。
P-cation (피캉스)
insight
「피캉스」係由網吧 (피시방) + vacance (바캉스) 組成，意思係放假去網吧打機娛樂。韓國嘅網吧唔只得電腦咁簡單，仲好似餐廳咁有各式各樣嘅美食，真係可以喺網吧過一日。呢個度假方法啱晒啲打機迷，可以同三五好友一齊去網吧連線，超過癮。
Ki-cation(키캉스)
「키캉스」係由kid (키드) + vacance (바캉스) 組成，意思同小朋友一齊家庭式度假。好多時酒店房都係得大床，冇特別為帶埋小朋友出遊嘅家庭而準備嘅設施，最近因為多咗一家大細去酒店度假，所以唔少酒店都將酒店房設計得好可愛，好精緻，仲有唔少俾小朋友玩嘅設施。
Pet-cation (펫캉스)
nate
「펫캉스」係由pet (펫) + vacance (바캉스) 組成，意思帶埋寵物一齊去度假。疫情之前唔係好多酒店容許帶寵物，不過疫情之後，多咗本地人留喺酒店度假，所以特別設一啲俾寵物都可以舒舒服服咁休息嘅房間，等養寵物嘅人可以帶埋自己嘅寶貝一齊度假。
以上就係疫情之後，創出嘅度假方法同名稱，大家除咗staycation，仲想點樣度假輕鬆一吓呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
