2021夏季流行髮飾
唔只服飾走復古風，連髮飾都好復古，睇吓屋企陳年髮飾又啱唔啱？
Wingyin Chan
4 years ago
Hello，大家好，我哋係由韓國人每日提供最新韓國旅行資訊嘅Creatrip。
上年再次興起大腸髮圈，今年繼續走復古風，除咗大腸髮圈，仲興啲咩？一齊睇落去啦！
2021夏季流行髮飾
大腸髮圈
上年夏天興起嘅復古式大腸髮圈，到今年仍然熱潮未減。大腸髮圈紮起長髮，即刻變女神。用同髮色同色系嘅話，更有天然美女嘅感覺。不過唔一定要長髮先紮到，中短髮紮一樣咁好睇。如果髮圈同埋上衫襯埋色嘅話，就更加分。
大頭箍
今年依然走復古風，大型闊身嘅頭箍就唔少得，韓國仲叫呢種頭箍叫「金喜善頭箍」。長直髮但手殘唔識捲造型，簡單加個純色頭箍就已經好迷人，曲髮戴一樣好可愛，有一種High Teen嘅感覺。
BB髮夾/啪啪髮夾
最近好多女偶像都興起夾一啲顏色鮮豔嘅嘅BB髮夾（因為係啪開咁夾，又稱「啪啪髮夾」），顯得更加活潑。如果係有鑲珍珠、人造石嘅髮夾就高貴啲。細型嘅可以同一邊夾幾個，又或者怕太花巧嘅話，可以簡單夾兩個細嘅，或者一個大型嘅啪啪髮夾，清純度大增。
鯊魚夾
本身鯊魚夾係喺屋企將長髮夾起，唔好阻止自己做嘢，好少會夾出街。不過近來嘅設計相當有特色，擺脫「阿嬋」風，同時又保留日常嘅自然感，有一種偽裝冇打扮嘅風格。可以將所有頭髮夾起，又或者夾起一小撮頭髮，兩種style都一樣咁有魅力。
以上就係今個夏天流行髮飾，可以話係復古風大行其道，唔知大家又有冇入手呢啲髮飾呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
