Hello，大家好，我哋係由韓國人每日提供最新韓國旅行資訊嘅Creatrip。
想喺韓國都食到CP值高嘅港式點心？咁就一定要去鼎點1968！ 每盅點心夠大件，而且味道唔會令人失望！首爾總共有兩間分店，只要係我哋會員仲可以有9折優惠添！
新沙「鼎點1968」資訊
- 地址：서울 강남구 강남대로160길27
- 營業時間：11:00 - 22:00 （Break Time 15:00 - 17:30、Last Order 20:50）
新沙「鼎點1968」推薦理由
- 長期留喺韓國嘅香港朋友，相信大家一定都會好掛住港式點心，而家只要嚟鼎點1968就會有種短暫返香港嘅感覺。
- 味道同香港食嘅點心幾乎係一樣，好有家鄉嘅感覺。
- 嚟旅行如果怕每日只食韓國嘢，可以去鼎點1968食得中式啲。
- 每件點心都大大件，CP值超過，價錢唔算好貴。
新沙「鼎點1968」優惠
- 下載優惠券，埋單嘅時候即享9折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
新沙「鼎點1968」菜單
菜單 | 價格 |
鼎點全餐Set B 세트B | ₩25,500 |
鼎點特色飯 딩딤덮밥 | ₩8,000 |
小籠包 샤오롱바오 | ₩8,000 |
港式雲吞麵 딩딤완탕 | ₩8,000 |
蟹子燒賣皇 시우마이 | ₩7,500 |
新沙「鼎點1968」介紹
當日小編大約2點左右去度，當時都有唔少客人喺度食緊，好多喺附近返工嘅都會嚟呢度飲茶。
座位都好夠闊落，比較特別少少嘅係呢度有一個窗口位，大家可以望住街景飲茶。
見到呢度嘅海報特別有親切感，香港唔少周刊都有報道過。
同鐘閣店一樣，嚟度嘅時候，每一張檯上面都會有餐牌（前後都有）同一張落單紙，大家只要睇啱食啲咩，之後再喺落單紙度剔就可以。
落完單之後職員就會送上小食、豉油，同埋茶。雖然呢度唔係用香港嗰種茶壺，但味道都好港式，佢哋係專用香片茶。
唔使等好耐所有點心就嚟齊，相當之有效率。因為上次試過單點，今次小編就試吓佢哋嘅鼎點全餐（SET B），套餐包括2粒足三兩蝦餃、2粒蟹子燒賣皇、2粒鮮蝦菜苗餃、1件賽螃蟹春卷（分一半）、鼎點焗叉燒包同埋一件古法糯米卷。另外再叫多咗香煎蘿蔔糕同鼎點特色飯。
鼎點全餐（SET B）（₩25,500）
因為呢度嘅點心相對都比較大粒，所以每一款有兩件，都相當貼心，而且款式有較多，蝦餃好晶瑩剔透，薄皮啖啖肉，超好味，唔少韓國人好鍾意點甜豉油一齊食。
鮮蝦菜苗餃亦都一樣用料十足，皮薄多餡，令人食完超滿足。
燒賣大大粒，豬肉一啲都唔腥，仲要係超嫩。
春卷一樣都係冇令人失望，味道同香港食嘅一模一樣！
古法糯米卷大大件，好黏，喺韓國真係好難見到，味道冇令人失望，超好味！
呢到嘅叉燒包同我哋平時香港食嘅有啲唔同，呢到係偏甜，好特別，不過好都好好味！
鼎點特色飯（딩딤덥밥）（₩8,000）
呢款係經理推薦俾小編，鼎點特色飯係有荷包蛋同蝦餅同豉油飯，一送到上嚟已經聞到好香，令人超期待。將所有料撈勻再食，有啲似韓式q拌飯咁嘅食法。
喺香港可能會食叉燒飯、燒髀飯、叉鴨飯多，但呢款韓式蝦餅飯真係令人一食愛上！ 蝦餅好彈牙，加埋豉油同蛋一齊食真係好夾！小編超推！大家一定要試！
小編覺得喺韓國可以以呢個價錢食到港式點心真係超抵！之後嚟韓國唔想食韓國嘢，又想食返啲港式點心，都可以去新沙同鐘閣站嘅鼎點1968， 只要係我哋會員，兩間都可以有9折優惠！
新沙「鼎點1968」前往方法
新沙站6號出口一直直行，見到加油站再直行多少少會見到一間花店（명보화원）轉右，之後一直直行大約2分鐘，會見到鼎點1968喺左手邊。
點先可以享有新沙「鼎點1968」優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係新沙「鼎點1968」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
