Hello，大家好，我哋係由韓國人每日提供最新韓國旅行資訊嘅Creatrip。
在韓嘅香港朋友，留喺韓國太耐，係咪都會好掛住香港嘅一盅兩件呢？想同朋友去飲茶又唔知邊間好？小編推薦大家可以去鼎點1968，味道同香港幾乎有95%以上一樣！
鐘閣「鼎點1968」資訊
- 地址：서울 종로구 우정국로 26
- 營業時間：11:00 - 22:00 （Break Time 15:00 - 17:30、20:50）
鐘閣「鼎點1968」推薦理由
- 長期留喺韓國嘅香港朋友，相信大家一定都會好掛住港式點心，而家只要嚟鼎點1968就會有種短暫返香港嘅感覺。
- 味道同香港食嘅點心幾乎係一樣，好有家鄉嘅感覺。
- 嚟旅行如果怕每日只食韓國嘢，可以去鼎點1968食得中式啲。
- 每件點心都大大件，CP值超過，價錢唔算好貴。
鐘閣「鼎點1968」優惠
- 下載優惠券，埋單嘅時候即享9折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
鐘閣「鼎點1968」菜單
| 菜單 | 價格 |
| 蟹子燒賣皇 시우마이 | ₩7,500 |
| 鮮蝦菜苗餃 초이가우 | ₩7,500 |
| 足三兩蝦餃 킹 하가우 | ₩7,500 |
| 黑松露小籠包 트러플 샤오롱바오 | ₩9,000 |
| 賽螃蟹春捲 춘권 | ₩6,500 |
| 港式雲吞麵 딩딤완탕 | ₩7,500 |
鐘閣「鼎點1968」介紹
由鐘閣站3-1號出口出嚟之後，直行少少望右邊會見到Centropolis Mall，喺門口會見到呢度有嘅餐廳，見到鼎點1968行入去就可以。
入到去之後行左邊，就會即刻見到鼎點1968門口。
入到去就會俾人一種好似去咗懷舊餐廳咁，裝修都好有格調。
望住呢個背景，大家係唔係都覺得好熟悉呢？大家又會唔會知道呢度係香港邊區同邊度呢？
入到去坐底之後，每一張檯上面都會有餐牌（前後都有）同一張落單紙，大家只要睇啱食啲咩，之後再喺落單紙度剔就可以，餐牌同落單紙都有中、英、韓文介紹，大家唔需要擔心睇唔明。
落完單之後職員就會送上小食、豉油，同埋茶。雖然呢度唔係用香港嗰種茶壺，但味道都好港式，佢哋係專用香片茶。
因為當日小編避過繁忙時間去，落完單之後，大約等10分鐘左右，所有點心就嚟齊，相當之快。
去飲茶又點可以唔食番一盅兩件呢？呢度每一粒點心都超大粒，用料超足。
蟹子燒賣皇 시우마이（₩7,500）
去飲茶又點可以唔食燒賣呢？呢度嘅燒賣同香港食到嘅可以話係一模一樣！相比之下佢仲更大粒，肉好嫩，一啲都唔覺得腥。
鮮蝦菜苗餃 초이가우（₩7,500）
每食一啖都有好多菜同蝦碎，皮唔會做得太厚，好好味。呢度有個貼心位係，知道未必每個人都敢食芫茜，所以冇放入去，但如果需要，職員都會另外送上。
足三兩蝦餃 킹 하가우（₩7,500）
呢度嘅蝦餃晶瑩透亮，皮薄餡多，超彈牙！
黑松露小籠包 트러플 샤오롱바오（₩9,000）
平時食嘅小籠包可能都係細細粒，但呢度相當之大。
雖然佢大大粒但都好有肉汁，湯嘅味道都好鮮，不過有啲可惜嘅係唔太食到黑松露味。
賽螃蟹春卷 춘권（₩6,500）
春卷炸到金黃色，入面包滿蟹肉同菜，一啖咁食超滿足。
港式雲吞麵 딩딤완탕（₩7,500）
呢個價錢可以食到港式雲吞麵真係相當之抵，因為佢每一粒雲吞，都係用大大隻鮮蝦，皮又夠薄，食得多都唔會覺得膩。
湯底都好有鹼水味，不過有啲可惜嘅係如果佢麵底係用蛋麵會更加港味。
整體嚟講，小編都覺得好唔錯，味道幾乎有95%以上同香港一樣，之後嚟韓國，或者留喺韓國太耐嘅朋友，只要掛住港式點心，都可以去呢度回味吓，只要係我哋會員，更加可以享有九折優惠！
鐘閣「鼎點1968」前往方法
由鐘閣站3-1出嚟直行過馬路，望右邊會見到Centropolis Mall，入到去之後行左邊就會見到㗎啦。
點先可以享有鐘閣「鼎點1968」優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係鐘閣「鼎點1968」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
