Hello，大家好 ，我哋係由韓國人每日提供最新韓國旅行資訊嘅Creatrip。
潮流呢樣嘢每時每刻都改變緊，又有話十年一個循環。2021 年夏季韓國又興啲咩呢？跟住小編一齊睇落去啦！
2021韓國8大夏季流行時裝
1. Haribo 頸鏈
喺韓綜《驚人的星期六》入面，太妍展示咗多種時尚風格，最近佢跟上Haribo頸鏈嘅熱潮，係而家韓國年輕人好鍾意嘅飾物。
呢啲得意嘅熊仔係嚟自 Mikshimai 品牌，用Haribo 標誌性嘅熊仔製成頸鏈，感覺好似jelly，好可愛。
BTS、泫雅都幫呢款項鏈做代言。一般明星代言嘅飾物都好貴，但呢款 Haribo 頸鏈嘅價格就相當抵，可以入手返幾條追上潮流。除咗頸鏈之外，仲有手扼同戒指。
2. Crocs涼鞋＋可愛扣
一到夏天，Crocs涼鞋就人氣暴升，落雨時著Crocs涼鞋，方便又快乾，唔使怕焗到對腳有異味。
一對望起嚟好簡單嘅 Crocs 涼鞋，只要加上可愛嘅扣，就可以創造出具個人特色、獨一無二嘅涼鞋。
好多韓國星都鍾意自己設計返一對屬於自己嘅Crocs！
3. 針織漁夫帽
夏天咁曬，冇返頂帽遮一遮點得呢？今年夏天韓國就興呢款針織漁夫帽，係用針織紗或莎草編織而成，所以好涼爽，啱晒熱辣辣日嘅夏天。
顏色方面，唔只經典米色、同啡色，今年夏天仲流行織成唔同圖案嘅帽子，好有活力！
4. 鉤織品
除咗帽之外，好多韓星都著鉤織嘅背心、吊帶、罩衫、或者係裙，款款都好靚，著上去又可愛又突出。
如果覺得單著鉤織嘅衫會唔舒服，可以喺裏面搭多一件Tee或者襯衫，下身配牛仔就襯晒。
5. 網袋
今年係韓國街上見到好多人孭網袋。網袋有平有貴，1萬-10萬韓元都有，款式都幾多樣化。
孭上網袋，即刻散發出夏天嘅味道，通風又時尚。不過最好揀一啲粗線嘅網袋，如果織線太細，就會好似漁網，或者墊係水果下面嘅網袋咁
6. 方頭涼鞋
一到夏天，方便又涼爽嘅涼鞋嘅係各位嘅心頭好。 2021 年夏季就係呢款方頭涼鞋。 除咗基本嘅黑色、白色，粉色系都好受歡迎。
方型嘅鞋頭有一種優雅、經典嘅感覺。 如果身型較嬌小嘅話，最好揀返啲鞋型比較細嘅方頭涼鞋，因為方頭會顯得腳短。
7. 天然灰人字拖
Musinsa
呢個係 TAW&TOW 新款夏季人字拖。 拋開以往薄底嘅人字拖，最近韓國年輕人鍾意呢種顯得肥肥地嘅人字拖，顯得可愛啲。
Musinsa
呢款涼鞋採用無縫設計，唔怕行行吓斷開或者跣倒，材料非常柔軟舒適。 尤其鞋底有增加4cm左右嘅效果。 目前呢款人字拖嘅售價大約 38,000 韓幣。
8. 長裙搭牛仔褲
BLACKPINK Rosé 最近喺節目亮相時，著咗呢種長裙搭牛仔褲嘅風格，望落斯文得嚟，有幾分隨性。
大家嘅衣櫃都應該有長裙同牛仔褲，兩樣搭埋一齊就OK！如果係高開衩嘅裙就更加靚漂亮。
以上就係 2021 年夏季超人氣嘅 8 種流行時裝，大家又鍾意呢個造型呢？如果想買相關商品，可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
