Hello，大家好，我哋係由韓國人每日提供最新韓國旅行資訊嘅Creatrip。
大家睇奧運係咪都睇到唔夠喉呢？等小編簡介一啲同運動有關嘅電視劇同電影，俾大家過吓癮啦！
與運動有關嘅影視推介
電視劇
羽毛球少年團 (라켓소년단/2021)
主演：金相慶、吳娜拉、陳峻相、孫相淵、崔顯旭、金康勳、李在仁、李智元
故事發生喺全羅南道海南郡嘅一條鄉村入面，以海南某中學為背景一班16歲嘅後生仔、後生女夢想成為羽毛球界嘅偶像，組成羽毛球少年團，被稱為「Racket少年團」嘅挑戰故事。
戀愛革命 (연애혁명/2020)
主演：朴志訓、李璐菲、泳勛、多榮
改編自同名網漫《戀愛革命》，故事圍繞10零歲嘅學生，可愛撒嬌型嘅男主角，同冰雪美人女主角發生搞笑浪漫故事。其餘朋友都各有個性，當中有為食同時擁有優秀boxing能力嘅角色，原來係宇宙少女多榮演嘅，同平時形象好唔同，真係估唔到！
《奇蹟拍檔》(스토브리그/2019)
主演： 南宮珉、朴恩斌、吳正世、趙炳圭
講述一個曾經令好多墊底嘅運動隊起死回生嘅男人，嚟到一隊長年排名包尾嘅職業棒球隊 Dreams 擔任新團長之後，點樣令球隊重振聲威嘅故事。
한국경제
《三流人生》(쌈 마이웨이/2017)
主演：朴敘俊、金智媛、安宰弘、宋昰昀
男主角以前係跆拳道高手，因為屋企財政問題而故意輸比賽，之後一蹶不振，而女主角由細到大都希望成為播音員，但因為經濟問題冇辦法上專業課程同進修，雖然有才能但冇背景嘅關係而屢次面試失敗。二人受刺激後勇於追求夢想，同時發展浪漫愛情故事。
舉重妖精金福珠 (역도요정 김복주/2016)
主演： 李聖經、景收真、南柱赫、李載允、曹惠晶、劉多仁
以韓國前國家舉重選手張美蘭為原型，講述一直追求金牌夢嘅舉重運動員因為外型問題而一直同戀愛扯唔上關係，後來遇上泳隊天才型男，慢慢發生情愫。
《豪苟的愛》(호구의 사랑/2015)
主演： 崔宇植、UIE、林瑟雍、李秀卿
《豪苟的愛》改編自同名網絡漫畫，講述從未談過戀愛嘅單身男、游泳女神、精英律師、戀愛高手四人之間複雜搞笑嘅浪漫故事。
花樣少年少女 (아름다운 그대에게/2012)
主演： 珉豪、Sulli、李玹雨、金智媛
改編自日本漫畫《偷偷愛着你》， 喺美國長大嘅韓國僑生特別鍾意一名跳高選手，為咗見佢而女扮男裝轉入嗰個選手所讀嘅男校後，同其他男同學發生一系列青春故事。
《Birdie Buddy》 (버디버디/2011)
主演： U-ie、李龍宇、李多熙、尹宥善、吳賢慶
改編自曾獲韓國漫畫大獎嘅高爾夫漫畫《BUDDY》，結合咗高爾夫同武俠嘅獨特風格，主要講述鄉下天才少女夢想成為職業高爾夫選手嘅故事，除咗奮鬥故事之外，仲有家庭愛同對手比賽嘅緊張情節，當時係一套好受歡迎嘅劇集。
《醫生冠軍》 (닥터챔프/2010)
主演： 金素妍、嚴泰雄、鄭糠雲、車藝蓮
女主角原本係醫學界嘅明日之星，但因為挺身揭發指導教授嘅醫療醜聞而被趕出醫院，個性倔強，唔識轉彎，因緣巧合咁成為柔道國手嘅主治醫生，同時愛上擁有悲傷過去嘅醫務長，三人開啟咗一段愛情與夢想嘅追逐戰。
電影
Baseball Girl (야구소녀/2020)
主演：李周映、郭東延、李浚赫、廉惠蘭
高中棒球隊唯一嘅女選手，打出嘅求最高球速134公里，旋轉能力強，被冠以「天才棒球少女」嘅綽號。 高中畢業後，雖然夢想加入職業隊繼續打棒球，但因為係女性而處處碰壁，屋企人、朋友、教練都叫佢放棄嘅時候，棒球部嚟咗新教練，慢慢產生變化。
《五個跳雪的少年》/《國家代表》(국가대표/2009)
主演： 河正宇、金知碩、金東昱、李在應
根據1996年出征奧運，韓國跳台滑雪隊嘅真人真事改編。某年冬季奧運喺韓國一個小鎮展開，但係規定如果韓國唔參加比賽，就會被取消舉辦資格，所以委員會決定臨時組成一個代表隊參賽。一名韓裔運動員從小被美國家庭收養，為咗搵親生母親而返到韓國，然後被迫同另外4個年輕人組成跳台滑雪隊，展開佢哋克服困難嘅感人勵志故事。
《國家代表2》(국가대표2/2016)
主演：秀愛、吳漣序、金瑟琪、河在淑、陳智熙、金叡園、吳達庶
繼上面提嘅《國家代表》之後，2016年開拍第二集。講述韓國第一次，亦係唯一嘅女子冰球國家代表隊嘅創團過程。當中有脫北者、從短道滑冰界退出嘅選手、大嬸、中學生...等，各有唔同經歷嘅選手們聚首一堂，慢慢成長為無愧於國家嘅代表選手。
《速水花美男》(노브레싱/2013)
主演：徐仁國、李鍾碩、權俞利
呢部電影係以韓國游泳選手朴泰桓為原型創作而成，以游泳競技為背景，一名前途光明嘅游泳冠軍因為爸爸一次職業泳賽意外身亡，媽媽又因為傷心過度相繼去世，大受打擊嘅佢放棄游泳，過住胸無大志嘅日子。而佢嘅競爭對手隨即上位，但因為衝動闖禍，被國家游泳隊除名。後來二人再次喺泳場交手，又愛上同一個女仔，因而展開愛情、友情之間嘅對決。
《我的馬拉松》(말아톤/2005)
主演：曹承佑、金美淑
電影根據一名有自閉症嘅馬拉松選手裴炯振嘅故事改編。講述一位有先天自閉症嘅青年，唯一可以溝通嘅就只有媽咪同馬拉松。青年熱愛跑步，媽咪說服教練訓練青後，慢慢青年之後變得更加厲害。同時媽咪因為照顧青年而健康變差，病倒醫院，而教練幫青年報名參加馬拉松比賽亦即將展開。呢套電影被選為第42屆大鐘獎最佳影片，飾演男主角嘅曹承佑亦憑電影奪得大鐘獎、百想藝術大賞影帝。
《Dream》(드림/預計2021年上映)
主演：朴敘俊、IU
故事講述一名足球選手面臨球員生涯最大危機，同生平第一次踢波嘅特別國家隊隊員挑戰霍姆斯世界杯嘅愉快故事。
乘住奧運嘅熱潮，推薦大家以上同運動有關嘅電影同電視劇，相信大家就算疫情唔出得街，都可以過一個開心嘅夏天！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
