Hello，大家好，我哋係由韓國人每日提供最新韓國旅行資訊嘅Creatrip。
2020東京奧運仲係進行得如火如荼，見到各國選手嘅傑出表現，再企喺頒獎台上拎獎真係好為佢哋驕傲。小編今日想同大家介紹韓國喺2020東京奧運以及咁多屆奧運以嚟有過邊幾首應援歌曲，聽完大家都會覺得超熱血！
韓國奧運應援歌曲
2020東京奧運
- 〈2021阿里郎〉
韓國傳統民謠〈阿里郎（아리랑）〉作為2020東京奧運韓國代表隊應援歌，由演唱世界盃應援名曲〈喔！韓國必勝〉歌手尹道賢獻唱，再次演譯著作保護期結束嘅〈競技阿里郎（경기아리랑）〉，帶俾大韓民國國民，以及參加奧運會選手傳達加油。
〈2021阿里郎〉嘅音源，為咗參與著作權捐獻文化擴散，將歌曲收益同所有權捐贈俾韓國，俾國民自由使用，一齊為2020東京奧運韓國選手加油。
2016里約奧運
- 〈My Hero〉
2016里約奧運時，大韓民國國家代表選手會公開咗〈My Hero〉一曲，為參加里約奧運國家代表選手加油同助威。
值得一提嘅係，〈My Hero〉一曲係由寫出無數Kpop名曲嘅趙英秀作曲家編寫，並由國家代表隊前輩參與，例如拳擊選手白賢萬、射擊選手李垠澈、摔角選手沈權虎、體操選手呂洪哲、手球選手尹賢京等23人，以及Super Junior利特、EXO SuHo、Kassy等人共同製作、獻唱，成為SMTOWN最經典歌曲之一。
2012倫敦奧運
- 〈KOREA〉
倫敦奧運同時係PSY〈江南Style〉最紅嘅時候，韓國推出奧運應援代表歌曲〈KOREA〉，喺夾雜於現代同古代氣息嘅光化門、景福宮，集結大批體育人馬（包括殘奧選手）、傳統技藝表演，以一氣呵成拍攝形式，獲得相當高嘅關注同掌聲。
PSY所獻唱嘅奧運應援曲〈KOREA〉，亦成為近幾年奧運會以嚟最令人印象深刻嘅歌曲之一。
2008北京奧運
- 〈sonata of temptation〉、〈Champion〉、〈Get Ya〉、〈打擊後奔跑吧〉
2008年北京奧運應援曲比較特別，由當年度舉辦奧運嘅中國揀，納入奧運會上的官方應援曲，而其中有三首Kpop歌入選，分別係IVY〈sonata of temptation〉、PSY〈Champion〉同李孝利嘅〈Get Ya〉。喺當時網路仲未咁發達嘅時候，有三首Kpop歌曲入選，真係好難得。
另外，當年度北京奧運韓國棒球隊有一首官方應援曲，叫做〈打擊後奔跑（치고 달려라）〉，直到而家仲係體育賽事中熱門應援歌曲之一。
2004雅典奧運
- 〈喔！韓國必勝〉
雅典奧運已經係16年前，當時冇話會特登去製作應援歌，當時只係用咗以代表韓國、激勵士氣歌曲作為應援。根據當時調查結果顯示，〈喔！韓國必勝（오! 필승코리아）〉取得過半支持率，而第二名係〈大韓健兒萬歲（대한건아 만세）〉。
〈喔！韓國必勝〉之所以會成為韓國人心中應援神曲，係因為2002年世界盃，韓國為咗主場優勢，掀起全民加油熱潮而推出專輯中收錄〈喔！韓國必勝〉，當中以尹道賢版本最出名（今年東京奧運就係佢獻唱）。
2000雪梨奧運
- 〈為你振翅〉
2000年雪梨奧運，恰逢南北兩韓關係解冰時，當初更傳出韓國國寶歌手趙容弼，將會同北韓女歌手全惠英，兩人合唱應援歌曲（但後嚟消息無疾而終），所以一般嚟講，雪梨奧運應援歌係《Dream Song》。
其中最多人熟悉嘅係包括當代歌手金賢正、任昌丁、李承煥、安在旭、Baby V.O.X等15人一齊合唱嘅〈為你振翅（널 위한 날개）〉，以及金健模嘅〈Two Place〉、酷龍嘅〈First Mover〉、g.o.d嘅〈So You Can Come Back To Me（니가 다시 돌아 올 수 있도록）〉同白智英嘅〈負擔（부담）〉等歌曲。
1988漢城奧運
- 〈Hand in Hand〉
1988年舉辦漢城奧運，發表咗奧運史上第一首大會主題歌曲〈Hand in Hand〉，雖然喺發表當時，出現過唔少輿論，認為點解由韓國第一次舉辦嘅奧運，主題曲要由外國人作曲，但後嚟以「奧運係歡迎全世界嚟到韓國」為由，錄好呢隻歌。
另外，〈Hand in Hand〉發表時，亦顧慮到當時韓國民主化運動風起雲湧，亦製作咗韓文歌詞版本，同英文歌詞並行，並由喺韓國同歐洲都人氣超高嘅韓國重唱組合高麗亞那（Koreana）獻唱，成為奧運史上最成功一首主題曲！
以上係近幾年嚟，韓國喺參與奧運時發表過嘅應援曲，大家當中又聽過幾多首呢？有冇聽完都覺得超熱血呢？今年東京奧運準備進入尾聲，各位選手都辛苦，用咗最大努力爭取最好結果，希望大家都可以繼續支持佢哋同俾更多支持同掌聲佢哋！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
