Hello，大家好，我哋係由韓國人每日提供最新韓國旅行資訊嘅Creatrip。
今日（30號），IMDb喺電影《Marvels隊長2》 (The Marvels) 嘅演員陣容，加入朴敘俊嘅頭像同名，幾乎可以肯定朴敘俊嘅出演。
朴敘俊出演《Marvels隊長》續集
《Marvel》導演妮亞·達科斯塔（Nia Dacosta）早喺上年7月喺個人Twitter貼出朴敘俊嘅相，指係「我嘅新劇男友」（This is my new drama bf），表白自己鍾意朴敘俊。
今個月初更傳出朴敘俊加入漫威英雄電影《Marvels隊長》續集嘅消息，當時所屬公司Awesome娛樂方面表示「無可奉告」，將演出消息保密到家。
最近IMDb介紹電影《Marvel隊長2》嘅網頁上，主演名單中出現咗朴敘俊嘅頭像。IMDB係世界最大，又具公信力嘅電影信息網站，咁樣睇黎，朴敘俊嘅參演可以話喺99.99999%。名單中共有5位演員，包括飾演隊長嘅貝兒·娜森（Brie Larson）、飾演莫妮卡·拉姆博（Monica Rambeau）嘅泰娜·帕麗斯（Teyonah Parris）、飾演驚奇女士嘅伊曼·維拉尼（Iman Vellani），而札維·艾希頓（Zawe Ashton）同朴敘俊就未有公佈佢哋嘅角色。
另外，美國電影專業媒體《screenrant》亦有報導相關消息，指朴敘俊有望成為第四位漫威吧英雄，好有可能飾演韓裔英雄「阿瑪迪斯·週」（Amadeus Cho），又或者係其他英雄、反派角色。
目前經理人公司仍然表示無法確認相關內容，不過通常荷里活製作公司都會喺正式公開前，要求對所有事情保密。
《Marvel隊長2》係漫威影業預計2022年下半年上映嘅作品，令一眾超級英雄電影迷相當期待！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
